ព័ត៌មានជាតិ
ស្ថានទូតខ្មែរប្រចាំនៅថៃប្រកាសលេខទូរសព្ទ Hotlineសម្រាប់ឲ្យពលករខ្មែរទំនាក់ទំនងពេលមានបញ្ហាខណៈថៃកំពុងផ្ទុះជំងឺកូវីដ
ខណៈពេលដែលប្រទេសថៃ កំពុងមានការផ្ទុះជំងឺកូវីដ១៩នោះស្ថានទូតព្រះរាជាណាចក្រកម្ពុជាប្រចាំព្រះរាជាណាចក្រថៃបានណែនាំដល់ពលករខ្មែរទាំងអស់ដែលកំពុងស្នាក់នៅនិងធ្វើការក្នុងប្រទេសថៃត្រូវប្រញាប់ទំនាក់ទំនងមកកាន់ស្ថានទូត ឬ កុងស៊ុលនៅពេលមានបញ្ហាតាមរយៈលេខទូរសព្ទ០៩២៨០៥០៥៦១និង០៩៤០៩២៥៩០៥និងលេខ Hotlineរបស់នាយកដ្ឋានគ្រប់គ្រងជំងឺឆ្លងសម្រាប់ពលករបរទេស១៤២២ភ្ជាប់ទៅលេខ៨១សម្រាប់ភាសាខ្មែរ។
ការប្រកាសលេខទូរស័ព្ទនេះបន្ទាប់ពីប្រទេសថៃកំពុងមានផ្ទុះជំងឺកូវីដ១៩នៅខេត្តសាមុតសាខននិងកំពុងរាលដាល់នៅតាមបណ្តាខេត្តមួយចំនួនទៀត។
យោងតាមសេចក្តីប្រកាសព័ត៌មានរបស់ស្ថានទូតខ្មែរប្រចាំប្រទេសថៃបានឲ្យដឹងថា ដើម្បីគ្រប់គ្រងនិងការពារមិនឲ្យមានការរីករាលដាលជំងឺកូវីដ១៩ទៅលើពលករបរទេសទាំងអស់ដែលជាហេតុបង្កឲ្យមានផលប៉ះពាល់ដល់អាយុជីវិតនិងសុខភាពអនាម័យរបស់ប្រជាពលរដ្ឋក្រសួងការងារថៃបានស្នើឲ្យមានការកិច្ចសហការពីនិយោជករោងចក្រសហគ្រាសនិងក្រុមហ៊ុននានាគ្រប់ទីកន្លែងនៅក្នុងប្រទេសថៃ។
បើតាមសេចក្តីប្រកាសព័ត៌មានដដែលក្រសួងការងារថៃបានហាមចល័តពលករបរទេសចេញចូលតំបន់ដែលមានការរីករាលដាលកូវីដ១៩ហើយគ្រប់រោងចក្រសហគ្រាសត្រូវមានវិធានការនិងត្រួតពិនិត្យវាស់កំដៅដល់ពលករបរទេសបើមានកំដៅលើសឬមានអាការៈខុសប្រក្រតីផ្សេងៗដូចជាក្អកពិបាកដកដង្ហើមគួរឱ្យពលករនោះសម្រាកពីការងារនឹងប្រញាប់រួសរាន់ជូនដំណឹងដល់ទីភ្នាក់ងារសុខាភិបាលដើម្បីអនុវត្តវិធានការចត្តាឡីស័កភ្លាម។
លើសពីនេះ ត្រូវរៀបចំអាកុលសម្រាប់លាងដៃនៅតាមកន្លែងធ្វើការច្រកទ្វារចេញចូលនិងតាមបន្ទប់ទឹកនិងតម្រូវឲ្យពលករបរទេសពពាក់ម៉ាសពាក់ស្រោមដៃនឹងរក្សាគំលាតពីមួយម៉ែត្រទៅពីរម៉ែត្រក្នុងកំឡុងពេលបំពេញការងារព្រមទាំងថែរក្សានិងសំអាតឧបករណ៍ដែលបានប្រើប្រាស់ជាប្រចាំនិងផ្សព្វផ្សាយនិងពន្យល់ណែនាំពលករបរទេសឲ្យយល់ដឹងពីវិធីការពារខ្លួនពីជំងឺកូវីដ១៩ ដោយខ្លួនឯង។
ស្ថានទូតខ្មែរប្រចាំនៅថៃអំពារនាវដល់បងប្អូនពលករខ្មែរនៅប្រទេសថៃទាំងអស់មេត្តាចូលរួមសហការនិងអនុវត្តវិធានការនានារបស់រាជរដ្ឋាភិបាលថៃឲ្យបានខ្ជាប់ខ្ជួនមានប្រសិទ្ធភាពខ្ពស់និងសូមរក្សាសុខភាពអនាម័យដើម្បីបង្ការនិងទប់ស្កាត់ការរីករាលដាលនៃជំងឺកូវីដ១៩។
ស្ថានទូតបានបន្តថា ក្នុងករណីបងប្អូនមានបញ្ហាសូមទំនាក់ទំនងមកកាន់ស្ថានទូត ឬ កុងស៊ុលតាមរយៈលេខទូរសព្ទ០៩២៨០ ៥០៥៦១និង០៩៤០៩២៥៩០៥និងលេខ Hotlineរបស់នាយកដ្ឋានគ្រប់គ្រងជំងឺឆ្លងសម្រាប់ពលករបរទេស១៤២២ភ្ជាប់ទៅលេខ៨១សម្រាប់ភាសាខ្មែរ៕
ដោយ ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល