Connect with us

ព័ត៌មានជាតិ

សំណង់​រឹងមាំ​ ដែល​គេ​សង់​នៅ​លើ​អណ្តូង​មាស​ ត្រូវ​អាជ្ញាធរ​បញ្ជា​ឲ្យ​រុះរើ​វិញ​

បានផុស

នៅ

អណ្ដូង​មាស​ដុះ​ នៅ​ភ្នំ​លក​ដែល​គេ​សង់​សំណង់​រឹងមាំ​នៅ​ទីនោះ​បំណង​រំលោភ​យក​ធ្វើជា​កម្មសិទ្ធិ ត្រូវ​បាន​អាជ្ញាធរ​ស្រុក​កំពង់ត្រាច ទុក​រយៈពេល​៤០​ថ្ងៃ ដើម្បី​ឲ្យ​អ្នក​សាងសង់​រុះរើ​ដោយ​ខ្លួនឯង​វិញ បើ​មិន​ព្រម​រុះរើ​ទេ​អាជ្ញាធរ​នឹង​ចាត់វិធានការ​តាម​ផ្លូវ​ច្បាប់​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ទាក់ទិន​នឹង​ការ​សង់​សំណង់​នៅ​លើ​អណ្តូង​មាស​នេះ ប្រជាពលរដ្ឋ​ជាច្រើន​នាក់​នៅ​ភូមិ​លក ឃុំ​ឬ​ស្សី​ស្រុក​ខាងលិច ស្រុក​កំពង់ត្រាច ខេត្ត​កំពត បាន​លើកគ្នា​មក​តវ៉ា​ជា​ច្រើនដង​មក​ហើយ ដោយ​ពួកគាត់​សុំ​គោលការណ៍​ពី​អាជ្ញាធរ​ឲ្យ​ជួយ​អន្តរាគមន៍ និង​ជួយ​ទប់ស្កាត់​កុំ​ឲ្យ​មានការ​សាងសង់​សំណង់​នៅ​លើ​អណ្តូង​មួយ​នេះ ថែមទាំង​ទាមទារ​ឲ្យ​អាជ្ញាធរ​រុះរើ​សំណង់​ ដែល​ធ្វើ​រំលោក​យក​ដី​អណ្ដូង​មាស​ចេញ​ជាបន្ទាន់​ ផង​ដែរ​។ ជាមួយ​នេះ ​ពលរដ្ឋ​ជាច្រើន​នាក់​បាន​សំណូមពរ​ឲ្យ​រក្សា​អណ្ដូង​នេះ​ ទុក​សម្រាប់​យក​ទឹក​ប្រើ​រួមគ្នា ដោយ​មិន​ចង់​ឲ្យ​មានការ​ធ្វើ​ផ្ទះ​នៅ​ជិត​អណ្ដូង​នោះ​ឡើយ​ ព្រោះថា​អណ្តូង​នេះ ​ជា​ដង្ហើម​ដែល​ផ្តល់​ប្រភព​ទឹក​សម្រាប់​ប្រើប្រាស់​រួមគ្នា​ត​កូនតចៅ​។​

​បើតាម​ការអះអាង​ពី​ស្ត្រី​ចំណាស់ ឈ្មោះ​ពៅ ញើ​យ អាយុ​៧០​ឆាំ្ន រស់នៅ​ជើងភ្នំ​លក បាន​និយាយ​ប្រាប់​ឲ្យ​ដឹង​នៅ​ថ្ងៃ​ទី​១៤ ខែ​ធ្នូ ឆ្នាំ​២០២០ នេះ​ថា អណ្ដូង​មាស​ដុះ​នៅ​ជើងភ្នំ​លក​នេះ​ កាលពីដើម​គេ​ហៅថា​អណ្ដូង​ជប់​ ព្រោះ​វា​មាន​ទឹក​ចេញ​ខួប​ប្រាំង​វស្សា កាល​ក្នុង​ឆ្នាំ​១៩៨០​អណ្ដូង​នៅ​ជើងភ្នំ​លក​នេះ ​ត្រូវ​បាន​ដុះ​មាស​ហើយ​អ្នកស្រុក​នាំគ្នា​សម្រុក​ចូល​ទៅ​ជីក​មាស​ ត្រូវ​បាន​កង​សេនាជន​បាញ់​ស្លាប់​យុវជន​ម្នាក់​ តាំងពី​ពេល​មាន​ស្លាប់​មនុស្ស​រួចមក​អណ្ដូង​នេះ ត្រូវ​បាន​គេ​ដាក់​ឈ្មោះថា​ អណ្ដូង​មាស​ដុះ​នៅ​ភ្នំ​លក​វិញ​។ ស្ត្រី​រូប​នេះ​បាន​និយាយ​បន្ត​ថា ស្រាប់តែ​នៅ​ឆាំ្ន​២០២០​នេះ ត្រូវបាន​គេ​ធ្វើ​សំណង​រឹង​ចូល​ទៅ​ដី​អណ្ដូង​មាស​។​ ស្ត្រី​ចំណាស់​បាន​សំណូមពរ​ឲ្យ​អាជ្ញាធរ​ជួយ​ទប់ស្កាត់​ឲ្យ​បាន ​កុំ​ឲ្យ​គេ​ហ៊ុមព័ទ្ធ​យក​អណ្ដូង​មាស​ធ្វើជា​កម្មសិទ្ធិ​បាន​ឲ្យ​សោះ​។​

​ពាក់ព័ន្ធ​នឹង​ការ​សង់​សំណង់​លើ​អណ្តូង​មាស​នេះ លោក ជួន សុភា អភិបាលរង​ស្រុក​កំពង់ត្រាច​បាន​ប្រាប់​ដឹង​នៅ​ថ្ងៃ​ដដែល​នេះ​ថា ករណី​អ្នកធ្វើ​សំណង់​រឹង​នៅ​លើ​ដី​អណ្ដូង​មាស​ដុះ​នៅ​ជើងភ្នំ​លក​អាជ្ញាធរ​ស្រុក​និង​ឃុំ​បាន​ទៅ​ឲ្យ​ម្ចាស់​ ដែល​ជា​អ្នកធ្វើ​សំណង់​នោះ​ចុះ​កិច្ច​សន្យា​រួចហើយ​មិន​ឲ្យ​លើស​ពី​៤០​ថ្ងៃ ដោយ​តម្រូវ​ឲ្យ​ម្ចាស់​សំណង់​វាយ​ចេញ​ដោយ​ខ្លួនឯង ហើយ​បើ​លើស​ពី​៤០​ថ្ងៃនេះ ​គេ​មិន​វាយ​អាជ្ញាធរ​និង​ចាត់ការ​ទៅតាម​ផ្លូវច្បាប់​។ បន្ទាប់ពី​មានការ​តវ៉ា​ពី​ប្រជាពលរដ្ឋ ឈ្មោះ គឹម​ថើ​យ អាយុ​៦៤​ឆ្នាំ ជា​អ្នក​សាងសង់​សំណង់​រឹង​លើ​អណ្តូង​មាស បាន​សន្យា​ថា ​គាត់​នឹង​ធ្វើការ​វាយកម្ទេច​សំណង់​នេះ​វិញ តាម​កិច្ចសន្យា​របស់​អាជ្ញាធរ​ស្រុក​កំពង់ត្រាច​៕

អត្ថបទ៖ សេង ណា​រិ​ទ្ធ

សូមចុចអាន៖ ​លោកឃឹម ហ្វីណង់​បក​ស្រាយ​ប្រវត្តិ​បន្ថែម​រង្វង់មូល​​ធំ​បំផុត​​ជាប់កំណត់ត្រា​នៅ​ស្រុក​ខ្មែរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៧ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៧ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៧ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៨ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម