ព័ត៌មានជាតិ

លោកច្រឹក សុខនីម បន្តជាប់ជាប្រធានប្រធាន សមាគមអ្នកវាយតម្លៃ និងភ្នាក់ងារអចលនវត្ថុកម្ពុជាមួយអាណត្តិទៀត

បានផុស

៣ years មុន

នៅ

ថ្ងៃពុធ ២៣ ធ្នូ ២០២០

ដោយ

ភ្នំពេញ ៖ លោកច្រឹក សុខនីម ត្រូវបានសមាជិកបោះឆ្នោតគាំទ្រចំនួន៤៩សន្លឹកជាប់ជាប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាមួយអាណត្តិទៀតដោយបានយកឈ្នះទៅលើដៃគូរបស់ខ្លួនគឺលោកវ៉នចាន់ថនដែលទទួលបានសន្លឹកឆ្នោតតែ៤៧សន្លឹកប៉ុណ្ណោះ។

ការជាប់ឆ្នោតជាលើកទី២នេះ បានធ្វើឡើងនៅក្នុងមហាសន្និបាតរបស់សមាគមនៅរសៀលថ្ងៃទី២៣ខែធ្នូឆ្នាំ២០២០នេះ។ ដូចនេះបានធ្វើឲ្យលោកច្រឹក សុខនីមក្លាយជាប្រធានសមាគមមួយអាណត្តិទៀតដែលជាអាណត្តិទី៧សម្រាប់ឆ្នាំ២០២១និង២០២២។

មុននឹងឈានដល់ការបោះឆ្នោតជ្រើសរើសប្រធាននិងប្រធានក្រុមប្រឹក្សាអាណត្តិថ្មីនវដែរលោកបានលើកឡើងនៅក្នុងបណ្តាញសង្គមរបស់លោកថា «ដើម្បីបន្តនិរន្តរភាពនៃសមាគម CVEA និងដើម្បីដឹកនាំសមាគមនេះ ឆ្ពោះទៅរកវឌ្ឍនភាព/ការរីកចម្រើនបន្ថែមទៀត សម្រាប់អាណត្តិទី៧ ឆ្នាំ២០២១-២០២២ ខ្ញុំបាទនឹងប្រើប្រាស់យុទ្ធសាស្ត្រ ៧/១១ ក្នុងការដឹកនាំសមាគមឆ្ពោះទៅរកភាពជោគជ័យ ដោយផ្តោតលើការលើកកម្ពស់ការអប់រំ សមត្ថភាព គុណភាព និងកម្រិតជីវភាពរបស់សមាជិកឲ្យរឹតតែប្រសើរឡើង និងជាពិសេសជំរុញការធ្វើការងាររួមគ្នា ដើម្បីដឹកនាំ CVEA ឆ្ពោះទៅរកភាពរីកចម្រើនបន្ថែមទៀត ទាំងនៅក្នុងប្រទេស និងនៅលើឆាកអន្តរជាតិ»។

លោកបានបន្តថា«ដើម្បីឲ្យខ្ញុំអាចសម្រេចផែនការ ៧/១១ នេះបាន ខ្ញុំបាទ ច្រឹក សុខនីម សូមអំពាវនាវដល់បងប្អូនជាសមាជិក CV EA ទាំងអស់ មេត្តាបោះឆ្នោតជូនរូបខ្ញុំបាទធ្វើជាប្រធានសមាគមអ្នកវាយតម្លៃ និង ភ្នាក់ងារអចលនវត្ថុកម្ពុជា CVEA សម្រាប់អាណត្តិទី៧ នៅថ្ងៃទី ២៣ ខែ ធ្នូ ឆ្នាំ២០២០ វេលាម៉ោង ៩ព្រឹក ដល់ ៤ល្ងាច»៕
ដោយ ៖ សំអឿន

Related Topics:

Up Next

ក្រុមទមិឡឥតសាសនាចូលលួចគាស់កុដិលោកលួចលុយបានជាង១២.០០០.០០០លានរៀលនិងប្រាក់ថៃ១ម៉ឺនបាត

Don't Miss

សហព័ន្ធហែលទឹកបើកវគ្គបង្រៀនហែល ទឹកដល់និស្សិតនាយទាហានសកម្មនៅសាលានាយទាហានសកម្មត្មាតពង