Connect with us

ព័ត៌មានជាតិ

ពលរដ្ឋកម្ពុជា ១២លាននាក់​ ប្រើប្រាស់សេវាធនាគារ និងហិរញ្ញវត្ថុ

បានផុស

នៅ

បច្ចុប្បន្ន ប្រជាពលរដ្ឋកម្ពុជា ចំនួន ១២លាននាក់ ក្នុងចំណោមពលរដ្ឋសរុប ១៦លាននាក់ បាននិងកំពុងប្រើប្រាស់គណនីធនាគារ និងមីក្រូហិរញ្ញវត្ថុ។ នេះបើតាមការបញ្ជាក់របស់ លោក គិត សុវណ្ណារិទ្ធ អគ្គនាយករងត្រួតពិនិត្យទី១ ធនាគារជាតិនៃកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គិត សុវណ្ណារិទ្ធ ថ្លែងនៅក្នុងវគ្គបណ្តុះបណ្តាលអ្នកសារព័ត៌មានសេដ្ឋកិច្ច នៅថ្ងៃទី ១៩ ខែមករា ឆ្នាំ ២០២២ថា សព្វថ្ងៃនេះមានប្រជាពលរដ្ឋជាច្រើន បានប្រើប្រាស់គណនីធនាគារ ពោលគឺប្រមាណ ១២លាននាក់។

អគ្គនាយករងត្រួតពិនិត្យទី១ ធនាគារជាតិនៃកម្ពុជាបន្តថ្លែងដូច្នេះថា« យើងវាស់មើលឲ្យច្បាស់ថា តើអ្នកទាំង ១២លាននាក់នោះ យកឥណទានពីធនាគារមកប្រើវិនិយោគសម្រាប់ទទួលផលចំណេញបន្ថែម ឬមួយគាត់យកទៅចំណាយ ដោយមិនទទួលអ្វីមកវិញ កន្លែងនេះដែលជាបញ្ហា»។

លោកថា កត្តានេះហើយ ដែលត្រូវតែបញ្ជ្រាបចំណេះដឹងហិរញ្ញវត្ថុទៅដល់ប្រជាពលរដ្ឋ គឺជាការសំខាន់ ដើម្បីជៀសវាងការប្រឈមជំពាក់បំណុលធនាគារវន្តក។

លោក ប៊ុន យីន អនុប្រធានសមាគមធនាគារនៅកម្ពុជា បានលើកឡើងថា របាយការណ៍ស្តីពីវឌ្ឍនភាពម៉ាក្រូសេដ្ឋកិច្ចក្នុងវិស័យធនាគារឆ្នាំ ២០២១ និងទស្សនវិស័យឆ្នាំ ២០២២ បានឲ្យដឹងថា ជំនឿទុកចិត្តរបស់ប្រជាពលរដ្ឋ ទៅលើវិស័យធនាគារ បានកើនឡើងគួរកត់សម្គាល់ ដោយឆ្លុះបញ្ចាំងតាមរយៈកំណើនប្រាក់បញ្ញើអតិថិជនមានប្រមាណ ៣៨ប៊ីលានដុល្លារអាមេរិក គិតត្រឹមចុងឆ្នាំ ២០២១ ស្មើនឹង ១២លាននាក់ គណនី។ លោកថា « យើងទាំងអស់គ្នាពិចារណាទៅ ប្រជាជនរបស់យើងមាន ១៦លាននាក់ ក្នុងនោះ គណនីប្រាក់បញ្ជើមានរហូតដល់ ១២លាននាក់ នេះគឺជារឿងមួយដែលគួរឲ្យកោតសរសើរទៅលើការដឹកនាំក្នុងវិស័យធនាគារ និងហិរញ្ញវត្ថុ ដែលយើងកំពុងតែដំណើរការរាល់ថ្ងៃនេះ»។

យោងតាមយុទ្ធសាស្រ្តជាតិ ស្តីពីបរិយាបន្នហិរញ្ញវត្ថុឆ្នាំ ២០១៩-២០២៥ បានបង្ហាញថា ប្រជាជនពេញវ័យនៅកម្ពុជា មានប្រមាណ ៥៩ភាគរយ ទទួលបានសេវាហិរញ្ញវត្ថុជាផ្លូវការ ក្នុងនោះ ១៧ភាគរយ ពីគ្រឹះស្ថានធនាគារ និង ៤២ភាគរយ ពីគ្រឹះស្ថានមីក្រូហិរញ្ញវត្ថុផ្សេងៗទៀត។ លោក ប៊ុន យីន ថ្លែងតាមរយៈរបាយការណ៍នេះថា មាន ១២ភាគរយ ទទួលបានសេវាហិរញ្ញវត្ថុក្រៅផ្លូវការ និង ២៩ភាគរយ មិនបានប្រើសេវាហិរញ្ញវត្ថុទាំងផ្លូវការ និងក្រៅផ្លូវការ។ លោកថា រយៈពេលប៉ុន្មានឆ្នាំចុងក្រោយនេះ ការប្រើប្រាស់សេវាហិរញ្ញវត្ថុ ជាផ្លូវការមានភាពល្អប្រសើរ កាន់តែកើនឡើងជាលំដាប់។

ទោះយ៉ាងនេះក្តី អនុប្រធានសមាគមធនាគារនៅកម្ពុជា បានលើកឡើងថា បរិយាបន្នហិរញ្ញវត្ថុនៅកម្ពុជា នៅតែមានបញ្ហាប្រឈមមួយចំនួន ពិសេសការយល់ដឹងអំពីចំណេះដឹងផ្នែកហិរញ្ញវត្ថុនៅមានកម្រិតទាប។ លោកសង្កត់ធ្ងន់ថា ការទទួលបានព័ត៌មានច្បាស់លាស់ និងស៊ីជម្រៅ អាចជួយឲ្យប្រជាពលរដ្ឋកម្ពុជា យល់ដឹងអំពីសិទ្ធិក្នុងការជ្រើសរើស ការចរចា ការប្រាស្រ័យទាក់ទង និងការសម្រេចចិត្តផ្នែកហិរញ្ញវត្ថុត្រឹមត្រូវ៕ ដោយ៖ ទួន សុផល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១២ នាទី មុន

សូម្បីតែ Lee Sun-kyun មរណភាពក្ដី ក៏នៅតែផាកពិន័យពីបទបង្កភាពចម្រូងចម្រាសក្នុងសង្គម

ព័ត៌មានជាតិ១៥ នាទី មុន

មកដល់ពេលនេះ គ.ជ.ប ទទួលស្គាល់អ្នកសង្កេតការណ៍ជាង ៦០០នាក់ សម្រាប់សង្កេតមើលដំណើរការ បោះឆ្នោតព្រឹទ្ធសភា

ព័ត៌មានអន្ដរជាតិ៣៨ នាទី មុន

មន្ត្រីជាន់ខ្ពស់ អាមេរិក-ចិន ហោះទៅ ថៃ ដើម្បីពិភាក្សាបន្ថូរកម្ដៅវាយប្រហារ​របស់ក្រុមហ៊ូធីនៅសមុទ្រក្រហម

ជីវិតកម្សាន្ដ២ ម៉ោង មុន

Britney Spears​ ត្រូវសណ្ឋាគារដ៏ល្បីមួយហាមឃាត់នាង បន្ទាប់ពីហែលទឹកអាក្រាតកាយក្នុងអាង

ព័ត៌មានជាតិ២ ម៉ោង មុន

កម្ពុជា-ឥណ្ឌូណេស៊ី បើកទំព័រកិច្ចសហប្រតិបត្តិការ ផ្ដោតលើពាណិជ្ជកម្មកាបូននិងថាមពលបៃតង

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៦ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៤ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម