ព័ត៌មានជាតិ
លោកជំទាវ ឱ វណ្ណឌីន ៖ ក្រសួងរកឃើញអ្នកពាក់ព័ន្ធ៥នាក់បានប៉ះពាល់ផ្ទាល់ជាមួយអ្នកមានវីរុសអូមីក្រុង
លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានមានប្រសាសន៍តាមរយៈសាសំឡេងនៅរសៀលថ្ងៃទី៩ ខែមករានេះថា ក្រសួងបានស្រាវជ្រាវរកឃើញមនុស្សពាក់ព័ន្ធចំនួន៥នាក់ដែលបានប៉ះពាល់ដោយផ្ទាល់ជាមួយបុរសវ័យ២៣ឆ្នាំដែលមានវិជ្ជមានវីរុសកូវីដ១៩បំប្លែងថ្មី អូមីក្រុង ចូលក្នុងសហគមន៍ជាលើកដំបូងនោះ។
លោកស្រីបានបន្តថា អ្នកទាំង៥នាក់ដែលបានប៉ះពាល់ផ្ទាល់ជាមួយបុរសនោះ គឺ៣នាក់នៅខេត្តកំពត ដោយសារផ្ទះបុរសនោះនៅខេត្តកំពត។ ចំណែក២នាក់ទៀតនៅរាជធានីភ្នំពេញ ដែលបុរសនោះស្នាក់នៅដែលអ្នកទាំង៥នាក់នេះកំពុងតាមដាននិងវិភាគហើយកំពុងរង់ចាំលទ្ធផលវិភាគ។រីឯបងប្អូនជីដូនមួយគាត់មកពីប្រទេសអូស្ត្រាលីដែលបានធ្វើដំណើរជាមួយគាត់ទៅតាមទីកន្លែងមួយចំនួននោះក៏កំពុងរង់ចាំលទ្ធផលវិភាគដែរ។ ក្រៅពីនោះអត់ទាន់ព័ត៌មានអ្វីពាក់ព័ន្ធជាមួយបុគ្គលផ្សេងទៀតនៅឡើយទេ។
លោកជំទាវសូមក្រើនរំលឹកដល់ប្រជាពលរដ្ឋបន្តអនុវត្តវិធានការការពារខ្លួនដោយហ្មត់ចត់ ជាពិសេស៣កុំ៣ការពារនិងចាក់វ៉ាក់សាំងការពារជំងឺកូវីដ-១៩ឱ្យបានគ្រប់ៗគ្នា ទាំងដូសទី១ ដូសទី២ និងទី៣ឬដូសជំរុញនៅទូទាំងប្រទេស។
ក្រសួងសុខាភិបាលបានប្រកាសថា វីរុសកូវីដ-១៩បំប្លែងថ្មី«អូមីក្រុង»បានឆ្លងចូលដល់ក្នុងសហគមន៍ជាលើកដំបូងបន្ទាប់ពីក្រសួងបានរកឃើញករណីវិជ្ជមានលើបុរសជនជាតិខ្មែរម្នាក់នៅរាជធានីភ្នំពេញកាលពីថ្ងៃទី៨ ខែមករា។
យោងតាមសេចក្តីប្រកាសរបស់សួងសុខាភិបាលចេញផ្សាយកាលពីយប់មិញនេះបានឱ្យដឹងថា ក្រសួងបានរកឃើញករណីវិជ្ជមានកូវីដ-១៩បំប្លែងថ្មី ឈ្មោះ អូមីក្រុង នេះ លើបុរសជនជាតិខ្មែរម្នាក់ អាយុ២៣ឆ្នាំ ស្នាក់នៅសង្កាត់ទួលសង្កែ ខណ្ឌឬស្សីកែវ រាជធានីភ្នំពេញ។ បុរសរូបនេះទំនងជាបានឆ្លងនៅពេលទៅកំដរអ្នកជំងឺដែលជាបងប្អូនជីដូនមួយម្នាក់ដែលទើបធ្វើដំណើរមកពីប្រទេសអូស្ត្រាលីនៅមន្ទីរពេទ្យមួយក្នុងរាជធានីភ្នំពេញ។បច្ចុប្បន្នបុរសរូបនេះ ត្រូវបានដាក់ឱ្យសម្រាកព្យាបាលនៅឯមណ្ឌលព្យាបាលអូឡាំពិក រាជធានីភ្នំពេញ។
បើតាមសេចក្តីប្រកាសដដែលបានបញ្ជាក់ថា ចាប់តាំងពីថ្ងៃទី២៧ ខែធ្នូ ឆ្នាំ២០២១ ដល់ថ្ងៃទី៥ ខែមករា ឆ្នាំ២០២២ បុរសជនជាតិខ្មែររូបនេះបានធ្វើដំណើរទៅកន្លែងជាច្រើន ដូចជា រាជធានីភ្នំពេញ ខេត្តកំពង់ធំ ខេត្តសៀមរាប និងទៅលេងទីតាំងមួយចំនួននៅតានីទូកមាសខេត្តកំពត ដោយបានធ្វើដំណើរជាមួយបងប្អូនជីដូនមួយមកពីប្រទេសអូស្ត្រាលី នេះកាលថ្ងៃទី២៧ ខែធ្នូ ឆ្នាំ២០២១។ នៅថ្ងៃទី៥ ខែមករា ឆ្នាំ២០២២ គាត់បានទៅកំដរអ្នកជំងឺដែលជាបងប្អូនជីដូនមួយគាត់នៅមន្ទីរពេទ្យមួយដែលក្រោយមកក៏បានរកឃើញមានវិជ្ជមានវីរុសកូវីដ-១៩ អូមីក្រុង ផងដែរ។
គួរបញ្ជាក់ថា ក្រសួងសុខាភិបាលបានរកឃើញករណីមេរោគបំប្លែងថ្មីប្រភេទអូមេក្រុងជាលើកដំបូងនៅថ្ងៃទី១៤ ខែធ្នូ ឆ្នាំ២០២១ ទៅលើស្ត្រីមានផ្ទៃពោះជាជនជាតិខ្មែរម្នាក់អាយុ២៣ឆ្នាំ នៅខេត្តស្វាយរៀង ដែលបានធ្វើដំណើរតាមជើងហោះហើរចេញពីប្រទេសហ្គាណា ហើយរហូតមកដល់ព្រឹកថ្ងៃទី៩ ខែមករា ឆ្នាំ២០២២មានអ្នកឆ្លងជំងឺនេះកើនឡើងដល់១៨០នាក់ ហើយក្នុងនោះមានមួយចំនួនបានជាសះស្បើយ៕
អត្ថបទ៖ សំអឿន
ករណីរោងចក្រ អ.ជី ត្រូវបានដោះស្រាយបញ្ចប់ដោយជោគជ័យ
អ្នកវិភាគសង្គម និងសហជីព មើលឃើញថាដំណោះស្រាយដ៏លឿនរហ័សចំពោះកម្មកររោងចក្រ អ.ជី បង្ហាញពីការយកចិត្តទុកដាក់របស់រដ្ឋាភិបាលអាណត្តិទី៧
អភិបាលខេត្តកំពង់ចាម ស្នើក្រុមហ៊ុនសាងសង់ប្រព័ន្ធលូ បញ្ចៀសផលប៉ះពាល់ និងស្ថាបនាផ្លូវឡើងវិញឱ្យបានស្អាត
ក្រុមហ៊ុន Xiaomi លក់រថយន្តអគ្គិសនីចំនួន ៥ម៉ឺនគ្រឿងក្នុងរយៈពេលតិចជាងកន្លះម៉ោង
សាលាបឋមសិក្សាមុខនាគ ខេត្តសៀមរាប ប្រារព្ធទិវាអប់រំកាយ និងកីឡា ដើម្បីលើកកម្ពស់សុខភាព និងសមត្ថភាពរបស់សិស្ស
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៩ ម៉ោង agoបឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ agoលម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore