ព័ត៌មានជាតិ
លោកស្រី ប្រាក់ ម៉ានីឡា ត្រូវជ្រើសតាំងជាស្ត្រីឆ្នើម ក្នុងចំណោមស្ត្រីជាអ្នកដឹកនាំគិលានុបដ្ឋាក និងឆ្មប ១០០នាក់លើពិភពលោក
លោកស្រី ប្រាក់ ម៉ានីឡា ប្រធានសមាគមគិលានុបដ្ឋាកកម្ពុជា ត្រូវបានជ្រើសតាំងជា ស្ត្រីឆ្នើមម្នាក់ក្នុងចំណោមស្ត្រីឆ្នើមជាអ្នកដឹកនាំគិលានុបដ្ឋាក និងឆ្មប ១០០នាក់ (100 OUTSTANDING WOMEN NURSE AND MIDWIFE LEADERS) នៅលើពិភពលោកក្នុងឆ្នាំ២០២០ដែលជាឆ្នាំអន្តរជាតិនៃគិលានុបដ្ឋាក និងឆ្មប។
ការជ្រើសតាំងនេះ ត្រូវបានធ្វើឡើងដោយ WOMEN IN GLOBAL HEALTH។ លោកស្រី ប្រាក់ ម៉ានីឡា កំពុងទទួលបានអាហារូបករណ៍ពីក្រុមប្រឹក្សាគិលានុបដ្ឋាកអន្តរជាតិ (INTERNATIONAL COUNCIL OF NURSES) នៅទីក្រុងហ្សឺណែវប្រទេសស្វីស ហើយកំពុងតែចូលរួមជាមួយវិទ្យាស្ថានភាពជាអ្នកដឹកនាំគិលានុបដ្ឋាកសកល (GLOBAL NURSING LEADERSHIP INSTITUTE) ក្នុងវគ្គបណ្តុះបណ្តាលថ្នាក់ដឹកនាំគិលានុដ្ឋាកមួយដែលមានអ្នកចូលរួមមកពីប្រទេសជាច្រើនលើសកលលោក។
បច្ចុប្បន្ននេះ លោកស្រីកំពុងបម្រើការជាទីប្រឹក្សាជំនាញនៃការទទួលស្គាល់គុណភាពសេវាសុខាភិបាលរបស់ទីភ្នាក់ងារគម្រោងលើកកម្ពស់គុណភាពសេវាថែទាំសុខភាព (EQHA) របស់ទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID) តាមរយៈអង្គការ FHI360។
លោកស្រីបានចូលរួម ជាមួយក្រសួងសុខាភិបាលអភិវឌ្ឍស្តង់ដារនៃការអនុវត្តសម្រាប់គិលានុបដ្ឋាក (២០១៥) ក្រមសីលធម៌សម្រាប់គិលានុបដ្ឋាក (២០១៣) គោលការណែនាំស្តីពីរបៀបថែទាំ (២០១២) និងពិធីសារថែទាំរបស់គិលានុបដ្ឋាក និងឆ្មប (២០១២) ក្នុងប្រទេសកម្ពុជា។
ពីឆ្នាំ១៩៩៩ដល់ឆ្នាំ ២០២០ លោកស្រីម៉ានីឡា បានបម្រើការនៅមន្ទីរពេទ្យកុមារអង្គរក្នុងគម្រោងសំខាន់ៗ និងទទួលខុសត្រូវក្នុងកម្មវិធីសង្គ្រោះទារកដែលជាគម្រោងសុខភាពសហគមន៍មួយអនុវត្តនៅខេត្តព្រះវិហារ៕
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ