ព័ត៌មានជាតិ
កសិដ្ឋានចម្ការស្វាយ៥ មានសក្ដានុពល តាមលក្ខខ័ណ្ឌភូតគាមអនាម័យ សម្រាប់នាំចេញទៅចិន
អគ្គនាយកដ្ឋានកសិកម្មក្នុងដំណាក់កាលទី១ បានបញ្ចប់ដំណើរការពិនិត្យ និងវាយតម្លៃលើលក្ខណៈសម្បត្តិរបស់កសិដ្ឋានម្ចាស់ចម្ការស្វាយកែវរមៀត ដែលមានសក្ដានុពលខ្ពស់ និងស្របតាមលក្ខខ័ណ្ឌតម្រូវភូតគាមអនាម័យចំនួន០៥ និងទីតាំងវេចខ្ចប់ចំនួន០១។
មន្ត្រីអគ្គនាយកដ្ឋានកសិកម្មបានឲ្យដឹងថា ការវាយតម្លៃនេះធ្វើឡើងយោងលើខ្លឹមសារពិធីសារស្តីអំពី “លក្ខខណ្ឌតម្រូវភូតគាមអនាម័យ សម្រាប់ការនាំចេញផ្លែស្វាយកែវរមៀតស្រស់ពីកម្ពុជា ទៅកាន់សាធារណរដ្ឋប្រជាមានិតចិន” ដែលក្រសួងកសិកម្មរុក្ខាប្រមាញ់ និងនេសាទ បានចុះហត្ថលេខាកាលពីថ្ងៃទី៩ ខែមិថុនាកន្លងមក អគ្គនាយកដ្ឋានកសិកម្មបាននិងកំពុងអនុវត្តខ្លឹមសារនៃពិធីសារនេះ ក្នុងស្មារតីយកចិត្តទុកដាក់ឲ្យបានសមស្របតាមលក្ខខណ្ឌតម្រូវភូតគាមអនាម័យ ដែលភាគីចិនបានតម្រូវ។ ក្នុងចំណោមពាក្យស្នើសុំចុះបញ្ជីចម្ការស្វាយ និងទីតាំងវេចខ្ចប់បានចំនួន ៤៨ដែលអគ្គនាយកដ្ឋានកសិកម្មបានទទួលគិតត្រឹមថ្ងៃទី១៤ ខែធ្នូ ឆ្នាំ២០២០នេះ មានក្រុមហ៊ុន ម្ចាស់ចម្ការ និងសហគមន៍កសិកម្ម ដែលមានផ្ទៃដីដាំដុះដំណាំស្វាយសរុបចំនួន ២៨ ៣៤៥,៧០ហ.ត ដើម្បីធ្វើការវាយតម្លៃលើលក្ខណៈសម្បត្តិគ្រប់បែបយ៉ាង។
មន្ត្រីដដែលនោះបានបញ្ជាក់បន្ថែមថា ភារកិច្ចចំពោះមុខ អគ្គនាយកដ្ឋានកសិកម្មនឹងបន្តរៀបចំសិក្ខាសាលាផ្សព្វផ្សាយ និងបណ្តុះបណ្តាលបច្ចេកទេសដល់បណ្ដាក្រុមហ៊ុន ម្ចាស់ចម្ការ កសិដ្ឋាន សហគមន៍កសិកម្ម និងអ្នកពាក់ព័ន្ធ ដែលបានដាក់ពាក្យស្នើសុំចុះបញ្ជីចម្ការស្វាយ ហើយក៏នឹងអញ្ជើញតំណាងក្រុមហ៊ុននាំចេញស្វាយ សហគមន៍កសិកម្ម ម្ចាស់ចម្ការ និងមន្ត្រីជំនាញមកពីមន្ទីរកសិកម្មខេត្តកណ្តាល កំពង់ស្ពឺ តាកែវ កំពត កំពង់ធំ បាត់ដំបង និងស្ទឹង ត្រែងឲ្យចូលរួម ផងដែរ។ មួយវិញទៀត អគ្គនាយកដ្ឋានបាននិងកំពុងចុះវាយតម្លៃលើហេដ្ឋារចនាសម្ព័ន្ធការធ្វើប្រព្រឹត្តិកម្មសម្លាប់សមាសភាពចង្រៃដោយប្រើទឹកក្តៅ (Hot Water Treatment, HWT) និងចំហាយទឹកក្តៅ (Vapor Heat Treatment, VHT)ជាដើម៕
អត្ថបទ៖ វត្តី
សូមចុចអាន៖ ផ្ដល់ប្រាក់ដល់ស្ត្រីមានផ្ទៃពោះ និងកុមារ តាមរយៈប្រព័ន្ធវីង ចាប់ផ្ដើមពីដើមខែមករាទៅ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ