ព័ត៌មានជាតិ
កម្លាំងមេបញ្ជាការ៣ត្រៀម ដឹកជញ្ជូនពលករ ដែលមកពីថៃធ្វើចត្តាឡីស័ក នៅតាមបន្ទាត់ព្រំដែន
លោកនាយឧត្ដមសេនីយ៍ ខេងសាម៉េត អគ្គស្នងការរង និងជាមេបញ្ជាការទិសយោធភូមិភាគទី៤-៥ អមដំណើរដោយកម្លាំងមេបញ្ជាការទាំង៣ ក្នុងនោះមាន កម្លាំងអង្គភាពអាវុធហត្ថ កម្លាំងស្នងការនគរបាលខេត្តកម្លាំងយោធា ជាច្រើននាក់ចុះពិនិត្យតាមបន្ទាត់ព្រំដែនកន្លែងតំបន់ច្រកបឹងត្រកួន ដើម្បីត្រៀមដឹកជញ្ជូនពលករ ដែលមកពីប្រទេសថៃ ដើម្បីធ្វើចត្តាឡីស័ក។
លុះនៅវេលាម៉ោងប្រហែល២រសៀលនៅថ្ងៃទី២១ ខែធ្នូ ឆ្នាំ២០២០នេះ មានពលករចំណាកស្រុកមកពីប្រទេសថៃតាមច្រក បឹងត្រកួនចំនួន១៨០នាក់មានប្រុស មានស្រី ដើម្បីធ្វើចត្តាឡីស័កឲ្យបានត្រឹមត្រូវតាមការណែនាំរបស់ក្រសួងសុខាភិបាល។ បន្ទាប់ពីមានការបិទខេត្តសមុទ្រសាខន របស់ប្រទេសថៃ ដោយសារការរីករាលដាលផ្ទុះនៃមេរោគកូវីដ-១៩ ដែលមានអ្នកឆ្លងប្រមាណជាង ៥.០០ករណី ដែលជាហេតុធ្វើឲ្យរាជរដ្ឋាភិបាលថៃបិទខេត្ត ដែលជាតំបន់ឧស្សាហកម្មដ៏ធំមួយនេះ ជាបណ្ដោះអាសន្នសិនទម្រាំ មានការស្រាវជ្រាវ ជាបន្តបន្ទាប់ ពីការជាប់ទាក់ទង ជាមួយអ្នកជំងឺណាខ្លះ ដែលបានប៉ះពាល់ដោយផ្ទាល់ជាមួយអ្នកមានផ្ទុកមេរោគកូវីដ-១៩នេះ។
លោកនាយឧត្ដមសេនីយ៍ ខេងសាម៉េត បានប្រាប់អ្នកយកព័ត៌មានឲ្យដឹងថា ក្រោយពីផ្ទុះនៃមេរោគកូវីដ-១៩ ដែលមានអ្នកឆ្លងប្រមាណជាង ៥០០ករណី នៅខេត្តសមុទ្រសាខនរួចមក ជាហេតុធ្វើឲ្យរាជរដ្ឋាភិបាលថៃបិទខេត្តនេះបណ្ដោះអាសន្នសិន។ ប្រមុខរាជរដ្ឋាភិបាលកម្ពុជា មានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី បានចេញសារបន្ទាន់មួយផងដែរ ស្តីអំពីកុំឲ្យសាច់ញាតិនៅកម្ពុជា មានការព្រួយបារម្ភដល់កូន ដែលថៃជម្លៀសមកកម្ពុជាវិញ ត្រូវជឿជាក់លើវិធានការណ៍ ដឹកនាំរបស់ក្រសួងសុខាភិបាលប្រទេសថៃ និង ពាក្យស្លោកមួយថា ស្រលាញ់គ្នាក្នុងគ្រាក្រ ស្គាល់មិត្តល្អ ក្នុងគ្រាលំបាក។ ក្នុងនោះសម្តេច បានបញ្ចេញឡានទ័ព ទៅតាមបន្ទាត់ព្រំដែនចំនួន៣០គ្រឿង មកខេត្តបន្ទាយមានជ័យ ដើម្បីទប់ទល់សភាពការណ៍អាក្រក់ណាមួយ ដែលយើងមើលមិនឃើញថា ពលករអាចបុកសម្រុកចេញមកផ្ទះវិញ តាមបន្ទាត់ព្រំដែនថៃ-ខ្មែរ។
លោកនាយឧត្ដមសេនីយ៍ ខេង សាម៉េត បានបញ្ជាក់ឲ្យដឹងបន្តទៀតថា សម្តេចបានដាក់ចេញនូវវិធានការ ស្តីពីស្ថានភាព និងការផ្ទុះឡើងនូវការឆ្លងជំងឺកូវីដ-១៩ នៅក្នុងប្រទេសថៃ រួមទាំងបានណែនាំដល់ប្រជាពលរដ្ឋ និងមន្ត្រីរាជការ ដើម្បីទប់ស្កាត់បង្ការជំងឺកូវីដ-១៩ ហើយនៅក្នុងវិធានការនោះ សម្តេចបានឲ្យកងទ័ពចេញរថយន្តទៅដឹកជញ្ជូនបងប្អូនប្រជាពលរដ្ឋ ដោយត្រៀមទទួលបទបញ្ជាពីអគ្គបញ្ជាការកងយោធពលខេមរភូមិន្ទនិងមេបញ្ជាការកងទ័ពជើងគោកទៅកាន់ច្រកសំខាន់ៗ ដែលពលករចេញតាមច្រកនោះ ពិសេសច្រកប៉ោយប៉ែត ដោយមិនអនុញ្ញាតឲ្យបងប្អូនប្រជាពលរដ្ឋចូលមកកម្ពុជា ធ្វើដំណើរដោយរថយន្តតាក់ស៊ី និងធ្វើដំណើរបែកខ្ញែក ដែលខ្វះការគ្រប់គ្រង នាំទៅដល់ហានិភ័យ ឆ្លងចូលសហគមន៍នោះឡើយ។
សម្ដេចតេជោ ហ៊ុន សែន បញ្ជាក់ទៀតថា កងទ័ពនិងទទួលខុសត្រូវលើការដឹកជញ្ជូនប្រជាពលរដ្ឋ ដោយសហការជាមួយអាជ្ញាធរនៅតាមព្រំដែន ក៏ដូចជាកម្លាំងនគរបាល កម្លាំងកងរាជអាវុធហត្ថ ដែលធ្វើការនៅតាមព្រំដែនហើយ ដើម្បីទប់ទល់សភាពការណ៍នេះ ច្រកទាំងអស់ នឹងត្រូវបំព្រួញឲ្យនៅតិច ដើម្បីងាយស្រួលក្នុងការគ្រប់គ្រង និងដឹកជញ្ជូន។ ជាមួយនឹងវិធានការខាងលើនេះ សម្ដេចតេជោ ហ៊ុន សែន បានដាក់បញ្ជាឲ្យខេត្តបន្ទាយមានជ័យ រៀបចំទីតាំងធ្វើចត្តាឡីស័ក ឲ្យបានត្រឹមត្រូវ និងជាបន្ទាន់ដើម្បីត្រៀមទទួលបងប្អូនប្រជាពលរដ្ឋ។ សម្តេចបន្តថា បទពិសោធន៍កាលពីខែមេសាកន្លងទៅ អាចឲ្យយើងយកមកប្រើនៅពេលនេះ ពីព្រោះប្រជាពលរដ្ឋជាង១២ម៉ឺននាក់ កាលពីពេលនោះមិនមានអ្នកឆ្លងជំងឺនោះទេ៕
អត្ថបទ៖ វ៉ាន់ ណាង
ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស
គុណភាពល្អឥតខ្ចោះ! ខុនដូប្រណិតរំដួលស៊ីធីលំដាប់ខ្ពស់ដំបូងនៅភ្នំពេញត្រូវបានប្រគល់ជូនជាផ្លូវការ
សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤
សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន
Breaking News! ប្រធានាធិបតី វៀតណាម ប្រកាសលាលែងពីតំណែង
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៦ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង