ព័ត៌មានជាតិ

ធនាគារកាណាឌីយ៉ាបង្កើនជម្រើសផ្ទេរប្រាក់ទៅហ្វីលីពីនកាន់តែងាយស្រួលតាមរយៈសេវា EMQ

បានផុស

៣ years មុន

នៅ

ថ្ងៃពុធ ១៦ ធ្នូ ២០២០

ដោយ

ធនាគារកាណាឌីយ៉ាថ្មីៗនេះបានដាក់ឲ្យប្រើប្រាស់នូវសេវាផ្ទេរប្រាក់ទៅក្រៅប្រទេសថ្មីមួយគឺសេវា EMQ ដែលនឹងផ្ដល់ឲ្យអតិថិជននូវបទពិសោធន៍ផ្ទេរប្រាក់កាន់តែងាយស្រួល និងចំណេញជាងមុន។

EMQ គឺជាបណ្តាញទូទាត់ហិរញ្ញវត្ថុឈានមុខគេនៅអាស៊ីដែលអាចផ្ដល់សេវាដល់អ្នកប្រើប្រាស់ឆ្លងប្រទេសយ៉ាងរលូនដោយផ្តល់នូវដំណោះស្រាយហិរញ្ញវត្ថុលឿនជាងមុន មានតម្លៃថោកជាងមុន និងមានតម្លាភាពជាងមុនសម្រាប់អតិថិជនទាំងបុគ្គលនិងលក្ខណៈអាជីវកម្ម នៅទូទាំងពិភពលោក។ ប្រតិបត្តិការ EMQ បច្ចុប្បន្នបានត្រូវបានប្រើប្រាស់កាន់តែទូលំទូលាយនៅអឺរ៉ុប ចិន ហុងកុង សិង្ហបុរី ឥណ្ឌា ឥណ្ឌូនេស៊ី ជប៉ុន វៀតណាម កម្ពុជា ថៃ តៃវ៉ាន់ និងហ្វីលីពីនជាមួយគម្រោងពង្រីកដំណើរការនៅទីផ្សារសំខាន់ៗមួយចំនួនទៀតដូចជានៅនៅមជ្ឈឹមបូព៌ាអាហ្វ្រិក និងអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា សម្រាប់ជំហានដំបូងនៃការដាក់ឲ្យប្រើសេវា EMQ នេះ អតិថិជនអាចធ្វើការផ្ទេរប្រាក់ទៅកាន់ប្រទេសហ្វីលីពីន ក្នុងតម្លៃទាបបំផុតគឺត្រឹមតែ ១០ ដុល្លារប៉ុណ្ណោះសម្រាប់ប្រតិបត្តិការមួយលើក ដោយអតិថិជនអាចមកធ្វើប្រតិបត្តិការនៅទីស្នាក់ការកណ្ដាលរបស់ធនាគារកាណាឌីយ៉ាតែមួយសិនប៉ុណ្ណោះ។ ក្នុងពេលឆាប់ៗនេះ ធនាគារកាណាឌីយ៉ានឹងពង្រីកការផ្ដល់សេវានេះសម្រាប់ការផ្ទេរប្រាក់ទៅកាន់ប្រទេសជាច្រើនទៀតនៅលើពិភពលោក។

ក្រៅពីសេវា EMQ បច្ចុប្បន្នធនាគារកាណាឌីយ៉ា មានផ្ដល់ជូនសេវាផ្ទេរប្រាក់ទៅក្រៅប្រទេសតាមរយៈមធ្យោបាយជាច្រើនទៀតដូចជាសេវា Money Gram, SWIFT, និងសេវាធនាគារតាមទូរស័ព្ទ (Canadia Mobile Banking) ជាដើម ៕

អត្ថបទ ផ្សាយពាណិជ្ជកម្ម

Related Topics:ធនាគារកាណាឌីយ៉ា