សន្តិសុខសង្គម
រន្ទះបាញ់ស្លាប់ ស្ត្រីពោះធំ ៨ ខែ ចេញពីផ្ទះទៅរាវខ្យង
ស្ត្រីវ័យកណ្តាលពោះធំ ៨ ខែម្នាក់ ចេញពីផ្ទះទៅរាវខ្យងយកមកលក់ចិញ្ចឹមក្រុមគ្រួសារ តែអកុសលត្រូវរន្ទះបាញ់ស្លាប់ ពេលបញ្ជូនយកទៅសង្គ្រោះនៅមន្ទីរពេទ្យ។ រឿងរាវនេះកើតឡើងនៅវេលាម៉ោង ៥ល្ងាច ថ្ងៃទី២៦ ខែមិថុនា ឆ្នាំ២០២២ នៅចំណុចផ្ទះជនរងគ្រោះ ពេលអង្គុយលាងខ្យង នៅក្នុង ភូមិសន្តិភាព ឃុំទួលពង្រ ស្រុកម៉ាឡៃ ខេត្តបន្ទាយមានជ័យ។
មន្ត្រីមូលដ្ឋានម្នាក់បានប្រាប់អ្នកយកព័ត៍មានឲ្យដឹងថា ស្ត្រីរងគ្រោះមានឈ្មោះ បាន លី ភេទស្រី អាយុ ៤៤ ឆ្នាំ មានទម្ងន់ ៨ ខែរស់នៅ ភូមិសន្តិភាព ឃុំទួលពង្រ ស្រុកម៉ាឡៃ ខេត្តបន្ទាយមានជ័យ។ ក្រុមគ្រួសារនេះមានសមាជិកសរុបដល់ទៅ៨នាក់ ហើយគ្រួសារ១នោះក្រីក្រណាស់។
មន្ត្រីមូលដ្ឋានបានប្រាប់អ្នកយកព័ត៍មានឲ្យដឹងបន្តទៀតថា មុនពេលកើតហេតុនោះស្ត្រីរងគ្រោះ បានចេញពីផ្ទះទៅរាវខ្យងយកមកលក់។ ក្រោយពីរាវបានហើយយកខ្យងមកលាងទឹកនៅក្បែរផ្ទះ ស្របពេលនោះស្រាប់តែមានភ្លៀងធ្លាក់១មេយ៉ាងធំលាយឡំខ្យល់កន្ត្រាក់ ស្រាប់តែរន្ទះបាញ់ចំស្រ្តីរងគ្រោះបណ្តាលឲ្យរបួងធ្ងន់។ ពេលនោះក្រុមគ្រួសារបានបញ្ជូនទៅមន្ទីរមណ្ឌលសុខភាពស្រុកម៉ាឡៃ ដើម្បីសង្គ្រោះបន្ទាន់ដោយសារជនរងគ្រោះរបួសធ្ងន់ពេក គ្រូពេទ្យមិនអាចសង្ក្រោះបានក៏ស្លាប់ក្នុងមន្ទីរពេទ្យតែម្តង។
សពជនរងគ្រោះ ត្រូវក្រុមគ្រួសារដឹកយកមកផ្ទះវិញដើម្បីចាត់ចែងធ្វើបុណ្យទៅតាមប្រពៃណី។
មន្ត្រីមូលដ្ឋានបានធ្វើការអំពាវនាវដល់ប្រជាពលរដ្ឋទាំងអស់ក្នុងពេលមេឃភ្លៀង មានខ្យល់កន្ត្រាក់ ផងត្រូវប្រមូលកូនចៅរកកន្លែងជ្រកដែលមានសុវត្តិភាព ព្រោះរន្ទះសព្វថ្ងៃនេះកាចខ្លាំងណាស់បាញ់មនុស្សស្លាប់ងាយជាងបកចេកទៅទៀត៕
អត្ថបទ៖ វ៉ាន់ ណាង
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?