កម្ពុជា ទទួលបានថវិកា​ជាង​៥០០លានដុល្លារ ដើម្បីស្ដារសេដ្ឋកិច្ច

រាជរដ្ឋាភិបាលកម្ពុជា បានទទួលថវិកាជាង៥០០លានដុល្លារ ពីបណ្ដាប្រទេសជាមិត្ត ដើម្បីប្រយុទ្ឋប្រឆាំងជំងឺកូវីដ-១៩ និងការស្ដារសេដ្ឋកិច្ចឡើងវិញ ខណៈប្រាក់ទាំងនេះ នៅពុំទាន់គិតពីប្រាក់សន្សំរបស់រាជរដ្ឋាភិបាលនៅឡើយទេ។

មានប្រសាសន៍ថ្លែងសារ ពាក់ព័ន្ធនឹងស្ថានភាពជំងឺកូវីដ-១៩ និងការទិញវ៉ាក់សាំង នាថ្ងៃទី១៥ ខែធ្នូ ឆ្នាំ២០២០ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានលើកឡើងថា កម្ពុជា បានទទួលថវិកាសរុបចំនួន៥៣៨លានដុល្លារ ពីបណ្ដាប្រទេសជាមិត្ត។

ថវិកាទាំងអស់ទទួលបានពីធនាគារអភិវឌ្ឍន៍អាស៊ី ADB ចំនួន២៥០លានដុល្លារ បានដកសាច់ប្រាក់យកមករក្សាទុកនៅធនាគារជាតិកម្ពុជារួចហើយ។ អង្គការ JICA របស់ប្រទេសជប៉ុន ចំនួន២៣៨លានដុល្លារ និងកំពុងរៀបចំដកសាច់ប្រាក់ មករក្សាទុកនៅធនាគារជាតិកម្ពុជា។ពីEDCF របងស់កូរ៉េខាងត្បូង ចំនួន៥០លានដុល្លារ បានដកសាច់ប្រាក់យកមករក្សាទុកនៅធនាគារជាតិកម្ពុជារួចហើយ។

ជាមួយគ្នានេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានលើកឡើងថា ថវិកាទាំងអស់នេះ នៅពុំទាន់គិតពីប្រាក់បម្រុង ឬប្រាក់សន្សំរបស់រាជរដ្ឋាភិបាលនោះទេ៕