ព័ត៌មានជាតិ
អង្គការទស្សនៈពិភពលោកជំរុញឱ្យសារព័ត៌មានចូលរួមផ្សព្វផ្សាយផ្លាស់ប្ដូរឥរិយាបថមនុស្សប្រព្រឹត្តអំពើហិង្សាលើកុមារ
លោក ឡេង វីរៈ នាយកប្រតិបត្តិ នៃអង្គការទស្សនៈពិភពលោកអន្តរជាតិប្រចាំកម្ពុជា បានថ្លែងថា តួនាទីសាព័ត៌មានមានសារសំខាន់ក្នុងការចូលរួមផ្សព្វផ្សាយក្នុងការផ្លាស់ប្ដូរឥរិយាបទមនុស្ស នៅក្នុងសង្គមចំពោះការប្រព្រឹត្តអំពើហិង្សារ។
ការលើកឡើងរបស់លោក ឡេង វីរៈ បានធ្វើឡើងក្នុងសិក្ខាសាលាមួយរៀបចំដោយអង្គការទស្សនភពិលោក ស្ដីពី តួនាទីរបស់អ្នកសាព័ត៌មានក្នុងការបង្ការ និងទប់ស្កាត់អំពើហិង្សាលើកុមារនៅកម្ពុជានៅថ្ងៃទី ២០ ខែកក្កដា ឆ្នាំ ២០២២។
លោកបន្តថា ព័ត៌មានធ្វើឱ្យយើងយកមកត្រិះរិះពិចារណា ថ្លឹងថ្លែងហើយធ្វើការសម្រេចចិត្តប្រសិនបើព័ត៌មាននោះល្អត្រឹមត្រូវ ធ្វើឱ្យយើងសម្រេចចិត្តបានត្រឹមត្រូវ។
កិច្ចការពារពារកុមារទប់ស្កាត់អំពើហិង្សាគ្រប់ទម្រង់ ទាំងផ្ទាល់ទាំងប្រយោលទាំងលក្ខណៈជាបុគ្គល និងលក្ខណៈជាប្រព័ន្ធ គឺតួនាទីអ្នកសារព័ត៌មានមានសារសំខាន់ ដែលមិនអាចខ្វះបាន។
លោក ឡេង វីរៈ បញ្ជាក់ថា នៅពេលដែលបងប្អូនបានចូលរួមចែករំលែក សិល្បៈបង្កប់អត្ថន័យដែលធ្វើឱ្យពាក្យឃ្លាទាំងអស់នោះ ចាក់ជ្រៅដល់បេះដូងធ្វើឱ្យឥរិយាបថរបស់មនុស្សមានការផ្លាស់ប្ដូរមនុស្សដែលពិបាកផ្លាស់ប្ដូរប្រើពេលយូរឆ្នាំ ប៉ុន្តែគាត់ផ្លាស់ប្ដូរដោយសារឃើញពាក្យមួយឃ្លានៅលើសារព័ត៌មានចេញអំពីទឹកចិត្តបង្កប់ដោយព្រលឹង។
របាយការណ៍សិក្សាអង្កេតប្រជាសាស្ត្រ និងសុខភាព CDHS ២០២១-២២ របស់ក្រសួងសុខាភិបាលចេញផ្សាយកាលពីពេលថ្មីៗនេះ បង្ហាញថា កុមារ ៦៦ ភាគរយ នៃកុមារដែលមានអាយុ ចាប់ពី ១-១៤ ទទួលរងការប្រៀនប្រដៅដាក់ពិន័យក្នុងគ្រួសារ។ ក្នុងនោះ កុមារ ៥៩ ភាគរយទទួលរងការផ្លូវចិត្ត និង៤៣ ភាគរយ ទទួលរងការពន័យលើផ្លូវកាយ។
លោក ឆាយ វាសនា ប្រធានកម្មវិធីកិច្ចការពារកុមារ នៃអង្គការទស្សនៈពិភពលោក បានឱ្យដឹងថា ការដាក់ទណ្ឌកម្មលើរាងកាយលើកុមារ បង្ករផលប៉ះពាល់អវិជ្ជមានដល់សុខភាព ស្មារតី និងការអភិវឌ្ឍរបស់កុមារ។ ការដាក់ទណ្ឌកម្ម ទោះធ្ងន់ ឬស្រាល មានហានិភ័យនៃការកើនឡើង។ តាមការសិក្សា ឪពុកម្ដាយបានប្រើការដាក់ទណ្ឌកម្មលើរាងការយ មានហានិភ័យខ្ពស់ នៃការប្រព្រឹត្តអំពើហិង្សាធ្ងន់ធ្ងរ៕
អត្ថបទ៖ ឡេង ដេត
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល