ព័ត៌មានជាតិ
ពិព័រណ៍ជំនាញវិជ្ជាជីវៈទេសចរណ៍ជួយជំរុញស្តង់ដារគុណភាព ដើម្បីទាក់ទាញភ្ញៀវទេសចរអន្តរជាតិ
ក្រសួងទេសចរណ៍ តាមរយៈគម្រោងហូកា នឹងរៀបចំពិព័រណ៍ជំនាញវិជ្ជាជីវៈទេសចរណ៍ ស្របពេលជាមួយនឹងពិព័រណ៍អន្តរជាតិ TRAVEX ដែលប្រព្រឹត្តទៅក្នុងឱកាសវេទិការទេសចរណ៍អាស៊ានចាប់ពីថ្ងៃទី១៨ ខែមករាស្អែកនេះ រហូតដល់ថ្ងៃទី២១ ខែមករា ឆ្នាំ២០២១ នៅខេត្តព្រះសីហនុ។
លោក តាំង សុចិត្តគ្រឹស្នា ប្រធានមន្ទីរទេសចរណ៍ខេត្តព្រះសីហនុ បានប្រាប់កម្ពុជាថ្មីថា ការរៀបចំកម្មវិធីនេះ ជាការត្រៀមខ្លួនទាំងផ្នែកសេវាកម្ម សុវត្ថិភាព និងស្តង់ដារគុណភាព។ លោកថា « យើងមានធនធានមនុស្ស មានយន្តការបណ្តុះបណ្តាល ដើម្បីពង្រឹងគុណភាពសេវាកម្ម ឲ្យមានកម្រិតស្តង់ដារខ្ពស់ ពិសេសនៅក្នុងតំបន់អាស៊ាន»។
លោកប្រធានមន្ទីរទេសចរណ៍បន្ថែមថា ពិព័រណ៍នេះក៏ចង់បង្ហាញដល់វិស័យឯកជន និងសិស្សនិសិត្ស ដែលកំពុងរៀននៅសកលវិទ្យាល័យឲ្យងាកមកចាប់អារម្មណ៍វិស័យទេសចរណ៍ និងជំរុញជំនាញវិជ្ជាជីវៈ ដើម្បីងាយស្រួលក្នុងការស្វែងរកការងារធ្វើ ស្របទៅនឹងកំណើនវិស័យទេសចរណ៍ ខណៈដែលវេទិកាទេសចរណ៍អាស៊ានកំពុងរៀបចំនៅកម្ពុជា។
សូមបញ្ជាក់ថា ពិព័រណ៍ជំនាញវិជ្ជាជីវៈទេសចរណ៍ (Tourism Skills Show) ផ្តោតលើជំនាញផ្នែកសេវាកម្មម្ហូបអាហារ និងភេសជ្ជៈ (Food and Beverage Services) គេហកិច្ច (Housekeeping) និងជំនាញស្រាក្រឡុក (Cocktail and Mocktail) ដែលអ្នកចូលរួមអាចសិក្សារៀនសូត្របន្ថែម ទទួលបានឱកាសហ្វឹកហាត់ជំនាញផ្ទាល់ និងចូលរួមការប្រកួតជំនាញខ្នាតតូចក្នុងកម្មវិធីនេះផងដែរ។
ពិព័រណ៍នេះ ក៏ជាផ្នែកមួយជំរុញការផ្សព្វផ្សាយ និងលើកកម្ពស់ជំនាញវិជ្ជាជីវៈទេសចរណ៍កម្ពុជា ជាពិសេសឆ្លើយតបទៅនឹងពាក្យស្លោករបស់រដ្ឋមន្ត្រីក្រសួងទេសចរណ៍ ដែលតែងតែលើកឡើងថា «ជំនាញវិជ្ជាជីវៈទេសចរណ៍ ជាអាយុជីវិតរបស់អ្នក»៕ ដោយ៖ ទួន សុផល
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ