ព័ត៌មានជាតិ

ស្ពានព្រះមុនីវង្សចាស់ថ្មី សុទ្ធតែខ្សាច់ ដោយសារតែរថយន្តមិនគ្របកៅស៊ូ

បានផុស

៣ years មុន

នៅ

ថ្ងៃចន្ទ ១៤ ធ្នូ ២០២០

ដោយ

អ្នកធ្វើដំណើរឆ្លងកាត់ស្ពានព្រះមុនីវង្សចាស់ ថ្មី បានសង្កេតឃើញអាជ្ញាធរខណ្ឌច្បារអំពៅរាជធានីភ្នំពេញ ដាក់កម្លាំងលាងសំអាតផ្លូវសឹងរាល់ថ្ងៃនៅតែមិនស្អាត ព្រោះរថយន្តដឹកដីមិនគ្របកៅស៊ូបង្កឲ្យជ្រុះពេញតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រសាសន៍លោក ប៊ិន រ៉ុង ជាអ្នកធ្វើដំណើរឆ្លងកាត់ស្ពានព្រះមុនីវង្សថ្មីចាស់នេះ បានឲ្យដឹងថា សឹងជារៀងរាល់ថ្ងៃលោកបានសង្កេតឃើញកម្លាំងអាជ្ញាធរខណ្ឌច្បារអំពៅ បានចុះសំអាតនិងលាងស្ពានទាំង២នេះ ក៏ព្រោះតែកម្ទេចខ្សាច់ជ្រុះពេញលើទ្រូងស្ពានតែម្តង។ ប្រភពដដែលបន្តថា មូលហេតុដែលរថយន្តដឹកខ្សាច់កំពប់ជ្រុះពេញលើផ្លូវបែបនេះ ក៏ដោយសារតែក្រុមឈ្មួញដឹកជញ្ជូនខ្សាច់សើមរៀងរាល់យប់ដូចហែកឋិនទានទៅវត្តដូច្នេះឯង។

យោងតាមប្រភពពីលោក គុយ គឹមហ៊ាង ប្រធានការិយាល័យសាធារណការនៃសាលាខណ្ឌច្បារអំពៅ បានឲ្យដឹងថា នេះជាភារកិច្ចរបស់អាជ្ញាធរ ដែលត្រូវទទួលជាចាំបាច់បំផុត ហើយបើសិនជាមិនធ្វើការបោសនឹងលាងសំអាតវិញ គឺច្បាស់ជាក្លាយទៅជាផ្លូវលំមិនខាន។

លោកប្រធានការិយាល័យបន្តថា ក្នុងនោះលោកបានធ្វើការដល់ម្ចាស់អាជីវកម្មបើកដេប៉ូខ្សាច់ ត្រូវមានការដាក់កៅស៊ូទម្រនិងគ្របឲ្យជិតបើពុំនោះទេ ខ្សាច់សើមពិតជាហូរជ្រុះពេញលើស្ពាននិងផ្លូវជាតិជាក់ជាមិនខាន។ ដោយឡែកលោក យ៉ិន វុធ ចៅសង្កាត់ច្បារអំពៅទី២ បានឲ្យដឹងថា រាល់ថ្ងៃនេះ គឺភារកិច្ចរបស់អាជ្ញាធរសង្កាត់របស់លោក ត្រូវតែលាងនិងបោសសំអាត បើពុំដូច្នោះទេ ច្បាស់ជាកំទេចដីហុយពេញលើភ្នែកអ្នកធ្វើដំណើរជាក់ជាក់ជាមិនខាន៕

អត្ថបទ៖ នរា

សូមចុចអាន៖ ចរាចរណ៍លើផ្លូវធំៗ បានវិលមកកកស្ទះវិញ ក្រោយករណីឆ្លងកូវីដ១៩ ថមថយចុះ

Related Topics:ខណ្ឌច្បារអំពៅ