ព័ត៌មានជាតិ
ប្រធានមន្ទីរអប់រំខេត្តព្រះសីហនុ ៖ មានបេក្ខជនម្នាក់សន្លប់ ខណៈការប្រឡងរួមមានភាពប្រក្រតី
ប្រធានមន្ទីរអប់រំ យុវជន និងកីឡា ខេត្តព្រះសីហនុ មានប្រសាសន៍ថា ចំពោះថ្ងៃដំបូងនៃការប្រឡងសញ្ញាបត្រទុតិយភូមិទូទាំងប្រទេសនៅខេត្តព្រះសីហនុ គឺមានសភាពស្ងប់ស្ងាត់ល្អ ដំណើរការដោយរលូន មិនមានបញ្ហាអ្វីកើតឡើងទេ គឺមានតែបេក្ខនារីម្នាក់សន្លប់។
លោកស្រី អ៊ុច សោភា ប្រធានមន្ទីរអប់រំ យុវជន និងកីឡា ខេត្តព្រះសីហនុ មានប្រសាសន៍ប្រាប់កម្ពុជាថ្មី នៅថ្ងៃទី ២៧ ខែធ្នូ ឆ្នាំ ២០២១ នេះថា ទាំងដំណើរការប្រឡង ទាំងការគោរពវិន័យ ទាំងស្ថានភាពសុខភាពទាក់ទងនឹងកូវីដ មិនមានបញ្ហាអ្វីទាំងអស់ ចំណែកបេក្ខជននាំយកតែប៊ិក បន្ទាត់តែប៉ុណ្ណោះ ចូលមណ្ឌលប្រឡង ដោយមិនមានបេក្ខជនជនមិនគោរពវិន័យនៃការប្រឡងឡើយ។
លោកស្រី អ៊ុច សោភាព បានឱ្យដឹងបន្ថែមថា ចំណែកបេក្ខនារី ដែលសន្លប់នោះ គឺនាងប្រឡងនៅមណ្ឌលប្រឡង វិទ្យាល័យ ហ៊ុន សែន វាលរេញ ដោយនាងមានជំងឺស្រើត គឺបេះដូងចំហរ តែពុំមានបញ្ហាអ្វីទេ ហើយបានដាក់អុកស៊ីសែន រួចដឹងខ្លួនចូលប្រលងវិញធម្មតា។ លោកស្រីបញ្ជាក់ថា ក្មេងស្រីម្នាក់នោះជាធម្មតាតែងតែមានការសន្លប់របៀបនេះកន្លងមក ដែលការសន្លប់របស់គាត់បានក្លាយទៅជាទម្លាប់ទៅហើយ ដូចនេះក្រុមគ្រូពេទ្យបានត្រៀមអុកស៊ីសែនទុករួចជាស្រេច។
ប្រធានមន្ទីរអប់រំ យុវជន និងកីឡា ខេត្តព្រះសីហនុ ខាងលើ បានបញ្ជាក់ថា ចំពោះយន្តការចូលរួមគាំទ្រ និងរៀបចំ
រៀបចំបង្ការជំងឺកូវីដ-១៩ ដោយមានរៀបចំសម្ភារៈបង្ការដោយគោរពតាមស្តង់ដាប្រតិបត្តិ SOP របស់ក្រសួងអប់រំ ក៏ដូចជាក្រសួងសុខាភិបាល គឺមន្ទីរអប់រំខេត្តព្រះសីហនុបានរៀបចំ យន្តការចូលរួមគាំទ្រ និងរៀបចំបង្ការជំងឺកូវីដ-១៩ ដោយរៀបចំសម្ភារៈបង្ការគោរពតាមស្តង់ដាប្រតិបត្តិ SOP របស់ក្រសួងអប់រំ ក៏ដូចជាក្រសួងសុខាភិបាលដូចជា៖
១. ទូរបាញ់អាល់កុលសម្លាប់មេរោគ
២. ឧបករណ៍វាស់កម្ដៅដោយម៉ាស៊ីនស្វ័យប្រវត្តិបញ្ឈរ និងប្រើដោយដៃ
៣. ស្ទិគ័របិទសញ្ញាសម្គាល់ជូនដល់គណៈកម្មការទាំងអស់ និងបេក្ខជនប្រឡង
៤. បន្ទប់សម្រាប់សង្រ្គោះបឋម (មានពេទ្យប្រចាំការ និងឡានពេទ្យ)
៥. បន្ទប់ បម្រុងសម្រាប់តាមដានបេក្ខជនមានកំដៅលើសពី ៣៧,៥០ អង្សាសេ
៦. ម៉ាស់ សម្រាប់ចែកជូនដល់បេក្ខជន និងគណាៈកម្មការគ្រប់គ្នា
៧. អាល់កុលគ្រប់មណ្ឌល
៨. ផែនការ និងកងកម្លាំងការពារសុខសុវត្ថិភាព សណ្តាប់ធ្នាប់ របៀបរៀបរយ ក្នុងពេលដំណើរការសំណេរ
៩. ជូនព័ត៌មានដល់សាធារណៈជន ឱ្យចូលរួមកាត់បន្ថយ និងបញ្ឈប់ការបំពងសំឡេងខ្លាំង នៅបរិវេនជិតមណ្ឌលប្រឡង និង បិទផ្អាកអាជីវកម្មថតចម្លងម៉ាស៊ីនហ្វូតូកូពី និងការលក់សំណៅឯកសារផ្សេងៗ (ដោយលោកអភិបាលក្រុង ស្រុក)
១០. ប្រកាសព័ត៌មានជូនដល់បេក្ខជន ឱ្យបានជ្រាបនូវព័ត៌មាន កន្លែងស្នាក់នៅ ហូបចុកអាហារ ៣ ពេល និង ១ ពេលព្រមទាំងទឹកសុទ្ធ ម៉ាស់ អាល់កុល ដែលឧបត្ថម្ភដោយ លោក គួច ចំរើន អភិបាល នៃគណៈអភិបាលខេត្តព្រះសីហនុ ទាំង ៥ មណ្ឌល។
គួរបញ្ជាក់ថា ចំពោះការប្រឡងសញ្ញាបត្រមធ្យមសិក្សទុតិយភូមិ ឆ្នាំ ២០២១ នៅខេត្តព្រះសីហនុ មណ្ឌលសរុប ៥ មណ្ឌល បន្ទប់សរុប ៥៩ បន្ទប់ បេក្ខជនដាក់ពាក្យប្រឡង សរុប ១ ៣៩៣ នាក់ ដោយអវត្តមានអវត្តមានសរុប ៣៩ នាក់ ក្នុងនោះមានស្រី ១៨ នាក់។
អត្ថបទ៖ ច័ន្ទ វីរៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ