ព័ត៌មានជាតិ

អ្នកលក់បបរសប៉ះពាល់បុរសវិជ្ជមានកូវីដ១៩ បានទៅលេងផ្ទះនៅចំការលើ

បានផុស

៣ years មុន

នៅ

ថ្ងៃព្រហស្បតិ៍ ១០ ធ្នូ ២០២០

ដោយ

កំពង់ចាម ៖ អ្នកលក់បបរសម្នាក់ នៅអាហារដ្ឋាន “តាមឿន” មានទីតាំងម្តុំគល់ស្ពាន គីហ្សូណា ក្រុងកំពង់ចាម បានប៉ះពាល់បុរសវិជ្ជមានកូវីដ១៩ ហើយទៅលេងផ្ទះនៅចំការលើ ត្រូវបានក្រុមគ្រូពេទ្យការិយាល័យ ស្រុកចំការលើ បញ្ជូនទៅធ្វើចត្តាឡីស័កនៅខេត្តកំពង់ចាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបញ្ជូនស្ត្រីជាបុគ្គលិកនៅអាហារដ្ឋាន តាមឿន” ទៅធ្វើចត្តាឡីស័កនេះ ធ្វើឡើងនៅព្រឹកថ្ងៃទី១០ ខែធ្នូ ឆ្នាំ ២០២០ វេលាម៉ោង៧និង៣០នាទី។ ស្ត្រីរូបនេះមានឈ្មោះ ព.ស.ម អាយុ២៨ឆ្នាំ រស់នៅភូមិថ្លុកក្រវ៉ាន់ ឃុំបុសខ្នុរ ស្រុកចំការលើ ខេត្តកំពង់ចាម ដែលជាបុគ្គលិកមួយរូបបានប៉ះពាល់ជាមួយអ្នកវិជ្ជមានកូវីដ-១៩ (ហានិភ័យខ្ពស់ ) ហើយបានទៅលេងផ្ទះនៅចំការលើ ខណៈអ្នកប៉ះពាល់ដោយផ្ទាល់នឹងប្រយោលបានកើនឡើងរហូតដល់២៥នាក់។

សូមបញ្ជាក់ថា ស្ត្រីខាងលើនេះ ត្រូវបានក្រុមគ្រូពេទ្យ ព្រមទាំងអាជ្ញាធរភូមិ-ឃុំ បានណែនាំឲ្យពួកគាត់នៅដាច់ដោយឡែកពីបងប្អូននិងអ្នកជិតខាងរយៈពេល១៤ថ្ងៃ។

សមត្ថកិច្ចក៏បានសូមអំពាវនាវ បងប្អូនប្រជាពលរដ្ឋ ដែលធ្លាប់ទៅហូបបបរស ដែលសង្ស័យកន្លែង អាហារដ្ឋាន តាមឿន គល់ស្ពាន គីហ្សូណា ក្រុងកំពង់ចាម ចាប់ពីថ្ងៃ២ដល់ថ្ងៃ៩ ត្រូវទៅជួបខាង ក្រុមគ្រូពេទ្យ នៃមន្ទីរសុខាភិបាល ដើម្បីធ្វើការពិនិត្យសំណាក ខណៈមានអ្នករកឃើញវិជ្ជមានកូវីដ១៩បានចូលហូបបបរស នៅទីនោះ។ បច្ចុប្បន្ន អាហារដ្ឋាន បបរស តាមឿន ត្រូវបានផ្អាកមួយរយៈសិន រង់ចាំក្រុមគ្រូពេទ្យធ្វើការងារ៕