ព័ត៌មានជាតិ
មន្ត្រីសុខាភិបាលស្ទឹងត្រែងប្រាប់ឱ្យប្រជាពលរដ្ឋមកចាក់វ៉ាក់សាំងនៅមន្ទីរសុខាភិបាលខេត្ត
មន្ទីរសុខាភិបាលខេត្តស្ទឹងត្រែងអំពាវនាវដល់ប្រជាពលរដ្ឋមួយចំនួន ដោយសារផ្នែកសុខភាពមិនទាន់បានចាក់វ៉ាក់សាំងដូសទី១ ដូសទី២ នឹងអ្នកដែលគ្រប់ខែត្រូវចាក់ដុសជំរុញរួសរាន់មកចាក់សាំង នៅមន្ទីរសុខាភិបាលខេត្តស្ទឹងត្រែង ដើម្បីការពារជំងឺកូវីដ១៩ បំប្លែងថ្មីប្រភេទ(អូមេក្រុង)។
លោក អុង សូវៀត ប្រធានមន្ទីរសុខាភិបាលខេត្តស្ទឹងត្រែងបានបញ្ជាក់ថា យុទ្ធនាការចាក់វ៉ាក់សាំង នៅតែបន្តចាក់ជារៀងរាល់ថ្ងៃនៅមន្ទីរសុខាភិបាលខេត្ត សូមបងប្អូនប្រជាពលរដ្ឋដែលមិនទាន់បានចាក់ដុសទី ១ដុសទី២ពីមុនមកដោយសារផ្នែកសុខភាព ហើយនិងអ្នកដែលគ្រប់ខែត្រូវចាក់ដូសជំរុញ សូមមកទទួលវ៉ាក់សាំងនៅមន្ទីរសុខាភិបាលខេត្ត។
លោកប្រធានមន្ទីរបានបញ្ជាក់បន្ថែមទៀតថា យុទ្ធនាការចាក់វ៉ាក់សាំងនេះយើងនៅតែបន្តចាក់ជារៀងរាល់ថ្ងៃ អ្នកដែលមិនទាន់បានចាក់ដុសទី១ដុសទី២ ក៏យើងចាក់ជូន និងអ្នកដែលគ្រប់ខែត្រូវចាក់ដូសជំរុញក៏យើងចាក់ជូន ព្រោះយើងចាក់គ្រប់ដុសទាំងអស់ មិនមែនថាចាក់ដូសជំរុញ ឬដូសទី១ដូសទី ២ អត់ចាក់នោះទេ នៅតែចាក់ អញ្ចឹងឱ្យតែអ្នកណាមិនទាន់បានចាក់យើងចាក់ជូនគ្រប់ដូសទាំងអស់។
លោកប្រធានមន្ទីរបញ្ជាក់ទៀតថា រហូតមកដល់ពេលនេះ អ្នកដែលមិនទាន់បានចាក់ក៏នៅតាមភូមិឃុំឆ្ងាយៗ យើងកំពុងតែបន្តយ៉ាងយកចិត្តទុកដាក់បំផុត ចាក់ដុសជម្រុញដល់ប្រជាពលរដ្ឋ ដោយសារពួកគាត់ខ្លះជាប់រវលរវល់ការងារ គាត់រវល់មិនទាន់បានមកចាក់អីចឹង ហើយពេលនេះ យើងកំពុងសហការជាមួយអាជ្ញាធរមូលដ្ឋានតាមភូមិ តាមឃុំដើម្បីចុះចាក់វ៉ាក់សាំង ជូនពួកគាត់នៅតាមភូមិឃុំរបស់គាត់ផងដែរ។
លោកប្រធានមន្ទីរបានបន្តថា បើគាត់គ្រប់ខែ គ្រប់ពេលវេលាដែលត្រូវមកចាក់ គាត់៤ខែហើយ ត្រូវចាក់ដុសជម្រុញ អញ្ចឹងគាត់ត្រូវរូតរះ មកចាក់ឲ្យបានទាន់ពេលវេលា ព្រោះអាដុសជំរុញនិងយើងចាក់បានចាប់ពី ៤ខែទៅ ៦ ខែយើងចាក់ចន្លោះហ្នឹង អញ្ចឹងពួកគាត់ត្រូវតែមកចាក់ឲ្យបានទាន់ពេលវេលា ព្រោះឥឡូវយើងកំពុងតែមានការឆ្លងជាបណ្ដើរៗហើយ ក្នុងសហគមន៍យើងមេរោគបំលែងថ្មីនេះ(អូមីក្រុង )ពិតមែនតែខេត្តយើងមិនទាន់មានតែក្នុងប្រទេសយើងចាប់ផ្ដើមមានហើយអញ្ចឹងយើងត្រូវតែប្រយ័ត្នបំផុត។
លោកបន្តថា អ្វីដែលអាចការពារខ្លួនយើងដ៏មានប្រសិទ្ធភាពបំផុតនោះ គឺការចាក់វ៉ាក់សាំងហ្នឹងហើយ បូកជាមួយ ៣ ការពារនឹង ៣កុំ ទើបការពារសុខភាពយើងពីជំងឺកូវីដ១៩ បាន។
ចុងក្រោយលោកប្រធានមន្ទីរសុខាភិបាលសំណូមពរឲ្យបងប្អូនប្រជាពលរដ្ឋចាក់វ៉ាក់សាំង ឱ្យបានគ្រប់ទៅតាមការណែនាំរបស់សុខាភិបាល ការចាក់វ៉ាក់សាំងសម្រាប់ការពារខ្លួនដ៏មានប្រសិទ្ធភាពបំផុត ព្រោះទោះជាមេរោគឆ្លង ក៏វាមិនធ្វើឲ្យឲ្យយើងឈឺ ហើយបើធ្វើឲ្យឈឺក៏វាមិនធ្វើឲ្យយើងធ្ងន់ ហើយបើធ្វើឲ្យយើងឈឺធ្ងន់ក៏មិនធ្វើអោយយើងស្លាប់បានដែរ៕
អត្ថបទ៖ ងិនលីម
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ