Connect with us

ព័ត៌មានជាតិ

ការចាប់ផ្ដើមភាពជាដៃគូរវាង JARDINE MATHESON & WONDER CAPITAL និងពិធីចុះហត្ថលេខា​លើកិច្ចសន្យារវាង JARDINE SCHINDLER and WONDER DEVELOPMENT

បានផុស

នៅ

ភ្នំពេញ ៖ ថ្ងៃទី ១៤ ខែមករា ឆ្នាំ ២០២២ ក្រុមហ៊ុនWONDER DEVELOPMENT, ដែលជា​អ្នក​អភិវឌ្ឍន៍​អចលនទ្រព្យ​អគារ​ខុន​ដូរ​ដ៏​ខ្ពស់​ជាងគេ​ក្នុង​ប្រទេស​កម្ពុជា​នោះ គឺ MESONG អគារ​មេ​សុង បាន​ប្រកាស​ពី​ការ​ចាប់ផ្ដើម​នូវ​ភាពជា​ដៃគូ​ជាមួយ​ក្រុមហ៊ុន JARDINE MATHESON ដែល​ជា​ក្រុមហ៊ុន​មកពី​ប្រទេស​អង់គ្លេស និង​ធំជាងគេ​ប្រចាំ​តំបន់​អាស៊ី ដំណាលគ្នា​នេះ ការចុះហត្ថលេខា​លើ​កិច្ចសន្យា​សហការ​ជាមួយ​ក្រុមហ៊ុន​ផ្គត់ផ្គង់​ជណ្ដើរយន្ត​ដ៏​ល្បី​បំផុត គឺ Jardine Schindler ដែល​ពិធី នេះ​បាន​ធ្វើឡើង​នា​មជ្ឈមណ្ឌល​តាំង​បង្ហាញ និង​លក់ នៃ​គម្រោង​អគារ​មេ​សុង នា​ថ្ងៃ ១៤ ខែមករា ឆ្នាំ ២០២២។ កិច្ចសន្យា​ព្រមព្រៀង​នេះ នឹង​ផ្តល់​ឲ្យ​អគារ​មេ​សុង នូវ​បច្ចេកវិទ្យា​ជណ្ដើរយន្ត​លំដាប់​ពិភពលោក ជាមួយ​នឹង​ភាព​រឹងមាំ និង​គុណភាព​ខ្ពស់​ពី JARDINE SCHINDLER។ ជា​កិត្តិយស នៃ​កម្មវិធី​ក្រោម​វត្តមាន លោកBen Chin ប្រធាន​គម្រោង និង​ជា​ប្រធាន​ផ្នែក​សាងសង់ នៃ WONDER DEVELOPMENT ,​លោកស្រី Rachel Thu អ្នកគ្រប់គ្រង​ទូទៅ​ក្រុមហ៊ុន JARDINE SCHINDLER ព្រមទាំង​មន្ត្រី​ជាន់ខ្ពស់​ទាំងអស់ ដៃ​គូ​អាជីវកម្ម ភ្ញៀវកិត្តិយស​ជាច្រើន​ពី​ស្ថាបន័​ក្រុមហ៊ុន​អន្តរជាតិ​នានា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹត្តិការណ៍​ដ៏​មាន​សារសំខាន់​នេះ​បាន​ឆ្លុះ​បង្ហាញ​នូវ​គុណ​តម្លៃ និង​ប្រណីតភាព នៃ​គម្រោង​អគារ​មេ​សុង​។ លោកស្រី Gigi Chan ស្ថាបនិក និង​ជានា​យក​ប្រតិបត្តិ នៃ​ក្រុមហ៊ុន WONDER DEVELOPMENT រួមជាមួយ​លោក Peter Beynon ប្រធាន​គ្រប់គ្រង​ប្រចាំ​ប្រទេស នៃ​ក្រុមហ៊ុន Jardine Matheson បាន​ផ្តើម​ថ្លែង​សុន្ទរកថា​ជា​វីដេអូ​នៅ​ក្នុង​ព្រឹត្តិការណ៍​នោះ ក្នុង​បំណង​អបអរសាទរ​លើ​កិច្ច​ផ្តើម​សហការ​លើ​គម្រោង​អគារ​ខ្ពស់​ជាងគេ​នៅ​ប្រទេស​កម្ពុជា។

“​ចក្ខុវិស័យ​របស់​យើង គឺ​ដើម្បី​ក្លាយជា​អគារ​ដ៏​ល្អ​ប្រណិត និង​ខ្ពស់​ជាងគេ​ក្នុង​ប្រទេស​កម្ពុជា ហើយ​លើស​ពី​នេះ​ទៅ​ទៀត​បេសកកម្ម​របស់​យើង គឺ​ដើម្បី​នាំ​វិនិយោគិន និង​ប្រជាជន នូវ​ការរស់នៅ​លើ​ស្តង់ដារ​ខ្ពស់ ដែល​មិន​ត្រឹម​ជា​សណ្ឋាន នៃ​សមិទ្ធផល​ស្ថាបត្យកម្ម​តែប៉ុណ្ណោះ​ទេ តែ​ក៏​មាន​ជា​គុណ​ភាព និង​បែបបទ នៃ​ជីវិត​នា​ពេល​អនាគតកាល​ក្នុង​ប្រទេស​កម្ពុជា​’’ នេះ​ជា​សារ​ថ្លែង​ដោយ​លោកស្រី Gigi Chan។

Jardine Schindler, ក្នុងនាម​ក្រុមហ៊ុន​ផលិត និង​ផ្គត់ផ្គង់​ជណ្ដើរយន្ត ជាមួយ​កិត្តិនាម​ល្បី​រន្ទឺ និង​បទពិសោធន៍​យូរ​ឆ្នាំ​ក្នុង​វិស័យ​ផ្គត់ផ្គង់​ចល័តភាព​ដ៏​គួរ​ជាទី​ទំនុកចិត្ត​លើ​អគារ​គ្រប់​ប្រភេទ ដែល​រាប់​ពី​អគារ​ខ្ពស់ៗ ផ្សារ​ទំនើប លំនៅដ្ឋាន អគារ​ពាណិជ្ជកម្ម រួមទាំង​គម្រោង​ល្បីៗ​ជាច្រើន​ដូចជា ICC & One Island East នៅ​ទីក្រុង​ហុងកុង​, NagaWorld, សណ្ឋាគារ Marriott នៅ​ទីក្រុង​ភ្នំពេញ។ “​គម្រោង​អគារ MESONG ដែល​នឹង​ផ្តល់​ការ​អភិវឌ្ឍ​យ៉ាង​ល្អឥតខ្ចោះ ជាមួយនឹង​បរិក្ខារ​ប្រើប្រាស់ ល្អ​លេខ មួយ​នៅ​កោះ​ពេជ្រ​។ ដែល​នេះ ពិតណាស់ថា ជាការ​រួមគ្នា​ល្អឥតខ្ចោះ​លើ​ទី​ដ៏​វិសេស ហើយ​ដែល Jardine Schindler នឹង​អាច​បម្រើប្រជាជន​ដែល​នៅក្នុង​អគារ​ទាំងពីរ និង​ផ្សារ​ទំនើប នៃ​អគារ​មេ​សុង។ ហើយ​នេះ​ជា​អនាគត ​នៃ​ការរស់នៅ​ក្នុង​ព្រះរាជាណាចក្រ​កម្ពុជា ហើយ​ខ្ញុំ​ពិត​ជា​មាន​មោទនភាព​ណាស់​ដែល​ត្រូវបាន​ផ្សារភ្ជាប់​ជាមួយ​នឹង​ចក្ខុវិស័យ​របស់ WONDER DEVELOPMENT’’ នេះ​ជា​ប្រសាសន៍​របស់​លោក Peter Beynon តាមរយៈ​វីដេអូ​សុន្ទរកថា​របស់​លោក​ក្នុង​ពិធី​នោះ​។ “​មិន​ត្រឹម​តែ​ប្រសិទ្ធភាព​ នៃ​ល្បឿន និង​ភាពងាយស្រួល​របស់​ជណ្ដើរយន្ត​ប៉ុណ្ណោះ​ទេ តែ​ចំណុច​មួយ​ដែល​ជា​កត្តា​សត្យានុម័ត​សំខាន់​នោះ​គឺ Wonder Development ជ្រើស​យក​ដំណោះស្រាយ​សម្រាប់​ដំណើរការ ដោយ​គិត​លើ​សុវត្ថិភាព​ជា​ចម្បង​’’ នេះ​គឺ​គូស​បញ្ជាក់​ដោយ​លោក Maverick Hui នាយក​គ្រប់គ្រង WONDER DEVELOPMENT​។​

កម្មវិធី​ដ៏​វិសេស​ថ្លៃថ្លា​នេះ បាន​បញ្ចប់​ទៅ​រលូន និង​ប្រកបដោយ​ភាពជោគជ័យ ដោយមាន​វត្តមាន​ពី​ដៃគូ​សហ​ការណ៍​ផ្សេងៗ និង​អ្នក​ប្រឹក្សា​ជំនាញ​របស់​គម្រោង​អគារ​មេ​សុង ជាច្រើន​នាក់ និង​ព្រមទាំង​មាន​វត្តមាន​ពី​ភ្នាក់ងារ​អចលនទ្រព្យ​ធំៗ​ជាច្រើន​ទៀត​។ ភ្ញៀវកិត្តិយស និង​អ្នកចូលរួម​ទាំងអស់ បាន​បង្ហាញ​ពី​ការគាំទ្រ​យ៉ាងខ្លាំង​របស់ខ្លួន​លើ​គម្រោង​អគារ​មេ​សុង ហើយនឹង​ទន្ទឹង​រង់ចាំ​នូវ​វឌ្ឍនភាព​របស់​គម្រោង​ក្នុង​ឆ្នាំ ២០២២។ នា​គ្រា នៃ​ភាពជា​ដៃគូ​ថ្មី​ត្រូវបាន​បង្កើតឡើង​នា​វេលា​នេះ បាន​ញាំង​ឲ្យ​គម្រោង​អគារ​មេ​សុង ក្លាយជា​គម្រោង​ដ៏​ទំនើប​អស្ចារ្យ និង​រឹតតែ​ពិសេស​លើ​បែបបទ​រស់នៅ ដោយ​ក្នុង​អគារ​ពេញ​ទៅដោយ​ផ្សារ​ទំនើប និង​កន្លែង​កម្សាន្ត​ផ្សេងៗ​ដែល​ជា​បទពិសោធន៍​ថ្មី ក្នុង​ការ​រស់នៅ​ដែល​មិន​ធ្លាប់​មាន​ពីមុនមក​នៅ​ក្នុង​ប្រទេស​កម្ពុជា។

“​ថ្ងៃនេះ​គឺជា​ការចាប់ផ្តើម​ នៃ​ភាពជា​ដៃគូ​របស់​យើង​ជាមួយ Jardine Group​។ ហើយ Schindler គឺជា​ក្រុមហ៊ុន​លើកដំបូង​ដែល យើង​បាន​សហកា​ជាមួយ​។ ក្រុមហ៊ុន​ជណ្ដើរយន្ត​ដ៏​ល្បី និង​ធំជាងគេ​នឹង​នាំ​យើង​ទៅកាន់​ការរស់នៅ​លើ​ស្តង់ដារ​ខ្ពស់​’’​។ នេះ​ប្រសាសន៍ លោកស្រី Gigi Chan នា​ឱកាស​នោះ​។ “​ក្នុងនោះ​ផងដែរ មាន​ក្រុមហ៊ុន​លក់រាយ និង​ក្រុមហ៊ុន​អាហារ​ និង​ភេសជ្ជៈ ដែល​ចំណុះ​ឲ្យ​ក្រុមហ៊ុន Jardine group ដូចជា Guardian, Starbucks, Lucky Supermarket, Lucky Premium និង​ជាច្រើន​ទៀត​។ Jardine និង​ក្រុមហ៊ុន​យើង​កំពុង​ស្ថិត​ក្នុងការ​ពិភាក្សា​យ៉ាងសកម្ម​ដើម្បី​រៀបចំ​ផែនការ​ក្នុង​ការ​នាំ​យក​ការរស់នៅ​ដ៏​មាន​កិត្យានុភាព និង​តម្រូវការ​ចាំបាច់​ចូល​ទៅ​ក្នុង MeMall ដែល​ជា​ផ្សារ​ទំនើប​របស់​យើង​។ វា​មិន​ត្រឹមតែ​សម្រាប់​គម្រោង​សហគមន៍ អគារ​មេ​សុង ប៉ុណ្ណោះ​ទេ ថែមទាំង​សម្រាប់​អ្នក​ដែល​កំពុង​រស់នៅ និង​មកពី​អគារ​ការិយាល័យ​ដែល​កំពុង​រីក​ដុះដាល​ជុំវិញ​យើង​ផង​ដែរ​។​’’ ដើម្បី​ជា​រួម និង​ជា​លក្ខណៈ​រស់នៅ​ដ៏​ប្រណីតភាព​របស់​ម្ចាស់​កម្មសិទ្ធិ នៃ​អគារ​មេ​សុង និង​អតិថិជន​ក្នុង​ស្រុក WONDER DEVELOPMENT នឹង​បន្ត​ពង្រីក​ផលប័ត្រ​សេវាកម្ម និង​ដៃគូ​របស់​ខ្លួន ដើម្បី​សម្រេច​បាន​នូវ​គោលបំណង​ដែល​ខ្លួន​មាន។

សូម​ចូល​ទៅ​កាន់​គេហទំព័រ​ផ្លូវការ​សម្រាប់​ព័ត៌មាន​លម្អិត នៃ​គម្រោង MESONG: www.mesong.com

មជ្ឈមណ្ឌល​លក់ MESONG

អាសយដ្ឋាន ៖ SH 09 & 10 (1st & 2nd Floor) អគារ Diamond Twin Tower, ផ្លូវ​សុភមង្គល​, កោះ​ពេជ្រ​, ភ្នំពេញ​

ទំនាក់ទំនង ៖ +855 2323 2288

អំពី WONDER DEVELOPMENT

Wonder Development គឺជា​ក្រុមហ៊ុន​បុត្រ​សម្ព័ន្ធ​គ្រប់គ្រង​ទាំងស្រុង ​នៃ​មូលនិធិ ដែល​គ្រប់គ្រង​ដោយ Wonder Capital Group​។ វិនិយោគិន​របស់​មូលនិធិ​រួមមាន វិនិយោគិន​ដែល​មាន​ជំនាញ​វិជ្ជាជីវៈ​មកពី​ទីក្រុង​ហុងកុង ដូចជា​វិនិយោគិន​ស្ថាប័ន ក្រុមហ៊ុន​ចុះបញ្ជី និង​បុគ្គល​ដែល​មាន​ទ្រព្យសម្បត្តិ​ខ្ពស់​នៅ​ទីក្រុង​ហុងកុង​។ Wonder Capital Group គឺជា​អ្នក​កាន់​អាជ្ញាប័ណ្ណ​គ្រប់គ្រង​ទ្រព្យសកម្ម​ប្រភេទ​ទី ៩ ដែល​ផ្ដល់​ដោយ​គណៈកម្មការ​មូលបត្រ នៃ​ទីក្រុង​ហុងកុង​។ ក្រុមការងារ​មាន​បទពិសោធន៍​វិនិយោគ​អចលនទ្រព្យ​ជាង ២០ ឆ្នាំ និង​មាន​តួនាទី​កាន់​ប្រតិបត្តិការ និង​គ្រប់គ្រង​នៅ​អាស៊ី​ប៉ាស៊ីហ្វិក ក្នុង​ការ​គ្រប់គ្រង​ទ្រព្យសម្បត្តិ​អន្តរជាតិ​ដែល​មាន​តម្លៃ​ជាង​ពាន់​លានជាង​ដុល្លារ​អាមេរិក​។

For media enquiry, please contact:

​សម្រាប់​ការសាកសួរ​ព័ត៌មាន​បន្ថែម​, សូម​ទាក់ទង​ទៅកាន់​

Mr. Keros Ku: + 852 2898 0096 (Hong Kong)

Email: [email protected]

Mr. Tola Lim: +855 2323 2288 (Cambodia)

Email: [email protected]

High Resolution Photos can be obtained from:

សូមចុចលីង ៖ https://drive.google.com/drive/folders/1G9UNHirZtmKk10n2KrLjgwmjeLQ9NJol?usp=sharing

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១៩ នាទី មុន

ការសិក្សារបស់ក្រុមហ៊ុន Visa បានបង្ហាញថា ការប្រើប្រាស់សាច់ប្រាក់សុទ្ធ នៅតែបន្តរីកសុះសាយនៅក្នុងប្រទេសកម្ពុជា ដែលផ្ទុយពីនិន្នាការក្នុងតំបន់អាស៊ីអាគ្នេយ៍

ព័ត៌មានអន្ដរជាតិ២៤ នាទី មុន

វៀតណាម ជំរុញឲ្យប្រើវេជ្ជបញ្ជាអេឡិចត្រូនិកលក្ខណៈប្រព័ន្ធ ងាយស្រួលគ្រប់គ្រងថ្នាំមានប្រសិទ្ធភាព

ព័ត៌មានអន្ដរជាតិ៤៩ នាទី មុន

មួយទសវត្សរ៍មកនេះ មានជនចំណាកស្រុកលើលោកជាង ៦៣,០០០ នាក់ស្លាប់បាត់បង់ជីវិត

កីឡា៥១ នាទី មុន

ចាន់ ប៊ុនហឿន ប្រាប់​ថា ​នឹងពិបាកវ៉ៃ ខាំភូ ឲ្យសន្លប់យប់ស្អែក

អាជីព៥២ នាទី មុន

យុវជនម្នាក់ បង្កើតមាតិកាស្ដីពីការដាំដុះបន្លែ និងចិញ្ចឹមសត្វ ទទួលបានការគាំទ្រពីមហាជន

ព័ត៌មានជាតិ៤ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៧ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ២ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ជីវិតកម្សាន្ដ៦ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម