ព័ត៌មានជាតិ
ន័យជ្រៅ! ៦ សំណួរ-ចម្លើយពីគ្រូបង្វឹកជំនិតរបស់ ចាន់ រតនា មុនជួប Xie Wei
ក្នុងចំណោមគ្រូបង្វឹកជាច្រើនរបស់ ចាន់ រតនា ដូចជាប្រដាល់សកល-គុនខ្មែរ ,ចលនាសាច់ដុំ និង ជឺជិតស៊ូ មានតែគ្រូបង្វឹកសញ្ជាតិអ៊ីតាលី Lorenzo ទេដែលធ្វើការងារស្និទ្ធស្នាលបំផុតជាមួយអ្នកលេងគុនចម្រុះលេខ១របស់កម្ពុជា។ ទោះកូវីដ-១៩ វាយលុកយ៉ាងណា ក៏លោក Lorenzo បង្វឹកផ្នែកកម្លាំងខ្លាំងក្លាដល់ រតនា ក្នុងរយៈពេលជាងមួយឆ្នាំតាំងពីប្រកួតចុងក្រោយរបស់ រតនា។
រតនា ត្រូវ ត្រូវប្រឈមនឹងជើងខ្លាំងមកពីចិន Xie Wei ក្នុងទម្ងន់ Flyweight នៅព្រឹត្តិការណ៍ ONE: COLLISION COURSE នាថ្ងៃទី១៨ ខែ ធ្នូ ខាងមុខនៅកីឡដ្ឋាន Singapore Indoor Stadium ប្រទេសសិង្ហបុរី ដែលផ្សាយផ្ទាល់លើផេកហ្វេសប៊ុកនិង YouTube ផ្លូវការ ONE Championship ចាប់ពីម៉ោង ៧:៣០ តទៅ។
បច្ចុប្បន្នគ្រូបង្វឹកដដែលនេះកំពុងដឹកនាំហ្វឹកហាត់នៅសិង្ហបុរី ក្រោយទៅដល់តាំងពីរថ្ងៃសុក្រសប្ដាហ៍មុន និង កំពុងត្រៀមខ្លួនយ៉ាងល្អមុនជួប Xei Wei នាថ្ងៃសុក្រទី ១៨ ធ្នូ ស្អែកនេះ។ សូមតាមដាន ៦ សំណួរចម្លើយដ៏មានខ្លឹមសារពីគ្រូបង្វឹកជំនិតរបស់ រតនា ដូចខាងក្រោម។
ONE៖ ជម្រាបសួរលោកគ្រូ! តើលោកគ្រូមើលឃើញចំណុចខ្លាំងនិងខ្សោយរបស់ Xie Wei មានអ្វីខ្លះ?
Lorenzo ៖ខ្ញុំមើលឃើញចំណុចខ្លាំងរបស់ Wei មានកម្លាំងស៊ុហ្វនិងថាមពលប្រកួតក៏ខ្លាំងដែរអមដោយកណ្ដាប់ដៃល្អ។ ចំណែក ចំណុចខ្សោយគេ ដូចជាការការពាររបស់កីឡាករចិននៅមានកម្រិត។ ការឃុំការពាររបស់គេនៅខាងលើពេក ប៉ុន្តែ វាជាឱកាសល្អដើម្បីងាយស្រួលឲ្យយើងវាយប្រហារទៅវិញ។
ONE៖ អ្នកទាំងពីរសុទ្ធតែពូកែប្រើកណ្ដាប់ដៃ តើការប្រកួតនេះនឹងទៅជាបែបណា?
Lorenzo ៖ ខ្ញុំគិតថាវាជាការប្រកួតដ៏តានតឹងមួយពីសំណាក់កីឡាករទាំងពីររូប។ ហើយការប្រកួតនេះនឹងប្រើស្នៀតប្រយុទ្ធដោយជំហរជាច្រើន និងធ្ងន់ៗទៀតផង។
ONE៖ ចុះបើសិនប្ដូរមកការប្រកួតក្នុងជំហរដេកវិញ តើលោកមានអ្វីព្រួយបារម្ភលើ រតនា ទេ?
Lorenzo ៖ ខ្ញុំបារម្ភខ្លាំងទាល់តែសោះក្នុងការប្រកួតក្នុងជំហរដេក (Ground Game)។ ព្រោះខ្ញុំគិតថា Xie Wei មិនផ្ដល់ភាពគ្រោះថ្នាក់ខ្លាំងក្នុងការប្រើស្នៀតនេះឡើយ។ គេជាកីឡាករចូលចិត្តប្រើស្នៀតប្រយុទ្ធស្រដៀងនឹង ចាន់ រតនា ដែរ។
ONE៖ តើក្រុមការងារគ្រូបង្វឹកមកពីក្លិប LLFitness រៀបចំសម្រាប់ រតនា បានល្អកម្រិតណាមុនឡើងប្រកួតថ្ងៃសុក្រនេះ?
Lorenzo ៖ ក្រុមការងារគ្រូបង្វឹកមកពី LLFitness បានមើលថែរតនា យ៉ាងដិតដល់ក្នុងអំឡុងបោះជំរំហ្វឹកហាត់កន្លងមកនេះ។ ខ្លួនខ្ញុំផ្ទាល់បំប៉នការហ្វឹកហាត់កម្លាំងដល់ រតនា ជាប្រចាំ។ ចំណែកក្រុមការងារផ្សេងផ្ដល់ការញាំរបបអាហារឲ្យបានត្រឹមត្រូវ។ រីឯគ្រូបង្វឹក Jeppe ជាអ្នកជំនាញព្យាបាលចលនាសាច់ដុំឲ្យរឹងមាំជាដើមនិងស្ដារកម្លាំងមកវិញជាដើម។
ONE៖ រតនា ខកខានប្រកួតនៅសង្វៀន ONE ប្រមាណជាមួយឆ្នាំកន្លះមកហើយ តើលោកគិតថា រតនា នៅតែរក្សាកម្លាំងនិងស្នៀតបានល្អដដែល ឬ យ៉ាងណា?
Lorenzo ៖ ការពិត! ទោះ រតនា អាក់ខានឡើងសង្វៀនយូរដូច្នេះក្ដី ប៉ុន្តែ កាយសម្បទារបស់គេ គឺល្អឥតខ្ចោះ ហើយឆន្ទៈក៏ខ្លាំងក្លាថែមទៀត។ ពេលនេះ ម៉ោងនេះ រតនា ត្រៀមរួចរាល់ហើយដើម្បីបង្ហាញឲ្យអ្នកគាំទ្របានឃើញ។
ONE ៖ តើលោកគ្រូមានសារអ្វីមុនបញ្ចប់បទសម្ភាសន៍នេះទៅកាន់អ្នកគាំទ្រនៅកម្ពុជា?
Lorenzo៖ ចុងក្រោយ! ខ្ញុំសូមអរគុណដល់បងប្អូនដែលគាំទ្រ រតនា កន្លងមកនិងបន្តគាំទ្របន្ថែមទៀត។ ខ្ញុំបានធ្វើការងារជាមួយ រតនា រយៈពេល ៦ ឆ្នាំហើយបើគិតដល់ពេលនេះ។ ទូតសុច្ឆន្ទៈនៃក្រុមហ៊ុនសែលកាត រូបនេះបានអភិវឌ្ឍខ្លួនយ៉ាងល្អដើម្បីប្រកួតជាមួយគូប្រជែងកំពូលៗជាច្រើន។ គេនឹងបង្ហាញឲ្យអ្នករាល់គ្នានូវក្ដីស្រលាញ់សម្រាប់ប្រទេសរបស់ខ្លួន និងអ្នកគាំទ្ររបស់ខ្លួន។ រតនា មានមោទកភាពក្នុងការបង្ហាញឲ្យពិភពលោកដឹងអំពីកម្ពុជានិងប្រឹងប្រែងធ្វើការងារកាន់តែខ្លាំងឡើងដើម្បីឈានដល់ចំណុចកំពូលក្នុងដំណើរឆ្ពោះទៅក្លាយជាម្ចាស់ខ្សែក្រវាត់ ONE Flyweight នាថ្ងៃមុខ៕
លោក តាន់ ហ្សង់ហ្វ្រង់ស័រ៖ ដោះស្រាយបញ្ហាព្រំដែន ត្រូវការតែអ្នកជំនាញមុតស្រួច មិនត្រូវការអ្នកជាតិនិយម អ្នកនយោបាយឡើយ
អាមេរិក ដាក់ទណ្ឌកម្មក្រុមហ៊ុនជួរមុខ ចិន ដែលមានចិត្តចង់កម្ទេចហេដ្ឋារចនាសម្ព័ន្ធសំខាន់ៗ
អភិបាលខេត្តកំពង់ចាម ចុះពិនិត្យវឌ្ឍនភាពការសាងសង់ផ្លូវ និងដោះស្រាយបញ្ហាប្រឈមមួយចំនួនជូនពលរដ្ឋ
តៃវ៉ាន់ ធ្វើសមយុទ្ធយោធាបាញ់មីស៊ីលពីដីទៅអាកាស
កម្មករ-និយោជិត នៃរោងចក្រ ញូ ស្កាយ ព្រីនធីង អរគុណ រាជរដ្ឋាភិបាល ដែលបើកប្រាក់ឈ្នួលដល់ខ្លួន
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៣ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២៣ ម៉ោង agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៧ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២១ ម៉ោង agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
សន្តិសុខសង្គម២ ថ្ងៃ agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សេដ្ឋកិច្ច២ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ