ព័ត៌មានជាតិ
គ្រូបង្រៀនអក្សរសាស្រ្តខ្មែរម្នាក់ ប្រកាសប្រើជីវិតចុងក្រោយ ជួយកូនខ្មែរ
ភ្នំពេញ៖ នេះពិតជារឿងដ៏គួឱ្យស្ងើចសរសើរនូវទឹកចិត្តដ៏ថ្លៃថ្លារបស់គ្រូបង្រៀនអក្សរសាស្ត្រខ្មែរមួយរូប ដែលប្រកាសចំណាយវេលាចុងក្រោយនៃជីវិតរបស់ខ្លួនបង្ហាត់បង្រៀនមុខវិជ្ជាអក្សរសាស្ត្រខ្មែរដល់កូនខ្មែរដោយមិនគិតលុយ សូម្បីមួយរៀលឡើយ។
អ្នកគ្រូរូបនេះមានឈ្មោះ នូយ៉ុន សុរិយា។ អ្នកគ្រូបានប្រកាសបែបនេះថា មានកិត្តិយសជម្រាបដល់សិស្សានុសិស្សទាំងអស់ថា អ្នកគ្រូនឹងបង្រៀនគួរនៅសាលា CK (ជិតមាត់ស្ទឹង ផ្សារតាខ្មៅថ្មី) ថ្នាក់ទី ១១ និង១២។ សូមទំនាក់ទំនងលេខ ០១២ ៦៤២ ៧៥២ សម្រាប់ការចូលរៀន។
អ្នកគ្រូបានបញ្ជាក់បន្ថែមតាមរយៈបណ្តាញសង្គមទៀតថា៖ “ខ្ញុំជម្រាបមាតាបិតាអាណាព្យាបាល និងសិស្សានុសិស្សថា ខ្ញុំបង្រៀនគួរ តែមិនយកប្រាក់ទេ។ មូលហេតុគឺខ្ញុំចង់ធ្វើអ្វីម៉្យាងសម្រាប់ជីវិតចុងក្រោយឱ្យមានប្រយោជន៍ដល់សង្គម។ មិនមែនខ្ញុំពូកែជាងគេនោះទេ ប៉ុន្តែអាចចែករំលែកបានក៏ធ្វើទៅ”។
អ្នកគ្រូ នូយ៉ុន សុរិយា បានបន្ថែមថា អ្នកគ្រូមិនបានប្រាប់ភ្លាម ខ្លាចប៉ះពាល់អារម្មណ៍គេ។ អ្នកគ្រូមានប្រសាសន៍បន្តថា៖ “ខ្ញុំចេះតែសួរខ្លួនឯងថា ចុះបរទេសខ្លះគេមកសាងសង់សាលារៀន មន្ទីរពេទ្យ ចំណែកខ្ញុំវិញអាចធ្វើអ្វីបានក៏គួរតែធ្វើដែរ”។
ទង្វើរបស់អ្នកគ្រូខាងលើនេះកំពុងតែទទួលបានការគាំទ្រ និងសរសើរពីមហាជនជាច្រើន។ គួរបញ្ជាក់ថា មុនចូលនិវត្តន៍ អ្នកគ្រូ នូយ៉ុន សុរិយា ជាគ្រូមុខវិជ្ជាអក្សរសាស្ត្រខ្មែរដ៏ល្បីឈ្មោះមួយរូប នៅ វិទ្យាល័យ ហ៊ុន សែន ខេត្តកណ្ដាល៕
អត្ថបទ៖ ចាន់រ៉ា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ