ព័ត៌មានជាតិ
ឆ្នាំនេះស៊ីម៉ាក់មានមហិច្ឆតារំដោះផ្ទៃដីមានគ្រាប់មិនទាន់ផ្ទុះជិត២០០គីឡូម៉ែត្រក្រឡាកើនជិត៩០%
លោក ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកស៊ីម៉ាក់បានឱ្យដឹងថា ក្នុងឆ្នាំ២០២២នេះ តាមផែនការអង្គភាពស៊ីម៉ាក់មានគោលដៅបោសសំអាតរំដោះផ្ទៃដីរងផលប៉ះពាល់ដោយសារគ្រាប់មីន តំបន់គ្រាប់បែកចង្កោម និងតំបន់សំណល់គ្រាប់យុទ្ធភណ្ឌសង្គ្រាមនានាជិត២០០គីឡូម៉ែត្រក្រឡាកើនឡើងជិត៩០% ប្រៀបនឹងផែនការឆ្នាំ២០២១។
ថ្លែងនៅក្នុងសិក្ខាសាលាបូកសរុបលទ្ធផលការងារប្រតិបត្តិការឆ្នាំ២០២១ និងលើកទិសដៅផែនការសមាហរណកម្មឆ្នាំ២០២២រយៈពេល៣ថ្ងៃ ចាប់ពីថ្ងៃទី៤ ដល់ថ្ងៃទី៦ ខែមករា ឆ្នាំ២០២២ លោកអគ្គនាយកស៊ីម៉ាក់បានបន្តថា នេះជារបត់ថ្មីនៃយុទ្ធសាស្ត្រដើម្បីគាំទ្រផែនការយុទ្ធសាស្ត្រនិងការប្តេជ្ញាចិត្តរបស់រាជរដ្ឋាភិបាល គឺចុងឆ្នាំ២០២៥ កម្ពុជាគ្មានការគំរាមកំហែងដោយសារគ្រាប់មីនប្រឆាំងមនុស្សដែលការប្តេជ្ញាចិត្តនេះ ស្របតាមស្មារតីអនុសញ្ញាអន្តរជាតិអូតាវ៉ានៃការហាមប្រាមការប្រើប្រាស់គ្រាប់មីនប្រឆាំងមនុស្ស។
លោកអគ្គនាយកស៊ីម៉ាក់បានបន្តទៀតថា មហិច្ឆតារបស់អង្គភាពស៊ីម៉ាក់អាចដោះស្រាយបញ្ហាតំបន់គ្រាប់មីននៅសេសសល់ដែលមានកំណត់ត្រាក្នុងទិន្នន័យជាតិបានប្រមាណជាង៩០% ពោលគឺប្រមាណជាង៧០០គីឡូម៉ែត្រក្រឡា ក្នុងរយ:ពេល៤ឆ្នាំខាងមុខនេះ។
លោក ហេង រតនា បានបន្ថែមថា ដើម្បីសម្រេចផែនការឆ្នាំ២០២២នេះ និងទៅមុខទៀត អង្គភាពស៊ីម៉ាក់បានទទួលនូវការគាំទ្រទាំងថវិកា សំភារ:បច្ចេកទេស និងការឧបត្ថម្ភពីរាជរដ្ឋាភិបាល រដ្ឋាភិបាលជប៉ុនផ្ទាល់ រដ្ឋាភិបាលជប៉ុនតាមរយ:JICA និងតាមរយ:អង្គការJMAS រដ្ឋាភិបាលចិន រដ្ឋាភិបាលអាមេរិក តាមរយ:អង្គការNPA រដ្ឋាភិបាលណ័រវេស្ស តាមរយ:អង្គការNPAរដ្ឋាភិបាលប៊ែលហ្សិក តាមរយ:អង្គការAPOPO និងរដ្ឋាភិបាលអូស្ត្រាលី កូរ៉េខាងត្បូង និងកាណាដា តាមរយ:យន្តការពហុភាគី UNDP/CMAAនិងដៃគូមួយចំនួនទៀត។
យោងតាមផែនការយុទ្ធសាស្ត្រជាតិសកម្មភាពមីន ឆ្នាំ២០១៨-២០២៥ បានឲ្យដឹងថា នៅកម្ពុជាមានផ្ទៃដីសង្ស័យមានផលប៉ះពាល់ដោយសារមីនគ្រាប់បែកចង្កោម និងសំណល់ជាតិផ្ទុះពីសង្គ្រាមប្រមាណជាង១៩៧០គីឡូម៉ែត្រការ៉េ ក្នុងនោះប្រមាណ ៨៧៧គីឡូ ម៉ែត្រការ៉េ ជាដីមានផលប៉ះពាល់ខ្ពស់ដោយសារមីន៤៩៩គីឡូម៉ែតការ៉េ ជាដីប៉ះពាល់ដោយគ្រាប់បែកចង្កោម និង ៣៣៣គីឡូម៉ែត្រការ៉េ ជាដីមានផលប៉ះពាល់ដោយសារសំណល់ជាតិផ្ទុះពីសង្គ្រាម។
ផ្ទៃដីមានគ្រាប់មីននិងយុទ្ធភណ្ឌមិនទាន់ផ្ទុះជិត២ពាន់គីឡូម៉ែ ត្រការ៉េនេះ កម្ពុជាត្រូវការថវិកាប្រមាណ៤០៦លានដុល្លារសម្រាប់បោសសំអាតរយៈពេលពីឆ្នាំ២០១៨ ដល់ឆ្នាំ២០២៥ខាងមុខ។
ពាក់ព័ន្ធនឹងសិក្ខាសាលាវិញ លោក ហេង រតនា បានលើកឡើងថា សិក្ខាសាលាមានរយៈពេល០៣ថ្ងៃ ចាប់ពីថ្ងៃទី៤ ដល់ថ្ងៃទី៦ ខែមករា ឆ្នាំ២០២២ នឹងពិភាក្សាលើយុទ្ធសាស្ត្រសំខាន់ៗរបស់អង្គភាពស៊ីម៉ាក់ចំនួន៤រួមមាន៖
១.ក្នុងការធ្វើកំណែទម្រង់កិច្ចប្រតិបត្តិការសំដៅបង្កើនប្រសិទ្ធភាពប្រតិបតិ្តការទាំងបរិមាណនិងគុណភាព តាមរយ:ការពង្រឹងសមត្ថភាពនិងវិន័យជំនាញកម្លាំងជួរមុខអ្នកគ្រប់គ្រងជួរកណ្តាលតាមភូមិភាគ/ខេត្តបំពាក់សម្ភារៈបច្ចេកទេសនិងបទដ្ឋានប្រតិបត្តិ។
២.កំណែទម្រង់ការងារផ្គត់ផ្គង់និងគ្រប់គ្រងហិរញ្ញវត្ថុសំដៅឆ្លើយតបកាន់តែមានប្រសិទ្ធិភាពតាមតម្រូវការប្រតិបតិ្តការផងនិងតម្រូវការដៃគូអភិវឌ្ឍន៍ផង។
៣. ពង្រឹងការគ្រប់គ្រងធនធានមនុស្សហ្វឹកហ្វឺនសមត្ថភាពកម្រិតជាតិនិងអន្តរជាតិ។
ទី៤.បន្តពង្រឹងសមត្ថភាពដោះមីនឆ្លើយតបតម្រូវការអភិវឌ្ឍន៍សេដ្ឋកិច្ចសង្គមអភិវឌ្ឍន៍ទេសចរណ៍និងប្រាង្គប្រាសាទអភិវឌ្ឍន៍តំបន់ដីសង្គមកិច្ចសំរាប់ប្រជាជនក្រីក្រជាដើម៕
អត្ថបទ៖ សំអឿន
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១១ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ