ព័ត៌មានជាតិ
ក្រុមហ៊ុន ណាហ្គាវើលដ៏ ចេញមកទម្លាយការពិតនៃការកាត់បន្ថយបុគ្គលិក ដែលបង្កឲ្យមានការធ្វើកូដកម្ម
ក្រុមហ៊ុនណាហ្គាវើកដ៏ តាមរយៈសេចក្តីថ្លែងការណ៍កាលពីយប់ថ្ងៃទី២៣ ខែមករា បានទម្លាយការពិតនៃការកាត់បន្ថយបុគ្គលិកបណ្តាលឲ្យមានការធ្វើកូដកម្មដល់ពេលបច្ចុប្បន្ននេះ។ បើតាមក្រុមហ៊ុនសណ្ឋាគារ និងកាស៊ីណូមួយនេះ គឺមូលហេតុពិតនៃការកាត់បន្ថយបុគ្គលិកនេះ ដោយសារតែក្រុមហ៊ុន បានរងគ្រោះ ព្រោះតែការរីករាលដាលនៃជំងឺកូវីដ១៩។
ក្រុមហ៊ុនណាហ្គាវើលដ៏ បានគូសបញ្ជាក់ថា ដោយសារតែជំងឺរាតត្បាតមួយនេះ ក្រុមហ៊ុនណាហ្គាវើលដ៏ បានខាតបង់សុទ្ធដល់ទៅ ៧៧ លានដុល្លារអាមេរិកនៅក្នុងឆមាសទី១ នៃឆ្នាំ២០២១កន្លងទៅ។ ដូច្នេះ ដូចគ្នានឹងក្រុមហ៊ុនផ្សេងទៀតទាំងអស់នៅក្នុងពិភពលោកដែរ ដោយសារតែទំហំអាជីវកម្មធ្លាក់ចុះ ព្រោះបរិយាកាសសេដ្ឋកិច្ចមិនល្អ ក្រុមហ៊ុនណាហ្គាវើលដ៏ ត្រូវបង្ខំចិត្តចាប់ផ្តើមវិធានការកាត់បន្ថយការចំណាយមួយចំនួន ដើម្បីផលប្រយោជន៍របស់ក្រុមហ៊ុន ក៏ដូចជាភាគីពាក់ព័ន្ធ។ នៅក្នុងចំណោមវិធានការសកម្មផ្សេងៗ ដើម្បីទប់ស្កាត់ហានិភ័យ គឺជំហានដែលក្រុមហ៊ុនអនុវត្ត រួមមាន ការកាត់បន្ថយការចំណាយលើមនុស្ស ជាពិសេស នៅផ្នែកណាមួយដែលមានចំនួនបុគ្គលិកច្រើនលើសតម្រូវការ និងកម្លាំងបុគ្គលិកដែលគ្មានផលិតភាព។
យ៉ាងណាក៏ដោយ ក្រុមហ៊ុនណាហ្គាវើលដ៏ បានសង្កត់ធ្ងន់ថា ការកាត់បន្ថយបុគ្គលិកនេះ គឺក្រុមហ៊ុនបានទូទាត់សំណងប្រសើរលើសពីសំណងដែលតម្រូវដោយច្បាប់ការងារកម្ពុជាទៅទៀត។ ទោះជាបែបនេះក្តី មានបុគ្គលិកចំនួន៧៣% ដែលបានព្រមព្រៀងទទួលយកសំណងនេះ ប៉ុន្តែ នៅមានបុគ្គលិកចំនួន៣៦០នាក់ទៀតក្នុងចំណោមបុគ្គលិកប៉ះពាល់សរុប ១ ៣២៩នាក់ បានបដិសេធមិនទទួលយកនូវការព្រមព្រៀងគ្នានេះជាមួយក្រុមហ៊ុនឡើយ៕
អត្ថបទ ៖ វណ្ណ សុគន្ធា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង