ព័ត៌មានជាតិ

លោក ជា ចាន់តូ ចុះត្រួតពិនិត្យផ្ទាល់ដំណើរការប្រឡងរបស់មន្ត្រីធនាគារ តាមប្រព័ន្ធអនឡាញ

បានផុស

៣ years មុន

នៅ

ថ្ងៃសុក្រ ១១ ធ្នូ ២០២០

ដោយ

លោក ជា ចាន់តូ ទេសាភិបាល ធនាគារជាតិនៃកម្ពុជា បានអញ្ជើញចុះត្រួតពិនិត្យផ្ទាល់ដំណើរការប្រឡងរបស់មន្ត្រីធនាគារតាមប្រព័ន្ធអនឡាញ សម្រាប់វគ្គ FSI Connect ដើម្បីធានាពីគុណភាពនិងប្រសិទ្ធភាព នៅក្នុងការប្រឡង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជា ចាន់តូ បានមានប្រសាសន៍ថាការប្រឡងតាមប្រព័ន្ធអនឡាញនេះ មានសិក្ខាកាមចូលរួមចំនួន៨៥រូប ក្នុងនោះមានមន្ត្រីចំនួន១២រូប បានបញ្ចប់កម្រិតខ្ពស់ មន្ត្រីចំនួន ៥រូប បានបញ្ចប់កម្រិតមធ្យម និង ៦រូបបញ្ចប់កម្រិតបឋម។ លោកទេសាភិបាលធនាគារជាតិ បានបន្តថា វគ្គសិក្សាតាមប្រព័ន្ធអនឡាញនេះ ត្រូវបានរៀបចំឡើងដោយវិទ្យាស្ថានស្ថិរភាពហិរញ្ញវត្ថុអន្តរជាតិ នៃធនាគារសម្រាប់ការទូទាត់អន្តរជាតិ (Bank for International Settlement – BIS) ដែលមានស្នាក់ការកណ្តាលនៅប្រទេសស្វ៊ីស ហើយមានធនាគារកណ្តាល និងស្ថាប័នហិរញ្ញវត្ថុសាធារណៈជាង៣០០ នៅលើពិភពលោក។

គួរបញ្ជាក់ថា វគ្គសិក្សា NBC-FSI Connect ជាវគ្គបណ្ដុះបណ្ដាលតាមប្រព័ន្ធអនឡាញ ក្នុងកម្មវិធីអភិវឌ្ឍន៍សមត្ថភាពធនធានមនុស្ស ដែលត្រូវបានបង្កើតឡើងក្រោមការផ្តួចផ្តើមរបស់ លោក ជា ចាន់តូ ទេសាភិបាល ធនាគារជាតិនៃកម្ពុជា ក្នុងគោលបំណង ដើម្បីធ្វើឯកទេសកម្មផ្នែកត្រួតពិនិត្យធនាគារ ដើម្បីឆ្លើយតបទៅតាមការប្រែប្រួលនៃនិម្មាបនកម្មហិរញ្ញវត្ថុនិងនិយាមអន្តរជាតិ និងសម័យកាលរីកចម្រើននៃប្រព័ន្ធធនាគារនាពេលបច្ចុប្បន្ន៕

អត្ថបទ៖ សំអឿន