ព័ត៌មានជាតិ
បាត់ដំបង រៀបចំព្រឹត្តការណ៍ជិះកង់ កសាងសាលា និងឧបត្ថម្ភមន្ទីរពេទ្យ
បាត់ដំបង៖ ខេត្ដបាត់ដំបងនឹងបង្កើតព្រឹត្តិការណ៍ជិះកង់ រៃអង្គាសថវិកាដើម្បីយកទៅកសាងសាលារៀននៅតំបន់ដាច់ស្រយាលនៅស្រុករុក្ខគីរី និងឧបត្ថម្ភដល់មន្ទីរពេទ្យកុមារអង្គរសៀមរាប ដែលព្រឹត្តិការណ៍នឹងប្រព្រឹត្តទៅនៅថ្ងៃទី ២៩ ខែមករា ឆ្នាំ ២០២២ ខាងមុខនេះ។
គណៈកម្មាធិការរៀបចំព្រឹត្តិការណ៍ជិះកង់ខេត្ដបាត់ដំបង បានរៀបចំព្រឹត្តិការណ៍ជិះកង់ក្នុងខេត្ដនេះគឺជាលើកទី១ ដើម្បីលើកកម្ពស់វិស័យទេសចរណ៍ វប្បធម៌ ការអប់រំ លើកស្ទួយសុខភាពកុមារ រៃអង្គាសថវិកាពីសប្បុរសជន និងអ្នកចូលរួម ដើម្បីយកទៅកសាងសាលារៀនក្នុងតំបន់ដាច់ស្រយាលមួយនៅស្រុករុក្ខគីរី និងឧបត្ថម្ភដល់មន្ទីរពេទ្យកុមារអង្គរសៀមរាប ដែលកំពុងជួបបញ្ហាខ្វះខាតនូវថវិកា។
ព្រឹត្តិការណ៍នេះ មានការជិះកង់ចេញដំណើរពីមុខសាលាខេត្ដបាត់ដំបង ឆ្ពោះទៅកាន់ប្រសាទបាសែត ស្ថិតក្នុងឃុំតាប៉ុន ស្រុកសង្កែ ខេត្ដបាត់ដំបង ដែលមានចម្ងាយ ៣០ គីឡូម៉ែត្រ (ទៅ-មក)។
គណៈកម្មាធិការរៀបចំព្រឹត្តិការណ៍ជិះកង់ បានអំពាវនាវសូម អភិបាលក្រុង ស្រុក និង ប្រធានមន្ទីរ អង្គភាព ផ្សព្វផ្សាយជូនដំណឹងដល់មន្ត្រីរាជការ និងបុគ្គលិក ដើម្បីចូលរួមក្នុងព្រឹត្តិការណ៍នេះឱ្យបានច្រើនកុះករ។
សម្រាប់សាធារណៈជន និងសប្បុរសជនដែលមានបំណងចូលរួម គឺអាចចុះឈ្មោះចាប់ពីថ្ងៃជូនដំណឹងរហូតដល់ថ្ងៃទី ២៥ ខែមករា ឆ្នាំ២០២២ ដោយអាចចុះឈ្មោះទៅកាន់លេខទូរសព្ទ ០១២ ៣៦ ៥៤ ៥៤ ឬចុះឈ្មោះតាមអនឡាញ៖ https://forms.gle/zf5aEFAKZPhx5NM16។
គួរបញ្ជាក់ថា តម្លៃសំបុត្រចូលរួម ១៥ ដុល្លារ អ្នកចូលរួមនឹងទទួលបានអាវយឺត ១ ទឹក អាហារសម្រន់ ចូលរួមលេងហ្គេម Treasure Hunt និងអារហារពេលថ្ងៃត្រង់ផងដែរ៕
អត្ថបទ៖ សោ និយមរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង