Connect with us

ព័ត៌មានជាតិ

រដ្ឋបាលស្រុកបន្ទាយស្រី​ និងប្រជាពលរដ្ឋ ​ចូល​រួម​អនុវត្តអនាម័យ​បរិស្ថាន បាន​យ៉ាងល្អប្រសើរ​​​​ ដើម្បី​ទាក់ទាញ​ភ្ញៀវទេសចរ​​​ណ៍

បានផុស

នៅ

ក្រសួងបរិស្ថានសូមវាយតម្លៃខ្ពស់ និងកោតសរសើរចំពោះរដ្ឋបាលស្រុកបន្ទាយស្រី រួមទាំងប្រជាពលរដ្ឋ នៃស្រុកបន្ទាយស្រីទាំងអស់ ដែលបានគិតគូរ និងចូលរួមអនុវត្តអនាម័យបរិស្ថានបានយ៉ាងល្អប្រសើរ ធ្វើឱ្យភូមិដ្ឋាន និង​សហគមន៍ មានសោភ័ណភាពស្អាត មានផាសុកភាពសម្រាប់ការរស់នៅ និងជាទីទាក់ទាញភ្ញៀវទេសចរណ៏ នេះបើតាមការបញ្ជាក់របស់​លោក នេត្រ ភក្ត្រា រដ្ឋលេខាធិការក្រសួងបរិស្ថាន នៅអំឡុងពេលដឹកនាំអ្នកសារព័ត៌មាន​ ​​ទស្សនកិច្ច នៅស្រុកបន្ទាយស្រី។

ដោយមានការចូលរួមពីលោក ឃឹម ហ្វីណង់ អភិបាលនៃគណៈអភិបាលស្រុកបន្ទាយស្រី និងមន្ត្រីពាក់ព័ន្ធនានាផងនោះ លោករដ្ឋលេខាធិការក្រសួងបរិស្ថាន ក៏បាន​អរគុណបងប្អូនប្រជាពលរដ្ឋ ដែលបានយល់ដឹង និងចូលរួមអនុវត្តវិធានការអនាម័យបរិស្ថានធ្វើឱ្យភូមិឃុំមានបរិស្ថានល្អ និងលើកទឹកចិត្តដល់ពួកគាត់បន្តអនុវត្តជារៀងរហូត និងផ្សព្វផ្សាយ​បន្តដល់កូនចៅរបស់ពួកគាត់បន្ថែមទៀត។ លោកថ្លែងថា ​កន្លងមកក្រសួងបរិស្ថានបានផ្តល់ការគាំទ្រទាំងបច្ចេក​ទេស សម្ភារៈ និងថវិកាដល់រដ្ឋបាលស្រុក ដើម្បីអនុវត្តវិធានការអនាម័យបរិស្ថានក្នុងនោះមានទាំងការផ្តល់ឡដុតសំរាម និងរថយន្តដឹកសំរាមផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាម​លោក នេត្រ ភក្ត្រា ​​​រដ្ឋបាលស្រុកបន្ទាយស្រី និងបងប្អូន ប្រជាពលរដ្ឋបានអនុវត្តបានយ៉ាងល្អក្នុងការគ្រប់គ្រងសំណល់សំរាម ដែលបានបង្កើតឡើង និងបានថែទាំ តុបតែងផ្ទះសម្បែង​របស់ខ្លួនបានយ៉ាងស្អាតដោយការដាំដើមឈើ និងផ្កាលម្អនានាដ៏ស្រស់បំព្រង។ ​លោក​សង្កត់ធ្ងន់ថា ស្រុកបន្ទាយស្រីបានផ្តល់នូវគំរូល្អមួយសម្រាប់ការអនុវត្តការគ្រប់គ្រងសំណល់រឹងទីប្រជុំជននៅកម្ពុជា ហើយ​ក្រសួងបរិស្ថាន បាន​លើកទឹកចិត្តឱ្យមានការបង្កើតគំនិតច្នៃប្រឌិតថ្មីៗបន្ថែមទៀត ដើម្បីធ្វើឱ្យស្រុកបន្ទាយស្រីកាន់តែមានសោភ័ណភាពស្អាតបន្ថែមទៀត ដើម្បីកាន់តែទាក់ទាញភ្ញៀវទេសចរមកទស្សនាប្រាសាទបន្ទាយស្រី ដ៏ល្បីល្បាញរបស់កម្ពុជា។

សូមបញ្ជាក់ថា ក្រសួងបរិស្ថាន​បានផ្ទេរភារកិច្ច នៃការគ្រប់គ្រងសំណល់មករដ្ឋ​បាល​ថ្នាក់ក្រោម​ជាតិ ដើម្បីគ្រប់គ្រង ហើយក្នុងនោះការគ្រប់គ្រងកាកសំណល់រឹងសំរាម គឺជាកិច្ចការមួយដ៏មានសារៈសំខាន់បំផុត។

ទាក់ទងនឹងបញ្ហានេះ លោក នេត្រ ភក្ត្រា បានថ្លែង​ថា ក្រសួងបរិស្ថានបាន​បន្តផ្តល់បច្ចេក​ទេសដល់រដ្ឋបាលថ្នាក់ក្រោមជាតិ ដើម្បីជួយពង្រឹងស្ថាប័ន និង​បង្កើនសមត្ថភាពមន្ត្រី និងពង្រឹង​ការចូលរួមរបស់សហគមន៍ក្នុងការសម្អាត អនាម័យបរិស្ថាន។ លោកបន្តថា កាលពីថ្ងៃទី១០ ខែធ្នូ ឆ្នាំ២០២០ ក្រ​សួងមហាផ្ទៃ និងក្រសួងបរិស្ថានបានចេញប្រកាសអន្តរក្រសួង ស្តីពីការបង្កើតក្រុមការងារដើម្បី​ពិនិត្យ និងដាក់បញ្ចូលវិធានការអនាម័យ និងបរិស្ថាននៅក្នុងលក្ខណៈសម្បត្តិ នៃគោលនយោបាយភូមិឃុំ មានសុវត្ថិភាព និងជឿជាក់ថា តាមរយៈវិធានការ​ដែលនឹងបញ្ចូលក្នុងគោល​នយោបាយ​នេះ នឹង​ធ្វើឱ្យភូមិ ឃុំ របស់ប្រជាពលរដ្ឋមិន​​ត្រឹមតែមានសុខសុវត្ថិភាព តែនឹង​បង្កើនគុណភាពជីវិតដោយមានបរិស្ថានរស់នៅ​ស្អាត មានខ្យល់ដកដង្ហើមបរិសុទ្ធ និងរស់នៅប្រកបដោយផាសុកភាព៕

កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម