ព័ត៌មានជាតិ
ខេត្តពីរកំពុងដំណើរការសាងសង់ស្ដូបអនុស្សាវរីយ៍នយោបាយឈ្នះ ឈ្នះ
ខេត្តចំនួនពីរ កំពុងដំណើរការសាងសង់ស្ដូបអនុស្សាវរីយ៍នយោបាយឈ្នះ ឈ្នះ ដើម្បីបង្ហាញពីការដឹងគុណ និងការចងចាំរំឭកដល់វីរភាព ស្នាដៃ និងភាពឈ្លៀសវៃរបស់ថ្នាក់ដឹកនាំ ក្នុងការស្វែងរកសន្តិភាព។
ខេត្តទាំងពីរ គឺខេត្តកោះកុង កំពុងដំណើរការសាងសង់ដោយបានបុកគ្រឹះរួចរាល់ហើយ ស្ថិតនៅភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ និងស្ដូបអនុស្សាវរីយ៍នយោបាយឈ្នះ ឈ្នះមួយទៀតនៅស្រុកអន្លង់វែង ខេត្តឧត្តរមានជ័យ បានចាប់ផ្តើមសាងសង់ ខណៈដែលសម្តេច ទៀ បាញ់ ឧបនាយករដ្ឋមន្រ្តីរដ្ឋមន្រ្តីក្រសួងការពារជាតិ និងជាប្រធានគណៈកម្មការសាងសង់វិមាននយោបាយឈ្នះឈ្នះ បានប្រកាសសមាសភាពអនុគណៈកម្មការសាងសង់ស្តូបនយោបាយឈ្នះឈ្នះ កាលពីថ្ងៃទី ១០ ខែមករា នេះ។
ស្តូបនយោបាយឈ្នះឈ្នះ នៅស្រុកអន្លង់វែង នឹងត្រូវសាងសង់ឡើង ក្រោមការចូលរួមចំណែកជាថវិកា និងគំនិតពីគ្រប់មជ្ឈដ្ឋាន។ ក្រសួងការពារជាតិ បានឲ្យដឹងទៀតថា សម្តេច ទៀ បាញ់ បានស្នើឲ្យអនុគណៈកម្មការសាងសង់ស្តូបនយោបាយឈ្នះឈ្នះ បន្តនាំគ្នាអំពាវនាវ និងកៀរគរធនធាននានា ពីសប្បុរសជន មន្ត្រីរាជការ កងកម្លាំងប្រដាប់អាវុធ ព្រះសង្ឃ បញ្ញវន្ត និង ប្រជាជន ដើម្បីចូលរួមកសាងស្តូបនយោបាយឈ្នះឈ្នះនេះ ឲ្យបានរួចរាល់តាមការគ្រោងទុក។ ក្រសួងការពារជាតិ បន្ថែមថា ស្តូបនយោបាយឈ្នះឈ្នះ ក្នុងស្រុកអន្លង់វែង នឹងក្លាយទៅជាសំណង់ប្រវត្តិសាស្រ្តរាប់រយឆ្នាំ និងជាកេរមរតក សម្រាប់មនុស្សជាតិគ្រប់ជំនាន់។
សូមជំរាបថា រាដ្ឋាភិបាលកម្ពុជា បានសាងសង់វិមាននយោបាយឈ្នះឈ្នះមុនគេ នៅរាជធានីភ្នំពេញ បន្ទាប់មកគឺសាងសង់ស្តូបនយោបាយឈ្នះឈ្នះតាមបណ្តាខេត្តមួយចំនួនទៀត រួមមាន កោះកុង ឧត្តរមានជ័យ ប៉ៃលិន និងកំពង់ស្ពឺ ដោយសារខេត្តទាំងបួនធ្លាប់មានប្រវត្តិតស៊ូនៃការយកឈ្នះលើកងទ័ពខ្មែរក្រហម។
ក្នុងចំណោមខេត្តទាំងបួន ខេត្តកោះកុង ត្រូវបានរដ្ឋាភិបាល សម្រេចសាងសង់ស្តូបនយោបាយឈ្នះឈ្នះមុនគេ ហើយបន្ទាប់មក គឺខេត្តឧត្តរមានជ័យ។ ការសាងសង់ស្តូបនយោបាយឈ្នះឈ្នះ ក្នុងក្រុងខេមរភូមិន្ទ បានចាប់តាំងពីអំឡុងឆ្នាំ២០២០មក និងកំពុងស្ថិតក្នុងការដំណើរការសាងសង់។
សម្រាប់ការសាងសង់ស្តូបនយោបាយឈ្នះឈ្នះ នៅខេត្តប៉ៃលិន និងនៅខេត្តកំពង់ស្ពឺ មិនទាន់ចាប់ផ្តើមនៅឡើយទេ៕
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ