ព័ត៌មានជាតិ

លទ្ធផលសិស្សប្រឡងជាប់និទ្ទេស A មាន៩៩នាក់ក្នុងចំណោមបេក្ខជនប្រឡងទាំង៨៧៩៩នាក់ ទូទាំងខេត្តតាកែវ

បានផុស

២ years មុន

នៅ

ថ្ងៃសៅរ៍ ១៥ មករា ២០២២

ដោយ

ក្នុងចំណោមបេក្ខជនដែលមានឈ្មោះប្រឡងយកសញ្ញាប័ត្រមធ្យមសិក្សាទុតិយភូមិឆ្នាំសិក្សា២០២០-២០២១ សរុបចំនួន៨៧៩៩នាក់ មាន៩៩នាក់ដែលជាសិស្សមានពិទ្ទុល្អដោយជាប់និទ្ទេស A ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លទ្ធផលដែលបានមកនេះ គឺនៅព្រឹកថ្ងៃទី១៥ ខែមករា ឆ្នាំ២០២២ ក្រោយពេលលោក អ៊ូច ភា អភិបាលនៃគណៈអភិបាលខេត្តតាកែវ លោក ឡោ វីរិទ្ធ ប្រធានមន្ទីរអប់រំយុវជន និងកីឡាខេត្ត ព្រមជាមួយមន្ត្រីពាក់ព័ន្ធ បានកាត់ស្រោមលទ្ធផលប្រឡងមធ្យមសិក្សាទុតិយភូមិ (បាក់ឌុប) ឆ្នាំសិក្សា ២០២០-២០២១ ទូទាំងខេត្តតាកែវ នៅសាលាប្រជុំសាលាវិទ្យាល័យជាស៊ីមតាកែវ។

តាមការបញ្ជាក់ពី លោក ឡោ វីរិទ្ធិ ប្រធានមន្ទីរអប់រំយុវជននិងកីឡាខេត្តតាកែវបានឱ្យដឹងថា នៅទូទាំងខេត្តតាកែវមានមណ្ឌលប្រឡងសញ្ញាប័ត្រមធ្យមសិក្សាទុតិយភូមិ (បាក់ឌុប) សរុបចំនួន១៧មណ្ឌល ក្នុងនោះក្រុងដូនកែវ០៧មណ្ឌល ស្រុកត្រាំកក់០៣មណ្ឌល ស្រុកសំរោង០៣មណ្ឌល និងស្រុកទ្រាំង០៤មណ្ឌល និងមានបេក្ខជនប្រឡងសរុប៨៧៩៩នាក់ ហើយនៅខេត្តតាកែវ មានសិស្សជាប់ និទ្ទេស A ចំនួន៩៩នាក់។

សូមបញ្ជាក់ថា លទ្ធផលសិស្សដែលទទួលបាននិទ្ទេស A ក្នុងឆ្នាំនេះ គឺជាការល្អប្រសើរសម្រាប់ខេត្តតាកែវ ព្រោះបើប្រៀបធៀបកាលពី២ឆ្នាំកន្លងទៅ គឺឆ្នាំ២០១៩ មានសិស្សដែលប្រឡងជាប់និទ្ទេសAមានតែ២៩នាក់ ហើយនៅឆ្នាំ២០២០ គឺជាប់គ្មាននិទ្ទេស ព្រោះរាជរដ្ឋាភិបាលយល់យោគដោយមិនមានការប្រឡងនោះទេ ព្រោះមានជំងឺរាតត្បាត់កូវីដ១៩៕

អត្ថបទ៖ វីរៈ