ព័ត៌មានជាតិ
គម្រោងបញ្ជូនពលករខ្មែរMOUទៅធ្វើការនៅថៃត្រូវបានពន្យារពេលដោយសារជំងឺអូមីក្រុង
គម្រោងបញ្ជូនពលករខ្មែរMOUទៅធ្វើការនៅប្រទេសថៃ នៅក្នុងខែមករានេះ ត្រូវបានពន្យារពេលដោយសារការរាតត្បាតជំងឺអូមីក្រុង។
លោក អន ប៊ុនហាក់ ប្រធានសមាគមទីភ្នាក់ងារហត្ថពលកម្មកម្ពុជា បានឱ្យដឹងថ្ងៃទី២១ ខែមករានេះថា តាមគម្រោងនៅចុងខែមករាឆ្នាំ២០២២នេះ យើងគ្រោងនឹងបញ្ជូនពលករMOUទៅធ្វើការនៅប្រទេសថៃប្រមាណពី២ទៅ៣ពាន់នាក់។ ប៉ុន្តែត្រូវបានពន្យាពេលវិញដោយសារប្រទេសថៃមានបញ្ហាផ្ទុះជំងឺកូវីដ១៩ប្រភេទអូមីក្រុង ពិសេសនៅកន្លែងដែលពលករត្រូវធ្វើចត្តាឡីស័ក។
លោកបានបន្តថា «គម្រោងបញ្ជូនពលករនៅតែដដែលទេ គ្រាន់តែរាងយឺតបន្តិច ដោយសារតំបន់ដែលសម្រាប់ទុកធ្វើចត្តាឡីស័កសម្រាប់ពលករខ្មែរមានឆ្លងជំងឺអូមីក្រុង។ អីចឹងផែនការរបស់យើងគឺនៅដដែលទេ ហើយពលករដែលត្រូវបញ្ជូនទៅនៅចុងខែមករានេះ យើងនឹងយកទៅបញ្ចូលនៅដើមខែក្រោយវិញ»។
បើតាមលោក អន ប៊ុនហាក់ ពលករMOUដែលនឹងបញ្ជូនទៅធ្វើការនៅប្រទេសថៃនៅខែក្រោយនេះមានប្រមាណជាង១ម៉ឺននាក់ ដោយពួកគាត់ធ្វើទៅលើវិស័យសំណង់ ផ្នែកចំណីអាហារនិងគ្រឿងសមុទ្រជាដើម។
លោក អន ប៊ុនហាក់ បានបន្តថា ការបញ្ជូនពលករទៅធ្វើការនៅប្រទេសថៃនេះ រដ្ឋាភិបាលថៃបានតម្រូវឱ្យនិយោជកថៃត្រូវទិញប័ណ្ណធានារ៉ាប់រងសម្រាប់ទុកចំណាយទៅលើការព្យាបាលពេលដែលពលករខ្មែរមានឆ្លងជំងឺកូវីដ១៩ ព្រោះថា រាល់ការព្យាបាលជាបន្ទុករបស់និយោជកទាំងស្រុង។
លោកបានបន្តទៀតថា ពលករខ្មែរដែលអាចទៅធ្វើការនៅប្រទេសថៃត្រូវមានលក្ខខណ្ឌមួយចំនួនដូចជា ត្រូវមានកាតចាក់វ៉ាក់សាំងធ្វើតេស្តរកជំងឺកូវីដ១៩រយៈពេល៧២ម៉ោងតាមម៉ាស៊ីនPCR ឬតេស្តរហ័សដែលធ្វើដោយគ្រូពេទ្យជំនាញដើម្បីបញ្ជាក់វិញ្ញាបនបត្រថា មិនមានឆ្លងជំងឺកូវីដ១៩។ពេលទៅដល់ព្រំដែនពលករខ្មែរដែលចាក់វ៉ាក់សាំង២ដូសរួចហើយត្រូវធ្វើចត្តាឡ័ស័ករយៈពេល៧ថ្ងៃហើយពលករដែលអត់ទាន់បានចាក់វ៉ាក់សាំងទេត្រូវធ្វើចត្តាឡីស័ករយៈពេល១៤ថ្ងៃ។
បើតាមការប៉ាន់ស្មានបច្ចុប្បន្ននេះប្រទេសថៃត្រូវការពលរបរទេសចំនួន៤២០.០០នាក់ដែលភាគច្រើនក្នុងការងារសំណង់ រោងចក្រ និងឧស្សាហកម្មអាហារសមុទ្រ៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)