ព័ត៌មានជាតិ
ប្រព័ន្ធស្វ័យប្រវត្តិកម្មជំនាន់ទីពីរ យកទៅរថយន្តទៅឆៀកមិនបាច់រង់ចាំយូរ
មន្ត្រីក្រសួងសាធារណការនិងដឹកជញ្ជូនបានឲ្យដឹងថា ក្រសួងកំពុងរៀបចំប្រព័ន្ធស្វ័យប្រវត្តិកម្មជំនាន់ទីពីរ ដើម្បីសម្រួលដល់បងប្អូនក្នុងការយករថយន្តទៅត្រួតពិនិត្យបច្ចេកទេសកាន់តែងាយស្រួល និងចំណាយពេលតិចជាងមុន។
លោក ឈួន វ៉ន់ អគ្គនាយកនៃអគ្គនាយកដ្ឋានដឹកជញ្ជូនផ្លូវគោកបានឲ្យដឹងថា ក្រសួងសាធារណការនិងដឹកជញ្ជូន កំពុងអភិវឌ្ឍទំនើបកម្មប្រព័ន្ធស្វ័យប្រវត្តិកម្មជំនាន់ទីពីរ។
“ប្រព័ន្ធប្រវត្តិកម្មជំនាន់ថ្មីនេះ បងប្អូនឥតចាំបាច់បំពេញឯកសារយូរនាំឲ្យខាតពេលទៀតទេ គឺរថយន្តដែលឆៀកហើយ មានស្លាកលេខហើយ គ្រាន់តែយកកាតគ្រីទៅធនាគារជាដៃគូបញ្ចូលព័ត៌មាន ហើយរាល់ព័ត៌មាននឹងបញ្ជូនទៅមណ្ឌល អាចយករថយន្តទៅត្រួតពិនិត្យបានតែម្តង”។
ការត្រួតពិនិត្យលក្ខណៈបច្ចេកទេសយានយន្ត ឬយើងហៅជាសាមញ្ញថា ឈៀកឡាន នៅពេលនេះត្រូវបានអនុវត្ត ដោយបំពេញបែបបទតាមប្រព័ន្ធស្វ័យប្រវត្តិ ឬតាមកុំព្យួទ័រអនឡាញ។ រីឯការបង់លុយថ្លៃសេវាវិញ ត្រូវធ្វើឡើងបណ្តាញធនាគារជាដៃគូ ឬនៅជិតនឹងកន្លែងឈៀកនោះតែម្តង។
ការបំពេញឯកសារ៖ ត្រូវភ្ជាប់ជាមួយនូវឯកសារថតចម្លងឈៀកចាស់ និងកាតគ្រី។ ចំពោះរថយន្តថ្មី ត្រូវថតចម្លងក្រដាសពន្ធ និងអត្តសញ្ញាណប័ណ្ណសញ្ជាតិខ្មែរ។ ការបំពេញបែបបទឯកសារនោះ ត្រូវធ្វើឡើងតាមប្រព័ន្ធអនឡាញ តាមរយៈវេបសាយ https://techinspection.mpwt.gov.kh។
បើម្ចាស់រថយន្ត មិនបានបំពេញឯកសារបែបបទតាមអនឡាញ នៅពេលទៅដល់មជ្ឈមណ្ឌលត្រួតពិនិត្យលក្ខណៈបច្ចេកទេសយានយន្ត ឬកន្លែងឈៀកម្ចាស់រថយន្ត ត្រូវចំណាយពេលរង់ចាំ បុគ្គលិកនៅទីនោះបំពេញបែបបទឲ្យ។
ការស្នើសុំឆៀកតាមប្រព័ន្ធស្វ័យប្រវត្តិកម្ម ជួយសម្រួលបានលឿន ហើយមាន Lane ពិសេស ពេលយករថយន្តទៅពិនិត្យថែមទៀតផង៕
អត្ថបទ៖ ប៊ុណ្ណារ៉ា
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»