សន្តិសុខសង្គម
កម្លាំងអាវុធហត្ថ ចុះឡោមព័ទ្ធសណ្ឋាគារមួយកន្លែង ឃាត់ខ្លួនជនជាតិចិន០៦នាក់ ពាក់ព័ន្ធនឹងអំពើជំរិតទារប្រាក់
ភ្នំពេញ ៖ ជនជាតិចិនចំនួន០៦នាក់ ពាក់ព័ន្ធនឹងអំពើជំរិតទារប្រាក់ ត្រូវបានកម្លាំងសមត្ថកិច្ចកងរាជអាវុធហត្ថរាជធានីភ្នំពេញ បើកប្រតិបត្តិការចុះធ្វើការឃាត់ខ្លួន នៅក្នុងសណ្ឋាគារមួយកន្លែង យីហោ « សឹងប៉ាវឡុង និងក្លឹបកម្សាន្ត » មានទីតាំង ស្ថិតនៅតាមបណ្តោយផ្លូវលេខ៣១០ ក្នុងសង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ កាលពីវេលាម៉ោង១៦ និង៣០នាទីល្ងាចថ្ងៃទី០៩ ខែកុម្ភៈ ឆ្នាំ២០២២ ។
ប្រតិបត្តិការដ៏ក្តៅនេះ ដោយកម្លាំងកងរាជអាវុធហត្ថរាជធានីភ្នំពេញ ដឹកនាំបញ្ជាផ្ទាល់ ដោយលោកឧត្តមសេនីយ៍ឯក រ័ត្ន ស្រ៊ាង មេបញ្ចាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ ដោយសហការជាមួយ កម្លាំងកងរាជអាវុធហត្ថខេត្តស្វាយរៀង និងកម្លាំងកងរាជអាវុធហត្ថលើផ្ទៃប្រទេសផងដែរ។
តាមប្រភពព័ត៌មានអោយដឹង បន្ទាប់ពីសមត្ថកិច្ចអាវុធហត្ថខេត្តស្វាយរៀង បានផ្តល់ព័ត៌មានអំពើអំពើជំរិតទារប្រាក់ នឹងបានសុំកិច្ចសហការរួចមក កម្លាំងកងអន្តរាគមន៍ពិសេស នៃទីបញ្ជាការដ្ឋានកងរាជអាវុធហត្ថរាជធានីភ្នំពេញ ប្រដាប់ដោយកាំភ្លើងវែងខ្លីគ្រប់ដៃ បានបើកការចុះទៅឡោមព័ទ្ធទីតាំងសណ្ឋាគារខាងលើ និងសម្រុកចូលទៅក្នុងទីតាំង ដើម្បីធ្វើការចាប់ឃាត់ខ្លួនក្រុមជនសង្ស័យ ដែលមានការជាប់ពាក់ព័ន្ធនឹងអំពើជំរិតទារប្រាក់ ។
ក្រោយរង្វង់ប្រតិបត្តិការ ប្រមាណ១ម៉ោងរួចមក កម្លាំងអាវុធហត្ថ ក៏បានឃាត់ខ្លួនជនជាតិចិនសរុប០៦នាក់ ដែលសុទ្ធជាមនុស្សប្រុស ដោយបានបញ្ចូនទៅកាន់ ទីបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីសាកសួរនាំបន្តនីតិវិធី តែម្តង។
សូមបញ្ជាក់ថា នៅជុំវិញកន្លែងចុះប្រតិបត្តិការខាងលើ ក៏បានបង្កឲ្យមានការភ្ញាក់ផ្អើលជាខ្លាំងផងដែរ ដោយមានការចោមរោមមើលជាច្រើន ទាំងអ្នកក្បែរតំបន់ និងអ្នកដំណើរឆ្លងកាត់ជាដើម៕
ដោយ ៖ លីហេង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង