ព័ត៌មានជាតិ
អាជ្ញាធរខេត្តកំពង់ធំ សាងសង់ កែលម្អច្រាំងស្ទឹងសែន បន្ថែមដើម្បីត្រៀមពិធីបុណ្យអុំទូកថ្នាក់ខេត្ត នៅតុលា ខាងមុខនេះ
កំពង់ធំ ៖ អាជ្ញាធរខេត្តកំពង់ធំ រៀបចំពិធីក្រុងពាលី សាងសង់កែលម្អរច្រាំងស្ទឹងសែនបន្ថែម ដើម្បីត្រៀមធ្វើពិធី បុណ្យអ៊ុទូកថ្នាក់ខេត្ត នៅខែតុលា ឆ្នាំ២០២២ ខាងមុខនេះ។
នៅព្រឹកថ្ងៃទី១៨ ខែសីហា ឆ្នាំ២០២២, រដ្ឋបាលខេត្តកំពង់ធំប្រារព្ធពិធីក្រុងពាលី សែនព្រេនបួងសួងសុំសេចក្តីសុខ ពីម្ចាស់ទឹកម្ចាស់ដី លើកគម្រោងកែលម្អច្រាំងស្ទឹងសែន ឲ្យមានសោភ័ណ្ឌ ភាពកាន់តែល្អប្រសើរ។ ក្នុងឱកាសនោះដែរ ឯកឧត្តមលើកឡើងថា ខេត្តកំពង់ធំនៅឆ្នាំនេះ នឹងរៀបចំពិធីបុណ្យអុំទូក នៅខែតុលា ខាងមុខនេះ។ ការរៀបចំពិធីនេះ ដើម្បីបង្កើននូវភាពសប្បាយរីករាយ ជូនដល់ប្រជាពលរដ្ឋ និងធ្វើការជ្រើសរើសទូកមានមានល្បឿនលឿន ត្រៀមចូលពិធីបុណ្យអុំថ្នាក់ជាតិ នៅមុខព្រះបរមរាជវាំង ក្នុងករណីដែលប្រមុខរាជរដ្ឋាភិបាលអនុញ្ញាតឲ្យប្រារព្ធកម្មវិធីតាមប្រពៃណី និងទំនៀមទម្លាប់។ ពិធីបុណ្យ អុំទូកថ្នាក់ខេត្ត នឹងមានទូកចូលរួមមកពីបណ្ដាក្រុងស្រុកទាំងប្រាំបួនក្នុងខេត្ត រួមមានទូក“ង” ទូកខ្នាតអន្តរជាតិ និងទូកខ្លី (ទូកប្រហុក) ដែលប្រជាពលរដ្ឋខ្មែរសម្រាប់ធ្វើការនេសាទ តាំងពីបុរាណមក។
លោកបន្តថា ដើម្បីឲ្យការរៀបចំពិធីនេះ មានសប្បាយរីករាយ និងមានសុវត្ថិភាពដល់ ប្រជាពលរដ្ឋ ដែលមកលេងកំសាន្ត អាជ្ញាធរខេត្តកំពង់ធំ រៀបចំសាងសង់ច្រាំងស្ទឹងសែនបន្ថែម ភ្ជាប់ពីសួនស្ទឹងសែន ចាប់ពីចំណុចរូបសំណាក់ចង្រិត រហូតដល់វាទិការអ៊ុទូក ដែលមានប្រវែងសរុប ប្រមាណជិត២០០ម៉ែត្រ ទទឹង៣ម៉ែត្រ ធ្វើអំពីបេតុងកម្រាស់ ០.១៥ម៉ែត្រ ដែលសាងសង់ឲ្យរួចរាល់មុនពិធី មុនពិធីបុណ្យអុំទូកថ្នាក់ខេត្តនៅខែតុលា ឆ្នាំ២០២២ ខាងមុខនេះ។ ឯកឧត្តមបន្ថែមថា ក្រុមជាង នឹងដើមឈើ ដែលមានស្រាប់ឲ្យនៅដដែល សម្រាប់ជាកន្លែងប្រជាពលរដ្ឋងាយស្រួលឈរមើលកម្មវិធីផង និងជាកន្លែង សម្រាប់លំហែកំសាន្ត នៅលើច្រាំងស្ទឹង ក្រោមម្លប់ឈើផងដែរ៕
អត្ថបទ ៖ ឈាង មករា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង