អាជ្ញាធរ​រាជធានី​ភ្នំពេញ មិន​អនុញ្ញាត​ឱ្យមាន​ការប្រគុំ​តន្ដ្រី ឬ​កម្មវិធី​សប្បាយភាព ជួបជុំ​អបអរសាទរ​បុណ្យ​ឆ្លង​ចូលឆ្នាំ​សកល​ខាងមុខនេះ​ទេ​
Connect with us
Helistar Cambodia - Helicopter Charter Services

ព័ត៌មានជាតិ

អាជ្ញាធរ​រាជធានី​ភ្នំពេញ មិន​អនុញ្ញាត​ឱ្យមាន​ការប្រគុំ​តន្ដ្រី ឬ​កម្មវិធី​សប្បាយភាព ជួបជុំ​អបអរសាទរ​បុណ្យ​ឆ្លង​ចូលឆ្នាំ​សកល​ខាងមុខនេះ​ទេ​

Published

on

នៅសល់​មិន​ប៉ុន្មាន​ថ្ងៃ​ទៀត​ទេ កម្មវិធី​បុណ្យ​ណូអែល និង​ពិធី​ឆ្លង​ចូលឆ្នាំ​សកល​២០២១ ឈានចូល​មកដល់​ហើយ ហើយ​កម្មវិធី​ទាំង​២​នេះ​ជាទូទៅ មិន​ថាជនបរទេស អឺរ៉ុប អាស៊ី​នោះទេ គឺ​តែងតែ​ធ្វើ​ពិធី​ជួបជុំ​សប្បាយភាព​ មិនដែល​អាក់ខាន​ឡើយ ។ តែ​សម្រាប់​ឆ្នាំនេះ ដោយសារ​នៅលើ​ពិភព​លោក​កំពុង​ប្រឈម​នឹង​ការរីក​រាលដាល​ជំងឺ​កូ​វីដ​-១៩ ហើយ​ប្រទេស​កម្ពុជា ពិសេស​នៅ​រាជធានី​ភ្នំពេញ​កំ ពុង​ប្រឈម​ដែរនោះ ទើប​នៅថ្ងៃនេះ​អាជ្ញាធរ​រាជធានី​ភ្នំពេញ បានប្រកាសមិន​អនុញ្ញាត​ឱ្យមាន​ការប្រ គុំ​តន្ដ្រី ឬ​កម្មវិធី​សប្បាយភាព ជួបជុំ​អបអរសាទរ​បុណ្យ​ឆ្លង​ចូលឆ្នាំ​សកល​ខាងមុខ​នេះឡើយ​។​

​លោក ឃួ​ង ស្រេង អភិបាល​រាជធានី​ភ្នំពេញ តាមរយៈ​សារ​ជា​សម្លេង​តាម​ប្រព័ន្ធ​អេឡិចត្រូនិក បាន​ណែនាំ​ឱ្យ​គ្រប់​ប្រធាន​គណៈ​បញ្ជា ឯកភាព​ខណ្ឌ​ទាំង​១៤ ត្រូវ​ពិនិត្យមើល​បន្ទាន់​នៅតាម​មូលដ្ឋាន​របស់ខ្លួន ពី​ការរៀបចំ​ប្រគុំ​តន្ដ្រី ការលេង​ល្បែង​កម្សាន្ត ការផ្សព្វផ្សាយ​ផលិតផល ឬក៏​មានការ​ជួបជុំ​អបអរសាទរ​បុណ្យ​ឆ្លង​ចូលឆ្នាំ​សកល​ខាងមុខនេះ សូមឱ្យ​ផ្អាក​កម្មវិធី​ទាំងនោះ​ជា​បណ្ដោះអាសន្ន ដោយសារ​ទី​១ ព្រឹត្តិការណ៍​សហគមន៍ ២៨​វិច្ឆិកា​កូ​វីដ​-១៩ នៅ​មិនទាន់​ចប់​ជា​ស្ថាពរ ។ ទី​២ បច្ចុប្បន្ន នេះ មានការ​ផ្ទុះ​រីក​រាលដាល ឡើង​នូវ​ជំងឺ​កូ​វីដ​-១៩ នៅ​ប្រទេស​ថៃ ដែលមាន​ខេត្ត​ជាប់​បន្ទាត់​ព្រំដែន​កម្ពុជា ដែល​អាចមាន​ពលករ​ឆ្លង​ចូលមក​ក្នុងស្រុក​វិញ ។ ដូចនេះ​ដើម្បី​ចូលរួម​ទប់ស្កាត់​ការរីក​រាល ដាល​ជំងឺ​កូ​វីដ​-១៩​នេះ លោក​ ឃួ​ង ស្រេង ​បាន​សូម​គណៈបញ្ជាការ​ឯកភាព​ខណ្ឌ​ទាំង​១៤ ផ្អាក​ការ ជួប​ជុំគ្នា​នេះ​ជា​បណ្ដោះអាសន្ន រង់ចាំ​ការគ្រប់គ្រង​បាន​នូវ​ជំងឺ​កូ​វីដ​-១៩​នេះ និង​រង់ចាំ​មានការ​ណែនាំ​ជាថ្មី ក្នុងនោះដែរ​គណៈបញ្ជាកា​រ​ឯកភាព​ខណ្ឌ​ទាំង​១៤​ធ្វើការ​ផ្សព្វផ្សាយ ដើម្បីឱ្យ​ប្រជាពលរដ្ឋ​យល់ ដឹង ការពារ និង​អនុវត្ត​វិធាន​នានា​ឱ្យបាន​ល្អ​តាម​មូលដ្ឋាន​៕​

អត្ថបទ ៖ ស្រីរ័ត្ន​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ8 mins ago

កូវីដនៅ ប៉ារ៉ាហ្គាយ កាន់តែធ្ងន់ធ្ងរ ដល់ថ្នាក់អស់ថ្នាំព្យាបាលអ្នកជំងឺ

ព័ត៌មានជាតិ27 mins ago

អ្នកនាំពាក្យ​ស្នងការ​ក្រុង​បដិសេធ​ថា ​មិនទាន់​ទទួល​បាន​ព័ត៌មាន​ពី​ស្នងការ​រងក្រុង​ម្នាក់​ឆ្លង​កូ​វីដ​១៩​នៅឡើយ​ទេ

ព័ត៌មានជាតិ1 hour ago

មន្ត្រី​ព្រួយបារម្ភ​ពី​ការឆ្លង​កូ​វីដ​១៩ ​ខណៈ​ពលរដ្ឋ​កាន់តែ​​សម្រុក​ទៅ​មើល​បាតុភូត​ចម្លែក​ ទឹកធ្លាក់​ពីលើ​មែក​ឈើ

ព័ត៌មានអន្ដរជាតិ1 hour ago

នៅតែធ្ងន់ធ្ងរ! ២៤ម៉ោងចុងក្រោយ ប្រេស៊ីល មានអ្នកស្លាប់១,៥៥៥នាក់ទៀតដោយសារកូវីដ

ព័ត៌មានជាតិ2 hours ago

អតីត​និវត្តជន​ម្នាក់​ ផ្ទុះ​គ្រាប់​ខ្ទេច​ខ្លួន​ស្លាប់ ខណៈ​ឆ្នៃ​គ្រាប់ ​៦០​ មិល្លីម៉ែត្រ​ទុក​គប់​ត្រី

Sokha Hotels

ព័ត៌មានពេញនិយម

Helistar Cambodia - Helicopter Charter Services