ព័ត៌មានជាតិ
នគរបាលចាប់ខ្លួនជនសង្ស័យ២នាក់ និងរថយន្ដមួយគ្រឿង ករណីដឹកជញ្ជូន ឈើខុសច្បាប់
កម្លាំងអធិការដ្ឋាននគរបាល ស្រុកប្រាសាទបាគង បានធ្វើការឃាត់រថយន្តសង្ស័យ១គ្រឿង ដើម្បីធ្វើការត្រួតពិនិត្យ និងរកឃើញបទល្មើសដឹកជញ្ជូន អនុផលព្រៃឈើ គ្មានលិខិតអនុញ្ញាត។ ការបង្ក្រាបនេះធ្វើឡើងនៅថ្ងៃទី១១ ខែធ្នូ ឆ្នាំ២០២០នេះ នៅចំណុចលើដងផ្លូវ ក្នុងភូមិគោកចាន់ឃុំអំពិល ស្រុកប្រាសាទបាគង ខេត្តសៀមរាប។
លោកវរសេនីយ៍ឯក លឹម សម្បត្តិ អធិការនគរបាល ស្រុកប្រាសាទបាគង បានឲ្យដឹងថា ប្រតិបត្តិការនេះ អនុវត្តតាមបទបញ្ជារបស់ឧត្តមសេនីយ៍ទោ ទិត្យ ណារ៉ុង ស្នងការនៃស្នងការដ្ឋាននគរបាលខេត្តសៀមរាប ស្តីអំពីការបង្កើនសកម្មល្បាត ក្នុងមូលដ្ឋាន និងដោយមានការណែនាំផ្ទាល់ ពីលោកឧត្តមសេនីយ៍ត្រី ម៉ក់ ធារ៉ា ស្នងការរងទទួលផែនការងារប្រឆាំងបទល្មើសសេដ្ឋកិច្ច។ លោកបន្ថែមថា បន្ទាប់ពីធ្វើការត្រួតពិនិត្យ បានធ្វើការឃាត់ខ្លួនជនសង្ស័យ ក្នុងរថយន្តចំនួន២នាក់ រួមមាន ទី១. ឈ្មោះ កែវ ឧត្ដម ហៅធារ៉ា ភេទប្រុស អាយុ៣០ឆ្នាំ នៅភូមិគោកធ្លក ឃុំកណ្តែក ស្រុកប្រាសាទបាគង ខេត្តសៀមរាប និងទី២. ឈ្មោះ ទុយ វុទ្ធី ហៅចៀន ភេទប្រុស អាយុ២៥ឆ្នាំ នៅភូមិដើមផ្តៀក ឃុំព្រៃស្លឹក ស្រុកទ្រាំង ខេត្តតាកែវ។ វត្ថុតាងដកហូតបាន រថយន្តម៉ាក REVO ពណ៌សស៊េរីឆ្នាំ២០១៦ ចំនួន១គ្រឿង និងឈើប្រភេទផ្ចឹក ចំនួន២.៩២ម៉ែត្រគីប ចំណែកជនសង្ស័យ និងវត្ថុតាងខាងលើ ត្រូវបានកម្លាំងនគរបាល ស្រុកប្រាសាទបាគង ប្រគល់ឲ្យរដ្ឋបាលព្រៃឈើ ដើម្បីបន្តនីតិវិធីតាមផ្លូវច្បាប់៕
អត្ថបទ៖ កុសល
សូមចុចអាន៖ អគ្គិភ័យ ឆាបឆេះឃ្លាំងស្ដុកវត្ថុធាតុដើមសម្រាប់ផលិតខ្សែក្រវាត់របស់ក្រុមហ៊ុនមួយអស់ទាំងស្រុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង