ព័ត៌មានជាតិ
ត្រឹមតែ ១ខែ លោក ម៉ៅ ធនិន សម្របសម្រួល និងដោះស្រាយបញ្ហា ក្រៅប្រព័ន្ធតុលាការ ជូនពលរដ្ឋជាង ១០០ករណី
ក្នុងរយៈពេលត្រឹម ១ខែប៉ុណ្ណោះ លោក ម៉ៅ ធនិន អភិបាលខេត្តកំពត អាចជួយសម្របសម្រួល ដោះស្រាយសំណូមពរ បញ្ហាប្រឈម និងពាក្យបណ្តឹងជូនប្រជាពលរដ្ឋ ក្រៅប្រព័ន្ធតុលាការបានចំនួន ១៣១ករណី។ រដ្ឋបាលខេត្តកំពតប្តេជ្ញាថា នឹងនៅតែបន្តជួយសម្របសម្រួល ដោះស្រាយរហូតដល់អស់បញ្ហា នឹងសំណូមពរនៅគ្រប់មូលដ្ឋាន របស់ខេត្ត។
តាមរបាយការណ៍ប្រចាំខែធ្នូ ឆ្នាំ ២០២១ របស់រដ្ឋបាលខេត្ត នៅក្នុងកិច្ចប្រជុំក្រុមប្រឹក្សាខេត្ត នាព្រឹកថ្ងៃទី ១១ ខែកមរា ឆ្នាំ ២០២២នេះ បានបង្ហាញថា រដ្ឋបាលខេត្តកំពត ក្រោមការដឹកនាំដោយលោក ម៉ៅ ធនិន អភិបាលខេត្តកំពត បានជួយសម្របសម្រួលដោះស្រាយ សំណូមពរ បញ្ហាប្រឈម និងពាក្យបណ្ដឹងនៅក្រៅប្រព័ន្ធតុលាការ បានចំនួន ១៣លើក ស្មើនឹង ១៣១ករណី។
ក្នុងនោះបញ្ហាដីធ្លី ៩១ករណី រួមមាន៖ ទំនាស់ជាមួយប្រជាពលរដ្ឋ និងប្រជាពលរដ្ឋមាន ៥០ករណី, ប្រជាពលរដ្ឋជាមួយអាជ្ញាធរ មាន ២ករណី (មានស្នើសុំពន្លឿនការ ធ្វើប្លង់កម្មសិទ្ធ) និងមេភូមិ, ប្រជាពលរដ្ឋជាមួយក្រុមហ៊ុន មាន ៥ករណី, ទំនាស់ដីកេរមរតកនឹងគ្រួសារ មាន ១៥ករណី, ទំនាស់ការលែងលះ និងបែងចែកទ្រព្យសម្បត្តិមាន ៩ករណី, បិទផ្លូវសាធារណៈ ៩ករណី, ប្រជាពលរដ្ឋ និងសហគមន៍មាន ១ករណី។
នៅក្នុងកិច្ចប្រជុំនោះដែរ ក៏បានបង្ហាញរបាយការណ៍ ស្តីពី ការចំណាយប្រចាំខែធ្នូ ឆ្នាំ ២០២១ របស់ អភិបាលខេត្តផងដែរ ដោយរួមមាន៖ ចំនួនប្រាក់ខ្មែរជិត ៧៤លានរៀលនិងប្រាក់ដុល្លារ ជាង ២៨ម៉ឺនដុល្លា អង្ករចំនួនជាង ១១៩តោន មីចំនួន ៧៦០កេស ត្រីខចំនួន ៣៥១កេស ទឹកត្រី-ទឹកស៊ីអីវចំនួន ៣,៥០៥យួរ សារុងចំនួន ៣,៥០០សារ៉ុង ទឹកសុទ្ធចំនួន ១៩៥កេស ម៉ាស់ចំនួន ៦,៥០០ម៉ាស់ អាល់កុលចំនួន ៣១០លីត្រ អំបិលចំនួន ១តោន ៣១០គីឡូក្រាម។
នៅក្នុងកិច្ចប្រជុំក្រុមប្រឹក្សាខេត្តដដែលនោះ មានរបៀបវរៈសំខាន់ៗ ដូចជា៖ ១.ពិនិត្យ និងអនុម័ត លើរបៀបវារៈ នៃកិច្ចប្រជុំសាមញ្ញលើកទី ៣២ របស់ក្រុមប្រឹក្សាខេត្ត។ ២. ពិនិត្យ និងអនុម័ត លើកំណត់ហេតុ នៃកិច្ចប្រជុំសាមញ្ញលើកទី ៣១ របស់ក្រុមប្រឹក្សាខេត្ត។ ៣. ពិនិត្យ និងអនុម័ត លើរបាយការណ៍ប្រចាំខែធ្នូ ឆ្នាំ២០២១ ស្តីពី ការអនុវត្ត ការងាររបស់រដ្ឋបាលខេត្ដ។ ៤.ពិនិត្យ និងអនុម័តលើរបាយការណ៍ប្រចាំឆ្នាំ ២០២១ ស្តីពី ការអនុវត្ត ការងាររបស់រដ្ឋបាលខេត្ដ ពិនិត្យ និងអនុម័ត លើសេចក្តីព្រាងសេចក្តីសម្រេច ផ្សេងៗជាច្រើនទៀត។
លោក ជឹង ផល្លា ប្រធានក្រុមប្រឹក្សាខេត្ត បានកោតសរសើរ និងវាយតម្លៃខ្ពស់ ចំពោះលទ្ធផលការងារ ដែលរដ្ឋបាលខេត្ត ក្រុង-ស្រុក និងមន្ទីរអង្គភាពជំនាញជុំវិញខេត្ត បានខិតខំអនុវត្តកន្លងមក។
លោកប្រធានក្រុមប្រឹក្សាខេត្ត ក៏បានស្នើឲ្យគណៈអភិបាលខេត្ត មន្ទីរអង្គភាពជុំវិញខេត្ត និងអាជ្ញាធរក្រុង-ស្រុកទាំងអស់ បន្តយកចិត្តទុកដាក់ ជំរុញការដោះស្រាយ បញ្ហាប្រឈម សំណូមពរ បញ្ហាប្រឈម ទៅតាមជំនាញ និងសមត្ថកិច្ចតួនាទីរបស់ខ្លួន ឲ្យបានកាន់តែប្រសើរថែមទៀត ស្របទៅតាមគោលនយោបាយកាត់បន្ថយភាពក្រីក្រ របស់រាជរដ្ឋាភិបាល ក្រោមការដឹកនាំ របស់សម្ដេចតេជោ ហ៊ុនសែន ក៏ដូចគោលការណ៍ណែនាំ របស់ក្រសួងមហាផ្ទៃ និងក្រសួងជំនាញផ្សេងទៀត ដោយធ្វើយ៉ាងណា ផ្ដល់នូវប្រយោជន៍ និងភាពកក់ក្ដៅ ជូនប្រជាពលរដ្ឋ សំដៅធ្វើឲ្យពួកគាត់មានជីវភាព កាន់តែរីកចំរើនប្រសើរឡើង ជាលំដាប់៕
អត្ថបទ៖ សេង ណារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ