លោក ជិន ម៉ា​លីន ត្រូវ​បានចាត់តាំង​ជា​សមាជិក​យុវជន​ថ្នាក់កណ្ដាល និង​ជា​ប្រធាន​ក្រុមការងារ​យុវជន​បក្ស​ក្រសួងយុត្តិធម៌

លោក ជិន ម៉ា​លីន ដែល​បច្ចុប្បន្ន​មាន​តួនាទី​ជា​រដ្ឋលេខាធិការ និង​ជា​អ្នក​នាំ ពាក្យ​ក្រសួងយុត្តិធម៌ ត្រូវបាន​ចាត់តាំង​ជា សមាជិក​យុវជន​គណបក្ស​ថ្នាក់កណ្ដាល និង​ជា​ប្រធាន​ក្រុមការងារ​យុវជន​គណបក្ស​ក្រសួងយុត្តិធម៌ នេះ​បើ​យោងតាម​សេចក្តីសម្រេច​របស់​សម្តេច​វិបុល​សេនា​ភក្តី សាយ ឈុំ អនុប្រធាន​គណបក្ស​ប្រជាជន​កម្ពុជា ចុះ​ថ្ងៃទី​១៩ ខែមករា ឆ្នាំ​២០២២ ។

លោក​ជិន ម៉ា​លីន ដែលមាន​តួនាទី​ជា​អនុប្រធាន និង​ជា​អ្នកនាំពាក្យ​គណៈកម្មាធិការ​សិទ្ធិមនុស្ស​កម្មា​ធិ​ការ​សិទ្ធិមនុស្ស​ផងដែរ​នោះ បាន​គោរព​ថ្លែងអំណរគុណ​ដល់​ថ្នាក់ដឹកនាំ​គណបក្ស​ប្រជាជន​កម្ពុជា ឯកឧត្តម​បណ្ឌិត ហ៊ុន ម៉ា​ណែ​ត ប្រធាន​យុវជន​គណបក្ស​ថ្នាក់កណ្តាល និង​ឯកឧត្តម កើត រិ​ទ្ធ ប្រធាន​គណៈកម្មាធិការ​គណបក្ស​ក្រសួងយុត្តិធម៌ ដែល​តែងតែ​ផ្តល់នូវ​ឱកាស ការគាំទ្រ និង​សេចក្តីទុកចិត្ត​ដល់​រូបលោក​។

​លោក​ជិន ម៉ា​លីន ដែលជា​មន្ត្រីជាន់ខ្ពស់ មាន​ថ្វីមាត់​ម្នាក់ ត្រូវបាន​ព្រះករុណា ព្រះបាទ សម្តេចព្រះ​បរមនាថ នរោត្តម សីហមុនី ព្រះមហាក្សត្រ​នៃ​ព្រះរាជា​ណា ចក្រ​កម្ពុជា ត្រាស់បង្គាប់​តែងតាំង​ជា​រដ្ឋលេខាធិការ​ក្រសួងយុត្តិធម៌ កាលពី​ថ្ងៃទី​២៨ ខែកុម្ភៈ ឆ្នាំ​២០២០ ហើយ​ត្រូវបានតែងតាំង ជា​ប្រធាន​លេខាធិការដ្ឋាន នៃ​គណៈកម្មការ​អន្តររដ្ឋាភិបាល​អាស៊ាន ទទួលបន្ទុក​សិទ្ធិមនុស្ស​នៅ​កម្ពុជា (​អាយ​ឆា​-​កម្ពុជា​) កាលពី​ថ្ងៃទី​០៤ ខែមករា ២០២៣៕

ដោយ ៖ កោះ​កែវ