ព័ត៌មានជាតិ
រដ្ឋមន្ត្រី៖បរិមាណផលស្រូវរដូវវស្សាឆ្នាំ២០២០អាចទទួលបានជាង៨ លានតោន
លោក វ៉េង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបង្ហាញឲ្យដឹងថា បរិមាណផលស្រូវឆ្នាំ ២០២០ អាចសម្រេចបានប្រមាណ ៨, ៥៩៦,៨៧៧ តោន ច្រើនជាងឆ្នាំ២០១៩ ដែលទទួលបានចំនួន៨,២៦៩,៤៨០តោន ។
រដ្ឋមន្រ្តីកសិកម្ម បានបង្ហាញឲ្យដឹងអំពីវឌ្ឍនភាព នៃការស្តារស្រូវរដូវវស្សា និងស្រូវដើមរដូវប្រាំងដែលបានទទួលរងគ្រោះដោយទឹកជំនន់ទឹកភ្លៀង និងទឹកទន្លេមេគង្គឆ្នាំ២០២០ គិតមកដល់ថ្ងៃទី ១០ ខែធ្នូ ឆ្នាំ២០២០នេះ ជាលទ្ធផលនៃការស្តារដំណាំស្រូវសម្រេចបានចំនួន ៥៧,៥៥៧ ហិកតាស្មើនឹង ៨៩,៦៨% នៃផែនការស្តារឡើងវិញចំនួន ៦៤,១៧៩ ហិកតា ។
គួររំលឹកថា កម្ពុជា បានជួបប្រទះគ្រោះទឹកជំនន់យ៉ាងធ្ងន់ធ្ងរនៅដើមខែតុលា ឆ្នាំ២០២០ កន្លងទៅដែលបង្កឲ្យមានផល់ប៉ះពាល់ និងខូចខាតដល់ផលិតកម្មដំណាំស្រូវ ដំណាំសាកវប្បកម្ម ដំណាំកសិ-ឧស្សាហកម្ម និង សត្វពាហន:នៅតាមបណ្តាខេត្តមួយចំនួន ក្នុងនោះខេត្តដែលរងគ្រោះធ្ងន់ធ្ងរ ជាងគេ គឺខេត្តបន្ទាយមានជ័យ ខេត្តបាត់ដំបង ពោធិ៍សាត់ និងខេត្តកំពង់ធំ។
ផលប៉ះពាល់និងខូចខាតទៅលើដំណាំស្រូវរដូវវស្សា ឆ្នាំ២០២០ចំនួន១៩ រាជធានី/ខេត្ត ។ ផ្ទៃដីដំណាំស្រូវដែលបានប៉ះពាល់ចំនួន ៣០៤ ៨២១ ហិកតាស្មើនឹង ១០,៩២%នៃផ្ទៃដីដាំដុះដំណាំស្រូវរដូវវស្សាសម្រេចបាន(២,៧៩០,៨២៩ ហិកតា)។ ផ្ទៃដីដំណាំស្រូវដែលសង្គ្រោះបានចំនួន ១៧៩,០៥១ ហិកតាស្មើនឹង ៦,៤១% នៃផ្ទៃដីដាំដុះដំណាំស្រូវរដូវវស្សាសម្រេចបាន ។ ផ្ទៃដីដំណាំស្រូវដែលបានខូចខាត១២៥ ៧៧០ហិកតាស្មើនឹង៤,៥%នៃផ្ទៃដីដាំដុះដំណាំស្រូវរដូវវស្សា សម្រេចបាន ។ ផ្ទៃដីដំណាំស្រូវដែលមានលទ្ធភាពស្តារបាន៦៤ ១៧៩ ហិកតា ។
លទ្ធផលនៃការស្តារដំណាំស្រូវ គិតមកត្រឹមថ្ងៃទី១០ ខែធ្នូ ឆ្នាំ២០២០ មានចំនួន ៥៧ ៥៥៧ ហិកតា ស្មើនឹង ៨៩,៦៨% នៃផែនការស្តារឡើងវិញចំនួន ៦៤ ១៧៩ ហិកតា ដែលក្នុងនេះរួមមាន៖ខេត្តពោធិ៍សាត់ សម្រេចបាន ១៧ ៧៧១ ហិកតា ស្មើនឹង ៩៩,៨១% នៃផែនការស្តារឡើងវិញចំនួន ១៧ ៨០៤ ហិកតា ខេត្តបាត់ដំបងសម្រេចបាន ១០ ៥០០ ហិកតា ស្មើនឹង ១០០% នៃផែនការស្តារឡើងវិញចំនួន ១០ ៥០០ ហិកតា ខេត្តបន្ទាយមានជ័យសម្រេចបាន ១៤ ២០៦ ហិកតាស្មើនឹង ៧១,១៤ ហិកតា នៃផែនការស្តារឡើងវិញ ចំនួន ១៩ ៩៧០ ហិកតា ខេត្តកំពង់ធំ សម្រេចបាន ៨ ១២២ ហិកតា ស្មើនឹង ៩៨,៤៤% នៃផែនការស្តារឡើងវិញចំនួន ៨ ២៥១ ហិកតា ដោយឡែកខេត្តចំនួន១៥ទៀត ដែលទទួលរងការខូចខាតតិចតួច បានខិតខំស្តារសម្រេចបានពី ៩៨ ទៅជាង ១០០% នៃផែនការរួចហើយដែរ លើកលែងតែខេត្តកណ្តាល សម្រេចបានត្រឹមតែ ៧០,១១% នៃផែនការស្តារឡើងវិញ៕
អត្ថបទ ៖ ណារី
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៦ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ