ព័ត៌មានជាតិ
ឃាត់ប្ដីប្រពន្ធមួយគូរករណីមិនរាងចាល កាប់ទន្ន្រានដីលិចទឹកទៅតុលាការ
មន្ត្រីខ័ណ្ឌរដ្ឋបាលជលផលខេត្តបាត់ដំបង កំពុងរៀបចំសំណុំរឿងបញ្ជូនវត្ថុតាងជាម៉ាស៊ីនបូមទឹក និងជនល្មើស២រូបជាប្តីប្រពន្ធ ដែលមិនរាងចាល ក្នុងការរុករានដីព្រៃលិចទឹកធ្វើស្រែទៅកាន់សាលាដំបូងខេត្តបាត់ដំបង ដើម្បីចាត់ការតាមផ្លូវច្បាប់នាថ្ងៃច័ន្ទដើមសប្តាហ៍ក្រោយ។
តាមរបាយការណ៍របស់នាយប៉ុស្ដិ៍រដ្ឋបាល ព្រៃចាស់ ស្រុកឯកភ្នំ បានអោយដឹងថា កម្លាំងចំរុះមានទាំងកងកម្លាំងប្រដាប់អាវុធនិងអាជ្ញាធរមូលដ្ឋានបានចាត់វិធានការឃាត់ខ្លួននិងបង្ក្រាបចំពោះប្រជា ពលរដ្ឋណាដែលមិនរាងចាលក្នុងការប្រព្រឹត្តបទល្មើសកាប់ទន្ទ្រានព្រៃលិចទឹកនិងបទល្មើសនេសាទ ។
ជាក់ស្តែងពេលចុះបង្ក្រាបនៅចំណុចក្រពើស្គម ភូមិសាស្ត្រឃុំព្រៃចាស់ ឃើញមានការកាប់ទន្ទ្រានព្រៃលិចទឹកធ្វើស្រែ សមត្ថកិច្ចបានរិបអូសម៉ាស៊ីនបូមទឹក ចំណែកម្ចាស់រត់គេចខ្លួនបាត់ ។
លោក ជួង សុភា ប្រធានខ័ណ្ឌរដ្ឋបាលជលផល បានអោយដឹងថាជនសង្ស័យពីរនាក់ប្តីប្រពន្ធខាង លើក្នុងចំណោមមនុស្ស៥ នាក់ដែលធ្លាប់ធ្វើកិច្ចសន្យាបញ្ឈប់ការរុករានព្រៃលិចទឹកធ្វើស្រែ ជាមួយរដ្ឋបាលស្រុកឯកភ្នំ និងមន្ត្រីខ័ណ្ឌរដ្ឋបាលជលផលម្តងរួចមកហើយ តែជននេះមិនរាងចាលនៅតែប្រព្រឹត្តដោយជួលមនុស្សមកបូមទឹកដាក់ស្រែដែលបានរុករានដដែល។ ចំណែកអ្នកផ្សេងទៀត ពុំឃើញមានសកម្មភាពល្មើសទៀតនោះទេ បន្ទាប់ពីធ្វើកិច្ចសន្យារួច ។
ជាមួយគ្នានេះ អាជ្ញាធរស្រុកឯកភ្នំ កងកម្លាំង និង មន្ត្រីខ័ណ្ឌរដ្ឋបាលជលផល បានបើកយុទ្ធនាការបង្ក្រាបបទល្មើសនេសាទនិងការរុករានព្រៃលិចទឹក នៅមូលដ្ឋានស្រុកនេះ ដោយបង្ក្រាបបានសាច់មង៥៥០០ម៉ែត្រ ឡុក២១ បង្គាលចំនួន១៥០០ដើម ព្រលែងត្រី១០០គីឡូក្រាម និងណែនាំធ្វើកិច្ចសន្យាចំពោះអ្នកប្រព្រឹត្តជាច្រើននាក់ផងដែរ។
អាជ្ញាធរស្រុកឯកភ្នំបានព្រមានថានិងអនុវត្តន៍តាមផ្លូវច្បាប់ចំពោះប្រជាពលរដ្ឋណាមិនរាងចាលក្នុងការរុករានដីព្រៃលិចទឹក និង ប្រើឧបករណ៍នេសាទខុសច្បាប់ គឺមិនលើកលែងឡើយ៕
អត្ថបទដោយ ៖ សោ និយមរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ