ព័ត៌មានជាតិ
ថវិកាជាង ២ម៉ឺនលានរៀល ចំណាយរៀបចំដំណើរការប្រឡងបាក់ឌុបឆ្នាំនេះ
អ្នកនាំពាក្យក្រសួងអប់រំ យុវជន និងកីឡា លោក រស់ សុវាចា បានប្រាប់អ្នកយកព័ត៌មានកម្ពុជាថ្មី នៅរសៀលថ្ងៃទី ២៨ ខែធ្នូ ថា ថវិកាសម្រាប់ចំណាយក្នុងការរៀបចំប្រឡងសញ្ញាបត្រមធ្យមសិក្សាទុតិយភូមិឆ្នាំ២០២១ មានទឹកប្រាក់សរុបចំនួន ២១ ១៩១.៩លានរៀល ស្មើនឹងជាង ៥លានដុល្លារអាមេរិក។
អ្នកនាំពាក្យរូបនេះ បានបញ្ជាក់ថា ការចំណាយលើការប្រឡងសញ្ញាបត្រមធ្យមសិក្សាទុតិយភូមិនេះ ផ្តោតសំខាន់គឺប្រាក់ឧបត្ថម្ភលើគណៈកម្មការនានា ក្នុងកិច្ចដំណើរការប្រឡង ដែលមាន៤ដំណាក់កាល គឺការតាក់តែងប្រធានវិញ្ញាសា ពេលសំណេរ ពេលកំណែ និងបូកស្រង់ដោយកុំព្យូទ័រ។
ចំណែកឥណទានថវិកាឆ្នាំ២០២១ សម្រាប់ទ្រទ្រង់ក្នុងកិច្ចដំណើរការក្រសួងអប់រំ យុវជន និងកីឡាផ្នែកចំណាយចរន្តមានចំនួន ៥៨៧ ៧៤៧ លានរៀល(មិនបញ្ចូលបន្ទុកបុគ្គលិក)។ នេះបើតាមការបញ្ជាក់របស់លោក រស់ សុវាចា។
បេក្ខជនប្រឡងឆ្នាំនេះ មានចំនួន១១៤ ១៨៣នាក់ ស្រី៦០៣៩៧នាក់ មាន ២០៤ មណ្ឌល ៤៦១៦ បន្ទប់ ។ ចំនួនបេក្ខជនអវត្តមានថ្ងៃប្រឡងទី១(២៧ធ្នូ) មានចំនួន៤២២៤នាក់ (ស្រី១៧៩៤នាក់) ត្រូវជា៣,៧ ភាគរយ។
សូមបញ្ជាក់ថា ការប្រឡងរយៈពេល២ថ្ងៃ ស្មើនឹង ៦៣០នាទី ដែលមានពិន្ទុប្រឡងអតិបរមា ៥០០ពិន្ទុ ប៉ុន្តែដោយមុខវិជ្ជាភាសាបរទេស ជាវិញ្ញាសាតាមស្ម័គ្រ ដូច្នេះពិន្ទុប្រឡងជាប់ គឺ៥០០ ដក២៥ រួចចែកនឹង២ ស្មើនឹង ២៣៧.៥ពិន្ទុ យកត្រឹម ២៣៧ពិន្ទុ។ លទ្ធផលនៃការប្រឡង ក្រសួងអប់រំ នឹងកំណត់យកថ្ងៃទី១៨ ខែមករា ឆ្នាំ២០២២ ប្រកាសលទ្ធផលនៅរាជធានីភ្នំពេញ និងខេត្តកណ្តាល នៅថ្ងៃទី១៩ ខែមករា ឆ្នាំ២០២២ សម្រាប់បណ្តាខេត្ត ទូទាំងប្រទេស៕ ទួន សុផល
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ