ព័ត៌មានជាតិ
គ.ជ.ប ប្រកាសស្វាគមន៍ការទាមទាររបស់គណបក្សប្រជាធិបតេយ្យមូលដ្ឋាន និងកម្ពុជានិយម
លោក ហង្ស ពុទ្ធា សមាជិក និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត(គ.ជ.ប) បានអះអាងប្រាប់កម្ពុជាថ្មីនៅព្រឹកថ្ងៃសុក្រនេះថា គ.ជ.ប ស្វាគមន៍ចំពោះមតិយោបល់ និងការទាមទាររបស់គណបក្សប្រជាធិបតេយ្យមូលដ្ឋាន និងគណបក្សកម្ពុជានិយម។ លោក បញ្ជាក់ថា គ.ជ.ប នឹងយកការទាមទារនេះទៅពិចារណា និងពិភាក្សានៅក្នុងកិច្ចប្រជុំនៅថ្ងៃទី០៦ ខែមករា ឆ្នាំ២០២២ ខាងមុខ។
ជាមួយគ្នានេះ លោក ហង្ស ពុទ្ធា ក៏ បានថ្លែងអំណរគុណដល់បណ្តាគណបក្សនយោបាយ អង្គការសង្គមស៊ីវិល ស្ថានទូតបរទេស និងភាគីពាក់ព័ន្ធនានាដែលបានចូលរួមផ្តល់យោបល់សម្រាប់រៀបចំបទបញ្ជា និងនីតិវិធីសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ដើម្បីឲ្យប្រព្រឹត្តទៅដោយរលូន តម្លាភាព ត្រឹមត្រូវ និងយុត្តិធម៌។
សូមបញ្ជាក់ថា គណបក្សប្រជាធិបតេយ្យមូលដ្ឋាន និងគណបក្សកម្ពុជានិយម នៅថ្ងៃទី៣០ ខែធ្នូ ម្សិលមិញនេះ បានរួមគ្នាទាមទារ ២ ចំណុចពីគណៈកម្មាធិការជាតិរៀបចំការបោះឆ្នោត(គ.ជ.ប) ដើម្បីធានាឲ្យការបោះឆ្នោតប្រព្រឹត្តទៅត្រឹមត្រូវ និងយុត្តិធម៌។ ចំណុច ទី១. គឺរក្សាទុកប្រការ ៩.៣.១.៩៖ “ចាត់ចែងចែកជូនកំណត់ហេតុនៃការរាប់សន្លឹកឆ្នោតជូនភ្នាក់ងារគណបក្សនយោបាយដែលមានវត្តមាន” (ការទទួលខុសត្រូវ និងភារកិច្ចរបស់ គ.ក.ប/គ.ក.រ ក្នុងជំពូកទី៩ ការរៀបចំ ការគ្រប់គ្រង និងការប្រព្រឹត្តទៅនៃការបោះឆ្នោត ការបិទផ្សាយបញ្ជីឈ្មោះ ទីតាំងការិយាល័យបោះឆ្នោត និងរាប់សន្លឹកឆ្នោត) ។
ចំណែក ចំណុចទី២. គឺសុំរក្សាប្រយោគទាំងនេះនៅដដែល…១០.៤.៣.១/១០.៤.៣.២/១០.៤.៤/១០.៤.៥, ១០.៤.៥.២/១០.៤.៦.៣ (ការរៀបចំ និងការវេចខ្ចប់កញ្ចប់សុវត្ថិភាព”ក” ដាក់កំណត់ហេតុនៃការបោះឆ្នោតកំណត់ហេតុនៃការរាប់សន្លឹកឆ្នោត និងសម្ភារឯកសារបោះឆ្នោតពាក់ព័ន្ធ ក្នុងជំពូកទី១០ការបិទការបោះឆ្នោត ការរាប់សន្លឹកឆ្នោត និងការប្រមូលប្រគល់សម្ភារៈបោះឆ្នោត)៕
អត្ថបទ ៖ វណ្ណ សុគន្ធា
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៨ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore