ព័ត៌មានជាតិ

សម្ភារ:និងឧបករណ៍នេសាទខុសច្បាប់ជាច្រើនត្រូវបានដុតបំផ្លាញចោល

បានផុស

៣ years មុន

នៅ

ថ្ងៃសុក្រ ១១ ធ្នូ ២០២០

ដោយ

ឧបករណ៍និងសម្ភារ:ជាច្រើនពាក់ព័ន្ធនិងបទល្មើសនេសាទត្រូវបានសមត្ថកិច្ចចម្រុះចុះអនុវត្តបង្ក្រាបដកហូតដុតបំផ្លាញចោលខណះជនប្រព្រឹត្តកំពុងពួនសម្ងំយ៉ាងស្ងាត់ឈឹង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចឲ្យដឹងថា កិច្ចប្រតិបត្តិការខាងលើនេះ ធ្វើឡើងកាលពីព្រឹកថ្ងៃទី១១ខែធ្នូ ឆ្នាំ២០២០នេះ។ដោយក្នុងកិច្ចប្រតិបត្តិការនេះលោកឧត្តមសេនីយ៍ត្រី ចេង ឡេង ស្នងការរងផែនការងារប្រឆាំងបទ ល្មើសសេដ្ឋកិច្ច នៃស្នងការខេត្តបានដឹកនាំកងកម្លាំងក្នុងផែនជំនាញចូលរួមសហការណ៍ជាមួយអា ជ្ញាធរមូលដ្ឋានសមត្ថកិច្ចពាក់ព័ន្ធចុះបង្ក្រាបករណីបទល្មើសនេសាទខុសច្បាប់នៅក្នុងភូមិសាស្ត្រស្រុកឯកភ្នំ ត្រង់ចំណុចអតីតឡូលេខ២។

ជាលទ្ធផលនៃការបង្ក្រាប សមត្ថកិច្ចបានរឹបអូសសម្ភារះនិងឧបករណ៍ល្មើសបានមួយចំនួនរួមមាន៖ស្បៃមងចំនួន៣.០០០ម៉ែត្រ,ឡុកចាប់ត្រីចំនួន០៤ ឡុក,បង្គោលឈើចំនួន៣៥០បង្គោល,លែងកូនត្រីចម្រុះទៅក្នុងបឹងវិញចំនួន១៦០គីឡូក្រាម។ហើយសម្ភារៈល្មើសទាំងនេះត្រូវបានដុតបំផ្លាញចោលនៅហ្នឹងកន្លែងផងដែរ។ ដោយឡែកជនប្រព្រឹត្តសមត្ថកិច្ចថាកំពុងធ្វើការស្រាវជ្រាវនិងកំណត់អំពីអត្តសញ្ញាណដើម្បីឃាត់ខ្លួនកសាងសំណុំរឿងបញ្ជូនទៅតុលាការតាមផ្លូវច្បាប់នាថ្ងៃខាងមុខ៕

អត្ថបទដោយ ៖ សៅ សារិទ្ធ