អាជីវករ​​ផ្សារណាត់​នៅ​បាត់ដំបង ​រីករាយ​ដែល​អាជ្ញាធរ​ខេត្ត​ប្រគល់​តូប​ឲ្យ​ដំណើរការ​លក់ដូរ​ឡើងវិញ​​ក្រោយពី​អគ្គិភ័យ​ឆាបឆេះ​
Connect with us
Helistar Cambodia - Helicopter Charter Services

ព័ត៌មានជាតិ

អាជីវករ​​ផ្សារណាត់​នៅ​បាត់ដំបង ​រីករាយ​ដែល​អាជ្ញាធរ​ខេត្ត​ប្រគល់​តូប​ឲ្យ​ដំណើរការ​លក់ដូរ​ឡើងវិញ​​ក្រោយពី​អគ្គិភ័យ​ឆាបឆេះ​

Published

on

តូប​លក់​របស់​អា​ជីករ​លក់ដូរ​ក្នុង​ផ្សា​ណាត់​ ឬ​ផ្សារ​ធំថ្មី ​ក្នុង​ក្រុង​បាត់ដំបង​ ដែល​ត្រូវ​បាន​អគ្គីភ័យ​ឆាប​ឆេះ​អស់​ស​រ៉ុ​ប​ចំនួន​៤០​តូប ​ពេលនេះ​រដ្ឋ​បា​លខេត្ត​បា​ន​ប្រគល់​ជូន​ដល់​ក្រុមអា​ជីវករ​ដើម្បី​ដំណើរការ​លក់ដូរ​ឡើងវិញ​ហើយ​ក្រោយពី​អាជ្ញាធរ​ព​ន្លឿ​ន​កា​រជួសជុល​បាន​រួចរាល់​។​

ក្នុង​ឱកាស​ប្រគល់​តូប​ជូន​អាជីវករ​ នៅ​ព្រឹក​ថ្ងៃ​ទី​១៥​ ខែធ្នូ ​ឆ្នាំ​២០២០​នេះ ​លោក​សឿ​ម​ ​ប៊ុ​ន​រឹទ្ធ​អភិ​បាលរង​ខេត្ត​បា​ត់​ដំបង​បាន​លើកឡើងថា​ ​ការប្រគល់​សោ​និង​តូប​ផ្សារ​ជូន​ដល់​បងប្អូន​អា​ជីករ​នេះ​គឺជា​ការ​យកចិត្តទុកដាក់​របស់​លោក​ ងួន​ ​រតន​:​ អភិបាលខេត្ត​ក្នុង​ការ​ព​ន្លឿ​ន​ការ​ជួស​ជុល​សំដៅ​ទៅ​លើ​ផល​ប៉ះពាល់​សេដ្ឋកិច្ច​គ្រួសារ​ប្រចាំថ្ងៃ​របស់​បងប្អូន​ជា​អាជីវករ​ដើម្បី​ប្រ​គល់ជូន​ឲ្យ​ដំណើរការ​លក់​ឲ្យ​បាន​ឆាប់​ឡើងវិញ​ ក្រោយ​ជួប​នូវ​ឧបទ្ទវហេតុ​ភ្លើង​ឆេះ​ដែល​បាន​បំផ្លាញ​ទំនិញ​និង​តូប​លក់ដូរ​ជា​ច្រើន​ខូចខាត​សរុប​ជាង​៨០​ម៉ឺន​ដុ​ល្លា​អាមេរិក​កន្លងមក​។​

ដើម្បី​បង្ក​លក្ខ​ណះ​ឡើងវិញ​ឲ្យ​បាន​ឆាប់​ក្នុង​ការ​រកចំណូល​រប​ស់​អាជីវករ​ រដ្ឋបាល​ខេត្ត​បានសម្រេច​បញ្ចេញ​កញ្ចប់​ថវិកា​របស់​រដ្ឋបាល​ខេត្ត​ផ្ទាល់​ ដើម្បី​ឧបត្ថម្ភ​ក្នុង​ការ​ជួសជុល​នេះ​។ ​ក្នុងនោះ​ក៏​នៅមាន​ផ្នែក​ផ្សេងៗ​ជាច្រើន​ទៀត​រដ្ឋ​បាលខេត្ត​កំពុង​ព​ន្លឿ​ន​ក្រុមការងារ​ជំនាញ​ចុះ​រៀបចំ​ជួសជុល​ជា​បណ្តើរ​ៗ​ថែមទៀត ​ធ្វើយ៉ាង​ណា​ឲ្យ​ផ្សារណាត់​បាត់ដំបង​នេះ ​មាន​របៀបរៀបរយ​មាន​ផាសុខ​ភាព​ផ្លូវ​ដើរ​ធំ​ទូលាយ​ជាង​មុន នឹង​បា​នរៀបចំ​ឡើង​នូវ​ប្រព័ន្ធ​ចរន្តទឹក​សម្រាប់​បង្ការ​ពន្លត់​អគ្គិភ័យ​ផ្សេងៗ​ រួមទាំង​បំពាក់​នូវ​ប្រព័ន្ធ​អ​គ្គីសនី​មាន​លក្ខណៈ​ស្ត​ង់ដា​ ដើម្បី​ទាក់ទាញ​ភ្ញៀវ​ទេសចរណ៍​ជាតិ​អន្តរជាតិ​ចេញ​ចូល​ឲ្យ​បាន​ប្រ​សើ​ជាង​មុន​ផ​ងដែរ​។​

ទ​ន្ទឹមនឹង​នេះ​ដែរ ​លោក​​ សឿ​ម ​ប៊ុន​រឹទ្ធ ​ក៏បាន​ផ្តាំ​ផ្ញើ​ដល់​បងប្អូន​អាជីវករ​ទាំងអស់​​ចាប់​ពី​ពេលនេះ​តទៅ​ត្រូវ​រួមគ្នា​បង្កើន​ការប្រុងប្រយ័ត្ន​ខ្ពស់​ឲ្យ​បាន​គ្រប់​ៗ​គ្នា ​ក្នុង​ការ​ធា​នាបាន​នូវ​សុខ​សុវត្ថិភាព​ជៀស​ផុត​ពី​ហា​នី​ភ័យ​នានា​ដែល​កើតឡើង​ជាយថាហេតុ​​ម្តង​ទៀត​។​

គួ​បញ្ជាក់​ផ​ងដែរ​ថា​​​ ​កាលពី​ថ្ងៃ​ទី​៣០ ​ខែ​សីហា ​ឆ្នាំ​២០២០​កន្លងទៅ ​ក្នុង​ផ្សារ​មួយនេះ​បាន​ឆ្លង​ចរន្ត​អគ្គិសនី​ឆាបឆេះ​រង​កា​រប៉ះពាល់​សំណង់​ល្វែង​ខាងលិច ​ខូចខាត​យ៉ា​ងដំណំ​ ក្នុង​នោះ​ក៏បាន​ប៉ះពាល់​តូប​ចំនួន​៤០​ សម្ភារ​:​និង​ទំនិញ​ជាច្រើន​ខូចខាត​សរុប​ថវិកា​ចំនួន​ជាង​៨០​ម៉ឺន​ដុ​ល្លា​ផង​ដែរ​។​

ផ្សារណាត់​បាត់ដំបង​ហៅ​ផ្សារ​ធំ​ថ្មី​នេះ ​បាន​ក​សាងឡើង​តាំងពី​ឆ្នាំ​១៩២១​ជា​សំណង់​បេ​តិ​ក​ភ​ណ្ឌ័​ប្រ​វត្តិសាស្ត្រ​មួយ​ ឋិត​នៅ​ក​ណ្តា​ល​ក្រុង​បាត់ដំបង​ ត្រូវបាន​អភិរក្ស​បន្ត​ជំនាន់​លក់ដូរ​រហូតដល់​បច្ចុប្បន្ន​នេះ​៕​​

អត្ថបទ ៖ សៅ សារិទ្ធ​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ5 hours ago

អភិបាល​រាជធានី សម្រេច​ប្រគល់​ថវិកា​ដល់​គោលដៅ​សុវត្ថិភាព​ចំនួន​៨១​នៅ​រាជធានី​ភ្នំពេញ ដើម្បី​ទប់ស្កាត់​កូ​វីដ​-១៩

ព័ត៌មានជាតិ5 hours ago

ខេត្តបាត់ដំបង​ទទួល​បាន​វ៉ាក់សាំង​កូ​វីដ​១៩​ជិត​១​ម៉ឺន​ដូ​ស​ សម្រាប់​ចាប់​ដល់​មន្ត្រី​ពេទ្យ​និង​មន្ត្រីនគរបាល

ព័ត៌មានជាតិ5 hours ago

គិត​ត្រឹម​ថ្ងៃទី​២៥​នេះ ​ខេត្ត​ព្រះសីហនុ​មាន​អ្នក​ឆ្លង​កូ​វីដ​៨​នាក់ ​និង ​យក​សំណាក​ទៅ​ធ្វើ​តេស្ត​ជាង​១៥០០​នាក់

ព័ត៌មានជាតិ7 hours ago

អតីត​យុទ្ធជន​គ្រប់​រាជធានី​ខេត្ត​បើក​នូវ​របប​សន្តិសុខ​សង្គម​ជា​លើក​ទី​២​តាម​ធានា​គារ​អេ​ស៊ី​លីដា និង​កា​ណា​ឌី​ពីថ្ងៃ​នេះ​ទៅ

ព័ត៌មានជាតិ7 hours ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services