ព័ត៌មានជាតិ
អាជីវករផ្សារអូរឫស្សីទាំង១៧០តូប អាចលក់ដូរនៅកន្លែងដើមវិញមុនរដូវវស្សា ក្រោយពីការជួសជុល
អាជ្ញាធររាជធានីភ្នំពេញដឹកនាំដោយ លោក ឃួង ស្រេង ជាអភិបាលរាជធានី និងគណៈកម្មការផ្សារអូរឫស្សី បានជំរុញឲ្យការជួសជុលអគារក្រោមឡៅតឿផ្សារអូរឫស្សីឲ្យបានលឿន ដើម្បីឲ្យបងប្អូនអាជីវករ ដែលស្ម័គ្រចិត្តទៅលក់ដូរនៅលើដងផ្លូវ១១០ បានចូលមកលក់ដូរនៅក្រោមឡៅតឿ ក្នុងផ្សារអូរឫស្សីដូចដើមវិញបានឆាប់ ក្រោយពីអគារនេះបានផ្ទុះសរសៃដែក មិនអាចលក់ដូរបន្តទៀតបាន ហើយអាជីវករជិត១៧០តូប បានស្ម័គ្រចិត្តទៅលក់នៅលើផ្លូវ ក្រោមការរៀបចំរបស់អាជ្ញាធរនោះ។
លោក ហ៊ត វ៉ាន់ធី ប្រធានគណៈកម្មការផ្សារអូរឫស្សី បានឲ្យដឹងនាព្រឹកថ្ងៃទី២៣ ខែធ្នូ ឆ្នាំ២០២០នេះថា នៅក្នុងពេលនេះ ក្រុមការងារផ្នែកជួសជុលអគារផ្សារអូរឫស្សី នៅក្រោមឡៅតឿ នៃផ្សារ បាននិងកំពុងធ្វើសកម្មភាពជួសជុលទីតាំងផ្សារនេះ ទាំងយប់ទាំងថ្ងៃ ដើម្បីជំរុញការជួសជុលនេះ ឲ្យបានរួចរាល់ នៅមុនរដូវភ្លៀងធ្លាក់មកដល់។ លោកបញ្ជាក់ថា ពេលនេះ ក្រុមការងារបាននិងកំពុងកាត់ប្លង់សេ ដែលផ្ទុះចេញសរសៃដែកចេញ ដោយកាត់ ជាដុំ ជាដុំនិងដឹកចេញពេលយប់ ដើម្បីកុំឲ្យមានការប៉ះពាល់ដល់ការលក់ដូររបស់បងប្អូនអាជីវករ ហើយក្រោយកាត់ប្លង់សេនេះចេញអស់ យើងនឹងរៀបក្តាររែងសរសៃដែកចាក់ប្លង់សេថ្មីឡើងវិញ។ លោកបន្តថា ពាក់ព័ន្ធនឹងការងារនេះ លោក ឃួង ស្រេង អភិបាលនៃគណៈអភិបាលរាជធានីភ្នំពេញ ក៏ដូចជាអាជ្ញាធរខណ្ឌ៧មករា និងគណៈកម្មការផ្សារ បានជំរុញឲ្យក្រុមការងារធ្វើកិច្ចការងារនេះ ឲ្យបានលឿន ពោលគឺ បើមានកន្លែងណា ដែលមានការរាំងស្ទះ គឺអាជ្ញាធររាជធានីភ្នំពេញដូចជា គណៈកម្មការផ្សារចុះអន្តរាគមន៍ភ្លាមៗតែម្តង ដោយមិនឲ្យមានការរាំងស្ទះនៃការជួសជុលនេះទេ។
លោកបញ្ជាក់ផងដែរថា គម្រោងជួសជុលនេះ អាចនឹងរួចរាល់ប្រមាណជា៥ទៅ៦ខែទៀត មានន័យថា អាចរួចមុនពេលភ្លៀងធ្លាក់មកដល់ ដែលនឹងអាចឲ្យបងប្អូនអាជីវករទាំង១៧០តូប ដែលរុះរើចេញស្ម័គ្រចិត្តទៅលក់ដូរនៅលើផ្លូវ១១០ខាងកើតផ្សារអូរឫស្សីបានចូលមកលក់ដូរនៅកន្លែងដើមវិញ៕
អត្ថបទ៖ ស្រីរ័ត្ន
សូមចុចអាន៖ អ្នកតាកែវរអ៊ូផ្លូវជាតិលេខ ២ ធ្វើយឺត ឥឡូវសម្រេចបាន២០%
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)