ព័ត៌មានជាតិ

លូទឹកសំអុយជាច្រើនកន្លែងបានបង្ហូរចូលទៅក្នុងព្រែកកំពត

បានផុស

៣ years មុន

នៅ

ថ្ងៃព្រហស្បតិ៍ ១០ ធ្នូ ២០២០

ដោយ

ទឹកសំអុយលាយឡំជាមួយសំរាម ត្រូវបានបង្ហូរតាមលូជាច្រើនកន្លែង ចូលទៅព្រែកកំពង់បាយ ដែលជាដៃសមុទ្រមួយដែលកំពុងទាក់ទាញភ្ញៀវទេសចរកម្សាន្តតាមទឹកទស្សនាក្រុងកំពត ។

ទឹកសំអុយនេះមិនត្រឹមតែប៉ះពាល់សោភណភាពដងព្រែកកំពង់បាយ ប៉ុណ្ណោះទេ តែវាបាន ចោទជាបញ្ហាបរិស្ថាន សុខភាព របស់ពលរដ្ឋដែលប្រើប្រាស់ទឹកព្រែកកំពង់បាយ ទៀតផង ។

ភ្ញៀវទេសចរមួយចំនួន ដែលទៅលេងកម្សាន្តហាក់ដូចជាមានអារម្មណ៍ គិតថា ខ្លួនកំពុងតែលេងទឹកដែលពោរពេញទៅដោយមេរោគ ឬ កំពុងតែជិះទូកគយគន់សំរាមនៅតាមមាត់ព្រែក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីប្រជាពលរដ្ឋដែលរស់នៅតាមដងព្រែកកំពត គេនៅសង្កេតឃើញមានអ្នកលក់ដូរនៅតាមមាត់ព្រែកកំពត ក៏បានចាក់កាកសំណល់ចូលទៅក្នុងទឹកព្រែក បន្ថែមទៀត ។

ប្រធានមន្ទីរ បរិស្ថាន ខេត្តកំពត លោក ស៊ុយ ធា ទទួលស្គាល់ ថា ទឹក កខ្វក់ បាន ហូរ ចូល ព្រែក កំពត មែនតាមរយៈ ប្រព័ន្ធលូ ចំនួន១៤ ខ្សែដែលបន្សល់តាំងពីសម័យបារាំង គ្រប់គ្រងមកម្ល៉េះ ។ លោកអះអាងថា អាជ្ញាធរធ្លាប់បាន សហការជាមួយក្រុមហ៊ុនដើម្បីសិក្សាពីគម្រោងបញ្ចៀសទឹកស្អុយ ចេញពីព្រែកកំពត ដែរ ប៉ុន្តែគម្រោងសិក្សាត្រូវ ចំណាយថវិកាច្រើនទើបត្រូវបរាជ័យទៅវិញ ។

ប្រធានមន្ទីរ បរិស្ថានបន្តថា អាជ្ញាធរខេត្ត បានសហការ ជាមួយធនាគារ អភិវឌ្ឍន៍អាស៊ី កំពុងសិក្សាពីគម្រោង ចម្រោះទឹកស្អុយនិង បង្វែរចេញពីព្រែកកំពត នាពេលខាងមុខ ។ ម្យ៉ាងទៀត រាជរដ្ឋាភិបាល ក៏គ្រោងប្រើប្រាស់ដីទំហំ ១០ហិកតា ដើម្បី ធ្វើជា អាងចម្រោះទឹកស្អុយមុននឹង បង្ហូរទឹកនោះ ទម្លាក់ទៅកាន់ព្រែក«ក្បាល រមាស»។ លោកអះអាងថា ប្រហែលជា នៅ ឆ្នាំ២០២១ នឹង ធ្វើ ហើយ ជាស្ថាពរក្នុងការរំដោះទឹក ស្អុយ ចេញពី ក្រុង កំពត ៕

អត្ថបទ ៖ ណារី

Related Topics:ខេត្តកំពត