ព័ត៌មានជាតិ
ប្រជុំបន្ទាន់!! ត្រៀមដឹកជញ្ជូនពលករខ្មែរធ្វើចត្តាឡីស័កជំងឺកូវីដ.១៩ និងពង្រឹងសន្តិសុខព្រំដែនឆ្លើយតបព្រឹត្តិការណ៍៤មករា ឆ្នាំ២០២១
ក្រោយប្រជុំផ្សព្វផ្សាយសភាពការណ៍បន្ទាន់រួចមក មន្ត្រីគណៈបញ្ជាការឯកភាពខេត្ត ដឹកនាំដោយលោក អ៊ុំ រាត្រី អភិបាលខេត្តបន្ទាយមានជ័យ នៅល្ងាចថ្ងៃទី២៣ ខែធ្នូ ឆ្នាំ២០២០នេះ បានប្រញាប់ចុះទៅព្រំដែនដើម្បីធ្វើការត្រួតពិនិត្យការដឹកជញ្ជូនបងប្អូនប្រជាពលរដ្ឋដែលធ្វើការចំណាកស្រុកនៅ ច្រកអូរបីជាន់ ត្រូវអនុវត្តឲ្យមានលទ្ធផលល្អរហ័ស និងមានប្រសិទ្ធភាព នូវបទបញ្ជារបស់សម្តេចតេជោ ហ៊ុន សែន ទាក់ទិនការដឹកជញ្ជូនពលករខ្មែរ ការធ្វើចត្តាឡីស័កបង្ការជំងឺកូវីដ.១៩ និងធ្វើការពង្រឹងសន្តិសុខ នៅតាមព្រំដែនដើម្បីឆ្លើយតបព្រឹត្តិការណ៍៤មករា ឆ្នាំ២០២១ខាងមុខនេះផងដែរ។
លោក អ៊ុំ រាត្រី បានបញ្ជាក់ឲ្យដឹងបន្តទៀតថា ពលរដ្ឋខ្មែរ ដែលវិលត្រឡប់ពីប្រទេសថៃចូលមកកម្ពុជា តាមច្រកអូរបីជាន់ ស្ថិតនៅឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ត្រូវបានក្រុមគ្រូពេទ្យ និងមន្ត្រីជំនាញត្រួតពិនិត្យវាស់កំដៅ រួចបញ្ជូនទៅមន្ទីរពេទ្យក្រុងប៉ោយប៉ែត ដើម្បីធ្វើចត្តាឡីស័ករយៈពេល១៤ថ្ងៃ ។
លោកបានបញ្ជាក់ឲ្យដឹងបន្តទៀតថា ដើម្បីដាក់វិធាការបន្ថែមក្នុងការពង្រឹងការគ្រប់គ្រងប្រជាពលរដ្ឋ ដែលបានវិលត្រឡប់មកពីប្រទេសថៃឲ្យបានហ្មត់ចត់ តឹងរឹងបំផុត នោះត្រូវត្រួតពិនិត្យវាស់កំដៅ រួចបញ្ជូនទៅមន្ទីរពេទ្យក្រុងប៉ោយប៉ែត ដើម្បីធ្វើចត្តាឡីស័ករយៈពេល១៤ថ្ងៃ ឲ្យបានត្រឹមត្រូវ តាមវិធានការរបស់ក្រសួងសុខាភិបាល។
បើតាមក្រុមគ្រូពេទ្យ និងមន្ត្រីជំនាញដែលប្រចាំការនៅចំណុចខាងលើបានឲ្យដឹងថា ក្រោយពីទទួលបានបទបញ្ចាពីសម្តេចតេជោ ហ៊ុនសែន មកមន្ត្រីជំនាញពាក់ព័ន្ធទាំងអស់ បានរឹតបន្តឹងបំផុត នៅពេលដែលពួកកាត់ចេញពីទឹកដីថៃ មិនអនុញ្ញាតឲ្យពួកគាត់ចេញទៅណាបាត់មួយនាក់នោះទេ ដោយធ្វើការពិនិត្យសំណាក និងធ្វើចត្តាឡីស័ករយៈពេល១៤ថ្ងៃ មិនខ្វល់ពីការពិនិត្យឃើញមានការសង្ស័យឬមិនមាននោះទេ ដោយយកយុទ្ធសាស្ត្រចាស់ របស់សម្តេចតេជោ ហ៊ុន សែន កាលពីអំឡុងខែមិនា កន្លងទៅ ដោយកាលនោះមិនមានអ្នកឆ្លងនោះទេ ដើម្បីទប់ស្កាត់ការរីករាដាលដល់ក្នុងសហគមន៍។
មន្ត្រីជំនាញបានបញ្ជាក់ឲ្យដឹងបន្តថា ប្រជាពលរដ្ឋដែលចេញពីទឹកដីថៃ ក្រោយពិនិត្យរួចត្រូវបានបញ្ជូនទៅកន្លែកពិនិត្យសំណាកនិងធ្វើចត្តាឡីស័ករយៈពេល១៤ថ្ងៃ នៅជាច្រើនទីតាំង ទាំង៧ស្រុក ២ក្រុង ពិសេសគឺស្រុក ក្រុងជាប់និងព្រំដែនខ្មែរ ថៃ។ លោកបានបញ្ជាក់ឲ្យដឹងបន្តទៀតថាចាប់តាំងពីកើតមានវិបត្តិជំងឺកូវីត.១៩ ប្រជាពលរដ្ឋខ្មែរ ដែលវិលត្រឡប់ប្រទេសថៃចូលមកកម្ពុជាវិញ មានអ្នកកើតជំងឺឆ្លងកូវីដ.១៩នេះតិចបំផុត សម្រាប់ក្នុងខេត្តបន្ទាយមានជ័យនេះ៕
អត្ថបទ ៖ វ៉ាន់ ណាង
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ