ព័ត៌មានជាតិ
មនុស្សរាប់ពាន់នាក់ចូលរួម អបអរខេត្តបាត់ដំបង បានពានទីក្រុងស្អាតអាស៊ាន
ខេត្តបាត់ដំបង÷ រដ្ឋបាលខេត្តបានរៀបចំពិធីអបអរសាទរក្នុងឱកាសដែលក្រុងបាត់ដំបងនៃខេត្តបាត់ដំបងបានទទួលនូវពានរង្វាន់ “ជ័យលាភីទីក្រុងទេសចរណ៍ស្អាតអាស៊ានលើកទី៣ឆ្នាំ២០២២.២០២៤” កាលពីថ្ងៃទី១៩ខែមករាឆ្នាំ២០២២ ដែលធ្វើឡើងលើទឹកដីនៃខេត្តព្រះសីហនុ។
ពិធីនេះមានការចូលរួមពីបណ្តាមន្ត្រីនៃសាលាខេត្តក៏ដូចជាមន្ត្រីនៃមន្ទីរពាក់ព័ន្ធជុំវិញខេត្ត រួមជាមួយបងប្អូនប្រជាពលរដ្ឋសិស្សនិសិត្សកងកម្លាំងចម្រុះយ៉ាងច្រើនកុះករ ដើម្បីចូលរួមដង្ហែរពានរង្វាន់បង្ហាញជាមោទនភាពជូនដល់បងប្អូនប្រជាពលរដ្ឋក្នុងខេត្ត ដែលបានចូលរួមចំណែកយ៉ាងសំខាន់ជាមួយនិងពានរង្វាន់១នេះផងដែរ។
ក្នុងឱកាសនោះ លោកអភិបាលខេត្តក៏បានបញ្ជាក់ជូនដល់អង្គពិធីទាំងមូលថា គិតត្រឹមពេលនេះខេត្តបាត់ដំបងពិតជាមានមោទនភាពជាខ្លាំង ដែលបានទទួលនូវជ័យលាភីជាបន្តបន្ទាប់ក្នុងនោះរួមមាន ជ័យលាភីទីក្រុងនិរន្តភាពបរិស្ថានស្អាតចំនួន០១លើក ជ័យលាភីទីក្រុងស្អាតផ្ការំដួល៣ទងលំដាប់ពិន្ទុឈានមុខចំនួន០២លើក ជ័យលាភីទីក្រុងទេសចរណ៍ស្អាតអាស៊ានចំនួន០២លើកគិតទាំងជ័យលាភីដែលទទួលបាននៅពេលនេះផងដែរ។
ខេត្តបាត់ដំបងជាខេត្តមួយដែលមានសក្តានុពលជាច្រើនដូចជាទីក្រុងបេតិកភណ្ឌប្រវត្តិសាស្ត្រវប្បធម៌និងទេសចរណ៍និងមានតំបន់ទេសចរណ៍ដ៏ច្រើនដែលអាចទាក់ទាញភ្ញៀវទេសចរជាតិ និងអន្តរជាតិឱ្យមកកម្សាន្តសម្រាកលំហែរស្រាវជ្រាវនិងធ្វើធុរកិច្ចជាដើម។ ប៉ុន្តែជាអកុសលក្នុងរយៈពេល២ឆ្នាំកន្លងទៅនេះ វិបត្តិនៃជំងឺកូវីដ១៩បានជះឥទ្ធិពលយ៉ាងធ្ងន់ធ្ងរទៅលើសេដ្ឋកិច្ចសង្គមជាពិសេសឆ្នាំ២០២១ ខេត្តបាត់ដំបងទាំងមូលទទួលបានភ្ញៀវទេសចរបរទេសផ្ទៃក្នុងចំនួនតែ២.៩៨៨ នាក់ប៉ុណ្ណោះពោលមានការធ្លាក់ចុះ៩១,១៨%និងភ្ញៀវទេសចរក្នុងស្រុកចំនួនតែ១៥៨,៥៦៣នាក់មានការធ្លាក់ចុះ។
បើទោះបីក្រុងបាត់ដំបង បានទទួលជយលាភីជាបន្តបន្ទាប់ក៏ដោយ លោកអភិបាលខេត្តក៏បានអំពាវនាវដល់គ្រប់ភាគីពាក់ព័ន្ធទាំងអស់ ពិសេសបងប្អូនប្រជាពលរដ្ឋក្នុងខេត្តបាត់ដំបង ត្រូវរួមគ្នារក្សាអនាម័យបរិស្ថានក្នុងក្រុងក៏ដូចជាខេត្តទាំងមូលបន្តការចូលរួមជាមួយអាជ្ញាធរ ក្នុងការដោះស្រាយបញ្ហាសណ្តាប់ធ្នាប់តាមទីផ្សារឬទីសាធារណៈផ្សេងៗឲ្យកាន់តែសកម្មបន្ថែមទៀត។ ជាពិសេសចូលរួមរៀបចំសោភ័ណភាពតាមលំនៅដ្ឋានក្នុងក្រុងឲ្យស័ក្តិសមជាទីក្រុងបេតិកភណ្ឌវប្បធម៌ប្រវត្តិសាស្ត្រ និងទីក្រុងទេសចរណ៍ប្របកដោយភាពវៃឆ្លាតរួមគ្នារក្សាដីចំណីផ្លូវតាមមុខផ្ទះសម្រាប់ជាផ្លូវថ្មើរជើងជាដើម។
ជាងនេះទៅទៀតនោះក៏ត្រូវរួមគ្នាដោះស្រាយសំណង់បណ្តោះអាសន្នទាំងអស់នៅតាមទីតាំងដីសាធារណៈរបស់រដ្ឋដូចជាចំណីស្ទឹងប្រឡាយរំដោះទឹកចិញ្ចើមផ្លូវជាដើម៕
អត្ថបទ៖ សៅ សារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង