ព័ត៌មានជាតិ

ផ្លូវក្រោមស្ពានព្រះមុនីវង្សចាស់ថ្មីកកស្ទះចរាចរណ៍ ព្រោះតែមានការលក់ដូរច្រើន

បានផុស

២ years មុន

នៅ

ថ្ងៃពុធ ២២ ធ្នូ ២០២១

ដោយ

ភ្នំពេញ ៖ ផ្លូវចាក់ក្រាលបេតុងក្រោមស្ពានព្រះមុនីវង្សចាស់ ថ្មី ដែលអាជ្ញាធរស្ថាបនាឡើងសម្រាប់ទុកឲ្យអ្នកធ្វើដំណើរដោយម៉ូតូនិងអ្នកថ្មើរជើង ខណៈដែលកំណើនយានយន្តកាន់តែច្រើនប៉ុន្តែបែរជាមានអ្នកជួលទីតាំងជាប់ផ្លូវបង្កឲ្យកកស្ទះចរាចរណ៍រាល់ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីបងប្រុស សុខ ថាន់ ជាអ្នករស់នៅច្បារអំពៅទី២ខណ្ឌច្បារអំពៅបានឲ្យដឹងថាធាតុពិតផ្លូវវៀងក្រោមស្ពានព្រះមុនីវង្សចាស់ ថ្មីនេះគឺអាជ្ញាធរបានស្ថាបនាសម្រាប់ឲ្យអ្នកបើកបរម៉ូតូនិងអ្នកថ្មើរជើងធ្វើដំណើរវៀងផ្លូវជាតិលេខ១ឆ្ពោះទៅផ្សារច្បារអំពៅ។ ហើយថ្មីៗនេះស្រាប់តែមានប្រជាពលរដ្ឋវៀតណាមមកដាក់អីវ៉ាន់លក់ដូរយ៉ាងប្រសេចប្រសាចហើយអ្វីដែលគួរឲ្យងឿងឆ្ងល់នោះនៅក្រោមស្ពានព្រះមុនីវង្សចាស់បែរជាមានបងប្អូនប្រជាពលរដ្ឋដាក់លក់ចានឆ្នាំងនិងដាក់កន្លែងជួសជុលម៉ូតូយ៉ាងរំភើយដោយមិនខ្វល់ពីបញ្ហាប៉ះពាល់សណ្តាប់ធ្នាប់ឡើយ។

ដោយឡែក អាជ្ញាធរវិញបានត្រឹមបញ្ចេញកម្លាំងបោសសំអាតសំរាមក្រោមស្ពាន ប៉ុន្តែក្នុងនោះដីក្រោមស្ពានព្រះមុនីវង្សចាស់ថ្មីនេះ គឺស្ថិតក្នុងការគ្រប់គ្រងដោយនគរបាលចរាចរណ៍ជើងទឹក។

ប្រជាពលរដ្ឋក៏ដូចជាអ្នកធ្វើដំណើរឆ្លងកាត់ក្រោមស្ពាននេះសុំឲ្យនគរបាលចរាចរណ៍ជើងគួរបញ្ឈប់ការជួលទីតាំងឲ្យបងប្អូនប្រជាពលរដ្ឋវៀតណាមលក់ដូរបង្កការកកស្ទះចរាចរណ៍រាល់ថ្ងៃនេះផង។ ព្រោះអាជ្ញាធរខិតខំស្ថាបនាផ្លូវទុកគ្រាន់ធ្វើដំណើរពុំមែនសម្រាប់ទុកជួលនោះទេ៕

ដោយ ៖ នរា