ព័ត៌មានជាតិ
រដ្ឋមន្ត្រីអប់រំ នឹងអញ្ជើញបើកវិញ្ញាសាប្រឡងបាក់ឌុប នៅមណ្ឌលប្រឡងព្រះស៊ីសុវត្ថិ នៅព្រឹកថ្ងៃទី២៧ធ្នូ
លោកបណ្ឌិត សភាចារ្យ ហង់ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា នឹងអញ្ជើញបើកវិញ្ញាសាប្រឡងបាក់ឌុប នៅមណ្ឌលប្រឡង ព្រះស៊ីសុវត្ថិ នៅថ្ងៃទី ២៧ ខែធ្នូ ឆ្នាំ២០២១។
លោក រស់ សុវាចា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍ នៅថ្ងៃទី២៥ខែធ្នូនេះ ថា លោករដ្ឋមន្ត្រី នឹងអញ្ជើញទៅដល់មណ្ឌលប្រឡង ព្រះស៊ីសុវត្ថិមុនម៉ោង ៧ព្រឹក ថ្ងៃទី ២៧ ខែធ្នូឆ្នាំ ២០២១ ដែលជាថ្ងៃបើកដំណើរការ សំណេរប្រឡងសញ្ញាបត្រមធ្យមសិក្សាទុតិយភូមិ។
នៅពេលសួរថាតើ លោករដ្ឋមន្ត្រី នឹងផ្តល់សម្ភាសន៍ដល់អ្នកសារព័ត៌មានដែរឬទេ? លោក រស់ សុវាចា បានបញ្ជាក់ថា នៅមិនទាន់ដឹងនៅឡើយទេ វាអាស្រ័យទៅលើស្ថានភាព ជាក់ស្តែង។
មុនពេលជំងឺកូវីដ-១៩ រាតត្បាតពេល លោករដ្ឋមន្ត្រីអញ្ជើញទៅបើកវិញ្ញាសាប្រឡង លោកតែងតែមានការផ្តល់បទសម្ភាសន៍ ដល់អ្នកសារព័ត៌មានយ៉ាងច្រើន។ ប៉ុន្តែនៅក្នុងកំឡុងពេល មានជំងឺកូវីដនេះថាតើលោក នៅតែបន្តផ្តល់បទសម្ភាសន៍ ដល់អ្នកសារព័ត៌មានទៀត ឬយ៉ាងណានោះទេ?
យ៉ាងណាក៏ដោយ លោកបណ្ឌិតសភាចារ្យ ហង់ ជួនណារ៉ុន បានបញ្ជាក់ នៅក្នុងសន្និសីទកាសែត កាលពីថ្ងៃទី ២០ ខែធ្នូ ថា ក្រសួងនឹងមិនបន្ធូរបន្ថយ ចំពោះការប្រឡងសញ្ញាបត្រ មធ្យមសិក្សាទុតិយភូមិ (បាក់ឌុប) នៅឆ្នាំនេះនោះទេ ទាំងកម្រិតការដាក់វិញ្ញាសារ និងការរិតបន្តឹងវិន័យ បើទោះបីជាមានការរីករាលដាលនៃជំងឺកូវីដ-១៩ ដែលបណ្តាលឲ្យបិទសាលាមួយរយៈ ក៏ដោយ។
លោករដ្ឋមន្ត្រី បានបញ្ជាក់បន្ថែមថា ការរៀបចំការប្រឡង ទៅតាមស្តង់ដារ នៃការប្រឡងសញ្ញបត្រធម្យមសិក្សាទុតិយភូមិនេះ គឺដើម្បីធ្វើឲ្យសញ្ញាបត្រមធ្យមសិក្សាទុតិយភូមិនៅកម្ពុជា នៅតែមានតម្លៃ និងមានគុណភាព ទោះបីជាប្រឡងនៅពេលណាក៏ដោយ។
លោក រស់ សុវាចា បានអំពាវនាវ ដល់បេក្ខជនប្រឡងបាក់ឌុប បន្តចូលរួមអនុវត្តគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន។ ចូលរួមប្រតិបត្តិវិធានការ សុវត្ថិភាពសុខភាព ជាពិសេសអនុវត្ត ៣ការពារ ៣កុំ ក្នុងការរក្សាសុខសុវត្ថិភាពបុគ្គល និងគ្រួសារ។ បង្កើនការប្រុងប្រយ័ត្ន ពេលធ្វើដំណើរតាមដងផ្លូវ ដោយត្រូវបន្តគោរពច្បាប់ចរាចរណ៍ និងបន្តអនុវត្តផែនការបុគ្គល ត្រៀមប្រឡងបាក់ឌុបរៀង ៗខ្លួន ដើម្បីទទួលបានលទ្ធផលសមតាមការខិតខំប្រឹងប្រែង។
ជាមួយគ្នានេះដែរ លោក រស់ សុវាចា បានណែនាំដល់បេក្ខជនប្រឡងត្រូវញ៉ាំ និងគេងឲ្យបានគ្រប់គ្រាន់ ព្រមទាំបរិភោគទឹកឲ្យបានច្រើនដើម្បីការពារសុខភាព ឲ្យបានល្អពិសេសត្រូវតាំងចិត្តឲ្យស្ងប់តាមវិធីដែលខ្លួនចូលចិត្ត ដូចជាតាមការតាំងសមាធិជាដើម និងត្រូវរៀបចំទឹក ម៉ាស់ និងអាល់កុលលាងដៃឲ្យរួចរាល់ ដើម្បីដាក់តាមខ្លួន យកទៅមណ្ឌលប្រឡងបាក់ឌុប។
គួរបញ្ជាក់ថា សម្រាប់ការប្រឡងបាក់ឌុប នៅថ្ងៃទី ២៧ និង ២៨ខែធ្នូខាងមុខនេះ មានបេក្ខជនចុះឈ្មោះប្រឡងសរុប ១១៤ ១៨៣នាក់ ស្រី ៦០ ៣៩៧នាក់មាន មណ្ឌលសំណេរចំនួនសរុប ២០៤ មណ្ឌល ត្រូវជា ៤ ៦១៦ បន្ទប់។ បេក្ខជនត្រូវបានរៀបចំចំនួន ២៥នាក់ ក្នុងមួយបន្ទប់ លើកលែងតែបន្ទប់ចុងក្រោយ និងបន្ទប់ដែលមានបេក្ខជនមកពីវិទ្យាល័យអប់រំពិសេស៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ