ព័ត៌មានជាតិ

គ.ជ.ប បើកសវនាការជាសាធារណៈ នារសៀលនេះ ទាក់ទងសេចក្តីសម្រេចរបស់ក្រុមប្រឹក្សាសង្កាត់ផ្សារចាស់

បានផុស

២ years មុន

នៅ

ថ្ងៃអង្គារ ១៨ មករា ២០២២

ដោយ

គណៈកម្មាធិការជាតិរៀបចំការបោះឆ្នោត (គ.ជ.ប) នឹងបើកសវនាការជាសាធារណៈ នៅវេលាម៉ោង ២ រសៀល ថ្ងៃទី ១៨ ខែមករា ឆ្នាំ ២០២២ នេះ នៅទីស្ដីការ គ.ជ.ប ដើម្បីជំនុំជម្រះលើសំណុំរឿងលេខ ០០១ ចុះថ្ងៃទី ១៥ ខែមករា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមាសភាពក្រុមប្រឹក្សាជំនុំជម្រះនេះរួមមាន លោក ប្រាជ្ញ ចន្ទ ប្រធាន គ.ជ.ប, លោក នុត សុខុម អនុប្រធាន គ.ជ.ប និងសមាជិក គ.ជ.ប ចំនួន ៥ រូបទៀត ជាសមាជិកក្រុមប្រឹក្សាជំនុំជម្រះ។

បើតាម គ.ជ.ប បណ្តឹងខាងលើនេះ មានកម្មវត្ថុប្ដឹងតវ៉ា នឹងសេចក្ដីសម្រេចចុះថ្ងៃទី ១៣ ខែមករា ឆ្នាំ ២០២២ របស់ក្រុមប្រឹក្សាប្រជុំសម្រេចសង្កាត់ផ្សារចាស់ ខណ្ឌដូនពេញ រាជធានីភ្នំពេញ ដែលមានដើមបណ្ដឹងផ្ទាល់ឈ្មោះ ដួង វិចិត្រ និងជាតំណាងប្រជាពលរដ្ឋចំនួន៤ រូប។

សូមបញ្ជាក់ថា គិតត្រឹមថ្ងៃទី ១៤ ខែមករា ឆ្នាំ ២០២២ ក្នុងដំណាក់កាលបិទផ្សាយបញ្ជីបោះឆ្នោតដំបូង និងបញ្ជីឈ្មោះអ្នកបោះឆ្នោត ដែលនឹងត្រូវលុបចេញពីបញ្ជីបោះឆ្នោត ឆ្នាំ ២០២១ ក្រុមប្រឹក្សាឃុំ សង្កាត់ (កបឃ.ស) ទូទាំងប្រទេស បានទទួលពាក្យបណ្តឹងសរុបចំនួន ៣៦ បណ្តឹង ដែលសុទ្ធសឹងតែជាពាក្យបណ្ដឹងតវ៉ា៕

អត្ថបទ៖ កោះកែវ