ព័ត៌មានជាតិ
ភ្ញៀវទេសចរឆ្លងឆ្នាំ ២០២២ កើនជាងឆ្នាំមុនជាង ៦៣%
រដ្ឋមន្ត្រី ក្រសួងទេសចរណ៍ បានលើកឡើងថា ក្នុងឱកាសឆ្លងឆ្នាំសកល ២០២១ ឆ្លងចូល ២០២២ កម្ពុជាទទួលបានភ្ញៀវទេសចរជាង ១,១ លាននាក់ ដែលចំនួននេះមានការកើនឡើងជាង ៦៣% បើប្រៀបធៀបឆ្នាំ ២០២១ កន្លងទៅ។
លោក ថោង ខុន រដ្ឋមន្ត្រីក្រសួងទេសចរណ៍ បានឱ្យដឹងថា ស្ថិតិភ្ញៀវទេសចរនាឱកាសឆ្លងឆ្នាំសកល ២០២១ ឆ្លងចូល ២០២២ មានការកើនឡើងដល់ទៅ ៦៣,៦៥% ធៀបនឹងឱកាសឆ្លងឆ្នាំសកល ២០២០ ឆ្លងចូល ២០២១។ យោងតាមតួលេខខាងលើឃើញថា ភ្ញៀវទេសចរសរុបមានចំនួន ១ ១៤៥ ១៤១ នាក់ ក្នុងនោះភ្ញៀវជាតិមានចំនួន ១ ១៣៩ ៣៨៧ នាក់ និងភ្ញៀវបរទេសផ្ទៃក្នុងមានចំនួន ៥ ៧៥៤ នាក់។
លោកបានបន្តថា ស្របពេលនឹងការបិទបញ្ចប់ព្រឹត្តិការណ៍ សហគមន៍ ២០ កុម្ភៈ នាពេលកន្លងមក រដ្ឋបាលរាជធានី-ខេត្ត រដ្ឋបាលក្រុង-ស្រុកមួយចំនួនបានរៀបចំជាពិធីអបអរសាទ និងទទួលអំណរឆ្នាំថ្មី ការប្រគុំតន្រ្តី ការតុបតែងលម្អទីក្រុង និងដាក់ភ្លើងបំភ្លឺជាដើម ដើម្បីទាក់ទាញភ្ញៀវទេសចរ។
រដ្ឋមន្ត្រីក្រសួងទេសចរណ៍ បានបញ្ជាក់ថា គ្រប់គោលដៅទេសចរណ៍ និងមូលដ្ឋានអាជីវកម្មទេសចរណ៍បានខិតខំអនុវត្តវិធានសុវត្ថិភាពទេសចរណ៍ និងនីតិវិធីប្រតិបត្តិស្តង់ដាអប្បបរមា (SOP) ក្រោមការចុះពិនិត្យ អប់រំ និងណែនាំពីរដ្ឋបាលរាជធានី-ខេត្ត មន្ទីរទេសចរណ៍ទាំង ២៥ រាជធានី-ខេត្ត។ ចំពោះការគ្រប់គ្រងសន្តិសុខ សណ្ដាប់ធ្នាប់ និងចរាចរណ៍ជាដើមមានភាពល្អប្រសើរ មិនមានបញ្ហា ឬការរំខានណាមួយកើតឡើងគួរកត់សម្គាល់ទេ ដោយគណៈបញ្ជាការឯកភាពរាជធានី-ខេត្តបានរៀបចំកម្លាំងប្រចាំការនៅតាមទីតាំងសំខាន់ៗក្នុងមូលដ្ឋានរបស់ខ្លួន។
គួរបញ្ជាក់ថា គោលដៅសំខាន់ៗដែលភ្ញៀងទេសចរបានទៅកម្សន្ត រួមមាន៖ រាជធានីភ្នំពេញ៖ ៣៦៥ ៦៥៣ នាក់, ខេត្តសៀមរាប៖ ១៨៩ ៤៣៦ នាក់, ខេត្តកំពត៖ ៩៦ ១៣៨ នាក់, ខេត្តកំពង់ស្ពឺ៖ ៨០ ១០០នាក់, ខេត្តកំពង់ឆ្នាំង៖ ៧១ ៨៦៩ នាក់, ខេត្តកែប៖ ៦៦ ១៣៥ នាក់, ខេត្តព្រះសីហនុ៖ ៥៥ ៧១៧ នាក់៕
អត្ថបទ៖ ច័ន្ទ វីរៈ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៨ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore