ព័ត៌មានជាតិ
មេឃុំថ្មស ស្រុកបូទុមសាគរ បន្តកៀរគរពលរដ្ឋ ទៅចាក់វ៉ាក់សាំង ឲ្យបានគ្រប់ៗ គ្នា
លោកមេឃុំថ្មស ស្រុកបូទុមសាគរ ខេត្តកោះកុង បានបន្តលើកចិត្តប្រជាពលរដ្ឋ ក្នុងមូលដ្ឋានឲ្យទៅទទួល ការចាក់វ៉ាក់សាំងបង្ការជំងឺកូវីដ-១៩ ដូសជំរុញ ដើម្បីឆ្លើយតបនឹងសារាចរណែនាំ របស់រាជរដ្ឋាភិបាល ខណៈចំនួនអ្នកឆ្លងជំងឺកូវីដ -១៩ បំប្លែងខ្លួនអូមីក្រុង ហាក់មានការកើនឡើងជាបន្តបន្ទាប់ នារយៈពេលប៉ុន្មានថ្ងៃមកនេះ នៅរាជធានីភ្នំពេញ និងនៅបណ្ដាខេត្តមួយចំនួនទៀត។
លោក អិក គួន មេឃុំថ្មស ស្រុកបូទុមសាគរ ខេត្តកោះកុង បានឲ្យដឹងនៅថ្ងៃទី ១២ ខែមករា ឆ្នាំ ២០២២នេះថា រយៈពេល ៥ថ្ងៃ នៃយុទ្ធនាការចាក់វ៉ាក់សាំងដូសទី ៣ នៅក្នុងមូលដ្ឋានរបស់លោក មានពលរដ្ឋជាង ៥០ភាគរយ បានទៅចាក់វ៉ាក់សាំង នៅតាមមណ្ឌលដែលរៀបចំទុក ក្នុងចំណោមប្រជាពលរដ្ឋសរុបជាង ៥ពាន់នាក់។
លោកមេឃុំថ្មស បានបន្ថែមថា សម្រាប់ការចាក់វ៉ាក់សាំងដូសទី ៣ ទៅលើប្រជាពលរដ្ឋ ៥០ភាគរយផ្សេងទៀត គឺពុំទាន់ចាក់វ៉ាក់សាំងតាមកាលកំណត់នោះទេ ដោយពួកគាត់ប្រាប់ពីហេតុថា មកពីបញ្ហាសុខភាពទើបពន្យារពេលចាក់។
ទោះបីជាយ៉ាងណា លោកក៏បានសុំគោលការណ៍ ពីរដ្ឋបាលស្រុក-ខេត្ត ព្រមទាំងមន្ទីរជំនាញផងដែរ ដើម្បីផ្តល់ពេលវេលាសមស្របបន្ថែម រៀបចំដំណើរការចាក់វ៉ាក់សាំង តាមមណ្ឌលសុខភាពនៅជិតលំនៅដ្ឋាន របស់ប្រជាពលរដ្ឋតែម្តង។
ជាមួយគ្នានេះលោក អិក គួន បានបង្ហាញក្ដីរំពឹងថា ប្រជាពលរដ្ឋ នឹងចូលរួមទៅទទួលវ៉ាក់សាំងទាំងអស់គ្នា នៅពេលដល់វេនរបស់ខ្លួន ហើយនឹងបន្តចូលរួមអនុវត្តវិធានការនានា ដើម្បីទប់ស្កាត់ការរាតត្បាតជំងឺកូវីដ-១៩។
បញ្ហានេះចាក់វ៉ាក់សាំងនេះដែរ ត្រូវបានប្រជាពលរដ្ឋរស់នៅភូមិថ្មស ឲ្យដឹងដែរថា ពួកគាត់បានទៅចាក់វ៉ាក់សាំងដោយស្ម័គ្រចិត្ត តាមការណែនាំរបស់អាជ្ញាធរមូលដ្ឋាន ឃុំ ស្រុក ខេត្ត ព្រមទាំងរាជរដ្ឋាភិបាលរួចរាល់ហើយ។ ពួកគាត់ថា ទោះបីចាក់វ៉ាក់សាំងក៏ដោយ ក៏នៅតែបន្តអនុវត្តវិធានការសុខាភិបាលជាប្រចាំ ទោះបីជានៅផ្ទះ ឬនៅទីសាធារណៈ ក៏ដោយ។
សូមជម្រាបថា នៅក្នុងឃុំថ្មស អំឡុងពេលព្រឹត្តការណ៍ ២០ កុម្ភៈ ឆ្នាំ ២០២១កន្លងទៅ គិតចាប់ពីខែមិថុនា ដល់ចុងខែសីហា មានប្រជាពលរដ្ឋ ២៥៤នាក់ បានឆ្លងជំងឺកូវីដ-១៩ និងព្យាបាលជាសះស្បើយ ហើយតែមានស្រ្តី វ័យចំណាស់ម្នាក់ប៉ុណ្ណោះ បានស្លាប់ដោយសារជំងឺនេះ៕
អត្ថបទ៖ សិរីវឌ្ឍនៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង